Mak 13:26 - Yesus Aqa Anjam Bole

²⁶ Bati deqa e Tamo Aŋgro siŋgila ti riaŋ koba ti laŋbiq na mandamq aioqnit tamo uŋgasari naŋgi tarosib e nubqab.

Mak 13:26 Iomraidhean Croise

Matyu 16:17

Pita na kamba Yesus degsi minjnaqa a na minjej, “O Saimon, Jona aqa ŋiri, ni tulaŋ areboleboleimeme. Di kiyaqa? Ino anjam merbonum di mandam tamo bei na babtosiq mermosai. Ijo Abu laŋ qureq di unu qaji a segi na anjam di babtosiq mermqo.

Matyu 16:27

E Tamo Aŋgro. Mondoŋ e ijo Abu aqa riaŋ ti sosiy aqa laŋ aŋgro naŋgi joqsiy bosiy tamo uŋgasari kalil naŋgo kumbra segi segi qa peginjrsiy naŋgo segi segi awai keretsiy enjrqai.

Matyu 16:28

Niŋgi quiye. E bole merŋgwai. Tamo qudei ijo areq endia tigelejunub qaji naŋgi moreŋosaisoqnibqa e Tamo Aŋgro bosiy naŋgo Mandor Koba sosiy naŋgi taqatnjresoqnit naŋgi e nubqab.”

Matyu 24:30

Bati deqa e Tamo Aŋgro bqai. Ijo toqor a laŋ goge dia brantimqa tamo uŋgasari sawa sawa kalilq di unub qaji naŋgi e qa akamugetqab. E Tamo Aŋgro siŋgila ti riaŋ ti laŋbiq na boqnit tamo uŋgasari kalil naŋgi e nubqab.

Matyu 25:31

Yesus a na aqa aŋgro naŋgi yawo anjam degsi minjrsiq koboonaqa olo anjam bei endegsi minjrej, “Mondoŋ e Tamo Aŋgro ñam kobaquja oqai. Osiy Qotei aqa laŋ aŋgro kalil naŋgi joqsiy olo mandamq aisiy ijo segi awo jaram kobaq di awesqai.

Mak 14:62

Onaqa Yesus na minjej, “Od. Agi e segi. Ni que. Bunuqna e Tamo Aŋgro laŋ qureq oqsiy Qotei siŋgila koba ti unu qaji aqa baŋ woq di awesosiy olo laŋbiq na boqnit niŋgi e nubqab.”

Mak 8:38

Tamo uŋgasari bini bati endeqa unub qaji naŋgi Qotei torei qoreiyoqnsib une atsib laqnub. Deqa tamo bei a ijo ñam qa ti ijo anjam qa ti jemaiyqas di mondoŋ e Tamo Aŋgro e ijo Abu aqa riaŋ na ti ijo Abu aqa laŋ aŋgro naŋgo riaŋ na ti bosiyqa e kamba tamo di aqa ñam metqajqa jemaibqas.”

Mak 9:1

Osiqa minjrej, “Niŋgi quiye. E bole merŋgwai. Tamo qudei ijo areq endia tigelejunub qaji naŋgi moreŋosaisoqnibqa Qotei a siŋgila ti bosim nuŋgo Mandor Koba sosim niŋgi taqatŋgesoqnim niŋgi unqab.”

Luk 21:27

Bati deqa e Tamo Aŋgro siŋgila ti riaŋ koba ti laŋbiq na mandamq aioqnit tamo uŋgasari naŋgi tarosib e nubqab.

1 Tesalonaika 4:16

Qotei a anjam siŋgila koba marimqa laŋ aŋgro matu a leleŋoqnimqa Qotei na gul anjamqas. Yimqa Tamo Koba Yesus a laŋ qure uratosim mandamq aioqnimqa tamo nami Yesus qa naŋgo areqalo siŋgilatosib moreŋeb qaji naŋgi namo subq na tigelqab.

2 Pita 1:16

Iga nami gago Tamo Koba Yesus Kristus aqa siŋgila qa ti aqa bqajqa bati qa ti niŋgi merŋgeqnam niŋgi quoqneb. Ariya iga Kristus aqa anjam di merŋgoqnsim bati deqa iga mandam tamo naŋgo sa anjam dauryosaioqnem. Iga gago segi ŋamdamu na Yesus aqa riaŋ ti aqa siŋgila ti unsim deqa niŋgi merŋgoqnem.

Uli Anjam 1:7

Niŋgi uniye. Yesus a laŋbi ambleq na boqnimqa tamo kalil naŋgi a unqab. Tamo kalil nami a qaja na qameb qaji naŋgi dego a unqab. Tamo uŋgasari kalil mandamq endi unub qaji naŋgi a qa are ugeinjrimqa tulaŋ akamugetqab. Od, kumbra di brantqas. Bole.