Mak 14:50 - Yesus Aqa Anjam Bole

⁵⁰ Yesus a na naŋgi degsi minjrej. Onaqa aqa aŋgro kalil naŋgi a uratosib jaraieb.

Mak 14:50 Iomraidhean Croise

Mak 14:27

Naŋgi manaq oqoqnsibqa Yesus na minjrej, “Niŋgi kalil ijo ñam ulontosib e uratbosib jaraiqab. Nuŋgo kumbra deqa Qotei aqa anjam bei nami endegsib neŋgreŋyeb unu, ‘E na kaja naŋgo mandor qalitqa kaja naŋgi segi segi jaraiqab.’ Qotei aqa anjam nami degsib neŋgreŋyeb.

Mak 14:49

E bati gaigai atra tal miligiq dia niŋgi koba na sosimqa tamo uŋgasari naŋgi Qotei aqa anjam palontsim minjroqnem. Bati deqa niŋgi yala baŋ waiysib e ojosai. Niŋgi kumbra di yonubqa Qotei aqa anjam kalil nami neŋgreŋyeleŋeb qaji di aqa damu agi brantqo.”

Mak 14:51

Bati deqa aŋgro wala bei a ŋeio gara segi na kabuosiq Yesus dauryonab a ojeb.

Jon 16:32

Niŋgi quiye. Bati bei bqas agi jojomqo. Od, bati di bqo. Deqa jeu tamo naŋgi na niŋgi teteiŋgibqa niŋgi kalil e uratbosibqa segisegiosib nuŋgo qureq jaraiibqa e segi sqai. Bole, e segi sqasai. Di kiyaqa? Ijo Abu a e ombla unum deqa.

Jon 18:8

Onaqa Yesus na minjrej, “E nami merŋgonum, e agiende. Niŋgi e qa bonub di e segi ojiye. Ijo aŋgro naŋgi uratnjrib gileb.”

2 Timoti 4:16

Bati jeu tamo naŋgi namoqna e ojsib Rom qaji anjam pegiyo tamo aqa ulatamuq dia tigeltbeb bati deqa tamo bei na e taqbosai. Tamo kalil naŋgi e uratbosib jaraieb. Deqa e Qotei endegsi pailyem, “O Abu, ni naŋgo une deqa are qalsim naŋgi olo kambatnjraime.” E degsi Qotei pailyem.