Mak 14:11 - Yesus Aqa Anjam Bole

¹¹ Degsi minjrnaqa naŋgi qusib tulaŋ areboleboleinjrnaqa minjeb, “Ni Yesus osim gago baŋq di atimqa iga ni silali emqom.” Degsi minjnabqa a gilsiqa a Yesus osim naŋgo baŋq di atqajqa gam ŋamoqnej.

Mak 14:11 Iomraidhean Croise

Matyu 26:14

Onaqa Judas Iskariot a tigelosiqa atra tamo kokba naŋgoq gilej. Judas a Yesus aqa aŋgro 12-pela naŋgi deqaji bei.

Matyu 26:15

A naŋgoq gilsiqa minjrej, “Niŋgi na awai kie ebibqa e Yesus osiy nuŋgo baŋq di atqai?” Onaqa naŋgi na meniŋ silali 30 yeb.

Mak 14:10

Onaqa Judas Iskariot a tigelosiqa atra tamo kokba naŋgoq gilej. Judas a Yesus aqa aŋgro 12-pela naŋgi deqaji bei. A naŋgoq gilsiqa minjrej, “E Yesus osiy nuŋgo baŋq di atitqa niŋgi na qalqab.”

Mak 14:12

Ariya Bem Tiyosai Qaji Uyqajqa Bati brantej. Qotei na nami Israel naŋgi endegsi minjrej, “Niŋgi kaja du du naŋgi ñumeleŋosib siraŋmeq dia leŋ liyibqa e na unsiy niŋgi padaltŋgwasai.” Qotei a nami Israel naŋgi degsi minjrej. Kumbra deqa are qalqajqa yori bati agi brantej. Brantonaqa Juda naŋgi mareb, “Iga kaja du du naŋgi ñumeleŋosim Qotei atraiyqom.” Ariya bati deqa Yesus aqa aŋgro naŋgi na Yesus endegsib nenemyeb, “Ni iga merge. Iga aisim tal qabia yori bati aqa iŋgi iŋgi gereiyetmonamqa ni iŋgi uyqam?”

Luk 22:3

Onaqa Satan a Judas aqa miligiq aiej. Judas aqa ñam bei Iskariot. A dego Yesus aqa aŋgro 12-pela naŋgi deqaji bei.

1 Timoti 6:10

Tamo deqaji naŋgi silali koba oqajqa tulaŋ arearetnjreqnu. Naŋgo kumbra di agi kumbra uge uge kalil naŋgo utru. Kumbra dena tamo qudei naŋgi titnjreqnaqa naŋgi Yesus qa naŋgo areqalo siŋgilatqa uratoqnsib gulube gargekoba iteqnub.

Jut 1:11

Tamo naŋgi di tulaŋ padalougetqab. Kein a nami kumbra uge yoqnej dego kere tamo naŋgi di Kein dauryosib kumbra uge yeqnub. Naŋgi silali koba oqajqa deqa maroqnsib gam grotosib Balam aqa kumbra uge dauryosib laqnub. Kora agi nami Qotei aqa anjam gotraŋyoqnej qaji aqa kumbra uge di dego naŋgi dauryeqnub. Deqa naŋgi padalougetqab.