Mak 15:12 - Yesus Aqa Anjam Bole

¹² Onaqa Pailat na olo minjrej, “Niŋgi na e Barabas eŋgwajqa merbonum. Deqa e Yesus kieryqai? Agi niŋgi a qa mareqnub, ‘A Juda gago Mandor Koba.’ Deqa e a kieryqai?”

Mak 15:12 Iomraidhean Croise

Matyu 21:5

“Niŋgi na nuŋgo medabu waqtosib Saion qure qaji naŋgi endegsib minjriye, ‘Niŋgi uniye. Nuŋgo Mandor Koba a nuŋgoq beqnu. A are lawo na beqnu. A areqalo minjiŋ saiqoji. Deqa a donki du quraq di awoosiq beqnu.’”

Mak 15:11

Onaqa atra tamo kokba naŋgi na tamo uŋgasari kalil naŋgo areqalo tigeltetnjreb. Naŋgi na Pailat minjibqa a na Barabas uratsim enjrsimqa olo Yesus osim qalim moiqajqa deqa naŋgo areqalo tigeltetnjreb. Onaqa naŋgi na Pailat aqa areq gilsib minjeb, “Ni Barabas oqeq atsim ege. Yesus oqeq ataim.”

Mak 15:13

Onaqa naŋgi kalil murqumyosib minjeb, “Ni na ŋamburbasq di qame.”

Luk 23:2

Tigeltosib Pailat minjeb, “Iga Yesus uneqnum, a na Juda tamo uŋgasari naŋgi kumbra uge uge yqajqa deqa areqalo tigeltetnjreqnu. A na naŋgi mandor koba Sisar takis yqajqa saidnjroqnsiqa minjreqnu, ‘E segi nuŋgo Mandor Koba. E segi Kristus.’” Naŋgi degsib gisaŋosib Yesus aqa jejamuq di anjam qameteb.

Aposel 5:31

Yesus qujai di Qotei na laŋ qureq osi oqsiqa aqa baŋ woq di awotej. Deqa Yesus a gago Tamo Koba. A na qujai iga eleŋamqa iga padalqasai. Yesus qujai dena iga Israel tamo uŋgasari are bulyetgsim gago une kobotetgwas.