Mak 15:15 - Yesus Aqa Anjam Bole

¹⁵ Onaqa Pailat a tamo uŋgasari naŋgo are latetnjrqa osiqa naŋgo anjam di dauryosiq Barabas tonto talq dena oqeq atsiqa naŋgi enjrej. Enjrsiqa olo Yesus osiq qaja tamo naŋgo baŋq di atsiqa minjrej, “Niŋgi na Yesus osib bu toqoŋ na kumbaiŋyiye.” Degsi minjrnaqa naŋgi na Yesus osib bu toqoŋ na kumbaiŋyeb. Kumbaiŋysib koboonaqa Pailat na olo minjrej, “Niŋgi na Yesus ŋamburbasq di qamqajqa osib giliye.”

Mak 15:15 Iomraidhean Croise

Matyu 20:19

Naŋgi na e degsib gisaŋbosib e ojsib tamo naŋgi Qotei aqa ñam qaliesai qaji naŋgo baŋq di e atqab. Yimqa naŋgi na e ojsib misiliŋboqnsib bu toqoŋ na kumbaiŋboqnsib ŋamburbasq di lubsib moiotbqab. Ariya bati qalub koboamqa e olo subq na tigelqai.”

Matyu 27:26

Naŋgi Pailat degsib minjnabqa a naŋgo anjam di dauryosiqa Barabas tonto talq dena oqeq atsiqa naŋgi enjrej. Osiqa olo Yesus osiq qaja tamo naŋgo baŋq di atsiqa minjrej, “Niŋgi Yesus bu toqoŋ na kumbaiŋyiye.” Degsi minjrnaqa naŋgi na Yesus osib kumbaiŋyeb. Kumbaiŋysib koboonaqa Pailat na olo minjrej, “Niŋgi na Yesus ŋamburbasq di qamqajqa osib giliye.”

Mak 15:14

Onaqa minjrej, “Kiyaqa Yesus qalit moiqas? A une kie yqo deqa a ŋamburbasq di qamqai?” Degsi minjrnaqa naŋgi olo tulaŋ koba murqumyoqnsib waiŋyoqnsib minjoqneb, “Ni na Yesus ŋamburbasq di qame.”

Luk 18:33

Osib e kumbaiŋbosib lubsib moiotbqab. Bati qalub koboamqa e olo subq na tigelqai.”

Luk 23:16

Deqa e na ijo qaja tamo qudei naŋgi minjrit naŋgi bu toqoŋ na Yesus kumbaiŋyosib a uratib olo gilqas.”

Jon 19:1

Onaqa Pailat na Yesus osiqa aqa qaja tamo naŋgo baŋq di atsiqa minjrej, “Niŋgi na Yesus bu toqoŋ na kumbaiŋyiye.” Degsi minjrnaqa naŋgi na Yesus osib bu toqoŋ na kumbaiŋyeb.

Jon 19:16

Onaqa Pailat a naŋgo areqalo dauryosiqa Yesus osiq naŋgo baŋq di atsiqa minjrej, “Niŋgi na Yesus osib ŋamburbasq di qamiye.”

Aposel 24:27

Wausau aiyel koboonaqa Feliks a Judia sawa taqato wau di uratonaqa tamo bei aqa ñam Porsius Festus a kamba Feliks aqa wau di osiqa Judia sawa taqatesoqnej. Onaqa Feliks a na Juda tamo kokba naŋgo are boletetnjrqajqa deqa a Pol tonto talq di uratonaq soqnej.

Aposel 25:9

Pol a degsi marnaqa Festus a na Juda tamo kokba naŋgo are boletetnjrqajqa deqa Pol endegsi nenemyej, “Ni Jerusalem aisim dia ijo ulatamuq di tigelosim ino anjam olo marqa kere e?”

Galesia 1:19

E Jerusalem di soqnem bati di e Yesus aqa anjam maro tamo bei unosai. E Tamo Koba Yesus aqa aube Jems a segi unem.

1 Pita 2:24

Kristus a gago une kalil qoboiyosiqa aqa segi jejamuq di atsiqa a ŋamburbasq di iga qa gaiŋej. Iga gago une kalil torei uratosim ŋambile sosim kumbra tiŋtiŋ yoqnqajqa deqa osiqa ŋamburbasq di iga qa gaiŋej. Jeu tamo naŋgi na Yesus qalougetosib jaqatiŋ koba yeb. Onaqa aqa jaqatiŋ dena a na iga olo boletgej.