Mak 14:38 - Yesus Aqa Anjam Bole

³⁸ Niŋgi ŋereŋaib. Niŋgi ŋam sosib pailyoqniye. Amqa gulube bei nuŋgoq bqas dena niŋgi uneq waiŋgwasai. Bole, nuŋgo areqalo kalil e daurbqajqa unu. Ariya niŋgi segi gulube di oqajqa niŋgi siŋgila saiqoji.”

Mak 14:38 Iomraidhean Croise

Matyu 24:42

E nuŋgo Tamo Koba. E bati gembu bqajqa di niŋgi qaliesai.

Matyu 25:13

Yesus a na aqa aŋgro naŋgi yawo anjam degsi minjrsiqa olo minjrej, “Dego kere niŋgi geregere ŋam atsib soqniye. Di kiyaqa? Ijo bqajqa bati niŋgi qaliesai deqa.”

Matyu 26:41

Niŋgi ŋereŋaib. Niŋgi ŋam sosib pailyoqniye. Amqa gulube bei nuŋgoq bqas dena niŋgi uneq waiŋgwasai. Bole, nuŋgo areqalo kalil e daurbqajqa unu. Ariya niŋgi segi gulube di oqajqa siŋgila saiqoji.”

Matyu 6:13

Satan na iga walawalaigosim uneq waigwa laqnimqa ni na Satan getentime. Yim kumbra uge bei na iga ugetetgwasai.’

Mak 14:34

Osiqa aqa aŋgro qalub naŋgi minjrej, “E are tulaŋ gulubekobaibqo. Gulube dena e moiepratonum. Deqa niŋgi e ombla endia sosimqa ŋam atoqniye.”

Mak 14:37

Yesus a na degsi Qotei pailyosiqa olo tigelosiqa aqa aŋgro naŋgo areq aisiq unjrej naŋgi are gulube na ŋereŋesoqneb. Deqa Yesus na Pita minjej, “O Saimon, ni ŋeiejunum e? Ni ŋam sokiñalayqa keresai e?

Mak 14:39

Degsi minjrsiqa olo puluosi sasalosiq aqa anjam nami pailyej qaji degsi olo pailyosiq bosiqa aqa aŋgro qalub naŋgi urŋamnjrnaqa ŋereŋesonab unjrej. Unjrnaqa naŋgi Yesus anjam bei minjqa keresaiinjrej.

Luk 21:36

Deqa niŋgi bati gaigai ŋam atoqnsib Qotei pailyoqnsib soqniye. Qotei pailyoqnsib soqnibqa Qotei na niŋgi siŋgila eŋgoqnimqa kumbra kalil bumbraŋyeleŋqab qaji di nuŋgoq bqasai. Bati deqa e Tamo Aŋgro nuŋgoq botqa niŋgi ijo ulatamuq dia tigelqab.” Yesus a na aqa aŋgro naŋgi anjam degsi minjrej.

Luk 22:40

Oqsibqa nañu agu beiq di brantosib Yesus na aqa aŋgro naŋgi minjrej, “Niŋgi endegsib pailyiye, ‘O Abu, gulube bei gagoq di brantosim iga uneq waigaiq.’”

1 Korin 16:13

Ariya was qu, niŋgi geregere ŋam atoqniye. Osib niŋgi siŋgila na tigelesosib Yesus qa nuŋgo areqalo siŋgilatoqniye. Niŋgi iŋgi bei qa ulaaib. Niŋgi siŋgila na soqniye.

Galesia 5:17

Iga qalie, gago areqalo namij na Qotei aqa Mondor jeuteqnu. Qotei aqa Mondor a na kamba dego gago areqalo namij jeuteqnu. Naŋgi aiyel jeu jeu unub deqa kumbra bole niŋgi yqajqa arearetŋgeqnu qaji di niŋgi olo yosaieqnub.

Filipai 2:12

Ariya was qu, e qalieonum, niŋgi gaigai ijo anjam dauryeqnub. Ariya bini niŋgi olo siŋgila na dauryoqniye. E niŋgi koba na sqai bati deqa segi sai. Bini e isaq endi unum deqa niŋgi ijo anjam dauryqa urataib. Niŋgi ijo anjam olo siŋgila na dauryoqniye. Qotei na niŋgi padalo sawaq dena eleŋej deqa niŋgi ulaosib siŋgila na wauoqniye.

1 Pita 5:8

Niŋgi nuŋgo segi walwel geregere taqatosib ŋam atsib soqniye. Bauŋ juwaŋ naŋgi tulaŋ leleŋoqnsib tamo ñumoqnsib uyeqnub dego kere nuŋgo jeu tamo Satan a na gaigai tamo uŋgasari naŋgi padaltnjrqajqa ŋamosiq laqnu.

Uli Anjam 3:10

Ni ijo anjam geregere dauryoqnsimqa gulube kalil qoboiyoqnsim siŋgila na tigelejunum deqa e ni taqatmesoqnitqa Satan a bosim tamo uŋgasari kalil sawa sawa kalilq di unub qaji naŋgi gulube enjrqa batiamqa gulube di ni qa bqasai.