Mak 15:16 - Yesus Aqa Anjam Bole

^16-17 Degsi minjrnaqa naŋgi Yesus baŋ ojsib Rom naŋgo tal kobaqujaq osi gileb. Osi gilsib qaja tamo kalil naŋgi metnjrnab bosib koroeb. Koroosib gara jugo olekoba lent mandor kokba naŋgi gaigai jigeqnub deqaji bei osib Yesus jigeteb. Osib sil luwit osib lulumosib sil dena mandor kokba naŋgo gate tatal bul gereiysib aqa gateq di atetosib siŋgila na teqiyeb. Yesus a segi qa Mandor Koba maroqnej deqa naŋgi na kumbra degyeb.

Mak 15:16 Iomraidhean Croise

Matyu 26:3

Yori bati koba di jojomej deqa atra tamo kokba ti Juda gate kokba ti naŋgi gilsib atra tamo gate aqa ñam Kaiafas aqa talq di koroeb.

Jon 18:28

Onaqa nobqolo malu qameqnaq Juda tamo kokba naŋgi na Kaiafas aqa talq dena Yesus osib Rom naŋgo mandor koba Pailat aqa tal kobaqujaq osi gileb. Osi gilsib naŋgi segi Pailat aqa tal miligiq gilosai. Naŋgi endegsib are qaleb, “Pailat a Juda tamo sai. A sawa bei qaji tamo. Deqa iga aqa tal miligiq gilqa keresai. Gago dal anjam degsi unu. Iga aqa tal miligiq gilqom di iga une ti sqom. Sonamqa gago yori bati koba brantqas di iga iŋgi uyqa keresai.” Naŋgi degsi are qalsib deqa naŋgi segi Pailat aqa tal miligiq gilosai.

Jon 18:33

Onaqa Pailat a olo puluosiqa aqa tal miligiq gilsiqa aqa qaja tamo naŋgi minjrnaqa naŋgi na Yesus osib beb. Bonabqa Pailat na nenemyej, “Ni Juda naŋgo Mandor Koba e?”

Jon 19:2

Kumbaiŋysib koboonaqa naŋgi na sil luwit osib lulumosib dena mandor kokba naŋgo gate tatal bul gereiysib aqa gateq di atetosib siŋgila na teqiyeb. Osib gara jugo olekoba lent mandor kokba naŋgi gaigai jigeqnub deqaji bei osib Yesus jigeteb. A segi qa Mandor Koba maroqnej deqa naŋgi na kumbra degyeb.

Jon 19:9

Osiqa a olo Yesus osiq tal miligiq gilsiqa nenemyej, “Ni qabe na bem? Ni e merbe.” Onaqa Yesus a mequmesoqnej. A na kamba anjam bei Pailat minjosai.

Aposel 10:1

Ariya Sisaria qureq dia tamo bei soqnej aqa ñam Kornilius. A Juda tamo sai. A Rom qaji tamo. A qaja tamo naŋgo gate. A na qaja tamo 100 naŋgi taqatnjroqnej. Aqa qaja tamo naŋgi Itali sawa qaji.