Mak 14:14 - Yesus Aqa Anjam Bole

¹⁴ Niŋgi a dauryosib tal a gogetqas qaji di miligiq gilsib tal lanja endegsib minjiye, ‘Tamo Koba a marqo, “E ijo aŋgro naŋgi koba na awoosim yori bati aqa iŋgi uyqajqa warum a qabi unu?” ’

Mak 14:14 Iomraidhean Croise

Mak 10:17

Osiqa dena tigelosiqa gam dauryosiq gileqnaqa tamo bei urur ti aqa areq bosiqa aqa siŋgaq di siŋga pulutosiqa nenemyej, “O Qalie Tamo Bole, e kumbra bole kie dauryosiy dena e ŋambile gaigai sqai?”

Mak 11:3

Niŋgi sil palontoqnibqa tamo qudei naŋgi na nenemŋgwab, ‘Niŋgi kiyaqa donki aqa sil palonteqnub?’ Degsib nenemŋgibqa niŋgi na endegsib minjriye, ‘Tamo Koba a wau ti deqa iga donki sil palontsim osi gilqom. Yaintim aqa wau koboamqa a na olo qariŋyim bqas.’”

Mak 14:13

Onaqa Yesus a na aqa aŋgro aiyel qariŋnjrsiqa minjrej, “Niŋgi aiyel aisib qure ambleq dia tamo bei ya nobu qoboiyosim giloqnim gamq dia itosib dauryiye.

Mak 14:15

Niŋgi degsib minjibqa a na warum kobaquja bei gogeqsi unu di niŋgi osorŋgwas. Warum dia nami jar ti awo jaram ti ateleŋeb unu. Niŋgi aiyel aisib warum dia gago iŋgi iŋgi gereiye-leŋoiye.”

Jon 11:28

Marta a anjam degsi marsiqa olo puluosi aisiq aqa nawi Maria metonaq aqa areq bonaq ombla sasalosibqa minjej, “Qalie Tamo Koba Yesus a bqo. A endi unu. A ni qa marqo.”

Jon 13:13

Niŋgi e merbeqnub, ‘O Qalie Tamo Koba. O Tamo Koba.’ Niŋgi e degsib merbeqnub. Di kere merbeqnub. Agi e segi qujai.

Uli Anjam 3:20

“‘Ni e nube. E siraŋmeq di tigelesosimqa kindokindoŋeqnum. Tamo bei a ijo kakoro qusimqa siraŋ waqtetbqas e miligiq gilsiy aqo ombla iŋgi uyqom.