Mak 12:39 - Yesus Aqa Anjam Bole

³⁹ Naŋgi bati gaigai Qotei tal miligiq dia tamo ñam ti naŋgo awo jaramq dia awooqnibqa tamo uŋgasari naŋgi na naŋgi unjrsib biŋinjrqajqa deqa naŋgi kumbra degyeqnub. Naŋgi goio kokba bati qa giloqnsibqa tamo ñam ti naŋgo awo jaramq dia awooqnibqa tamo uŋgasari naŋgi na naŋgi unjrsib naŋgo ñam soqtetnjrqajqa deqa naŋgi kumbra degyeqnub.

Mak 12:39 Iomraidhean Croise

Matyu 23:1

Onaqa Yesus a na olo tamo uŋgasari naŋgi ti aqa segi aŋgro ti naŋgi koroinjrsiqa Qotei aqa anjam palontosiq endegsi minjrej,

Matyu 23:6

Naŋgi goio kokba bati qa giloqnsibqa tamo ñam ti naŋgo awo jaramq dia awooqnibqa tamo uŋgasari naŋgi na naŋgi unjrsib naŋgo ñam soqtetnjrqajqa deqa naŋgi areboleboleinjreqnu. Qotei tal miligiq dia dego naŋgi tamo ñam ti naŋgo awo jaramq dia awooqnibqa tamo uŋgasari naŋgi na naŋgi unjrsib biŋinjrqajqa deqa naŋgi areboleboleinjreqnu.

Mak 12:38

Onaqa Yesus a Qotei aqa anjam bei palontosiq endegsi minjrej, “Dal anjam qalie tamo naŋgi kumbra uge uge yoqnsib laqnub. Deqa niŋgi na naŋgo kumbra uge di geregere tenemtoqniye. Tenemtsib naŋgo kumbra di dauryaib. Naŋgo kumbra uge agi ubtsiy merŋgwai. Naŋgi bati gaigai koro sawaq dia gara jugo olekokba jugoqnsib laqnibqa tamo uŋgasari naŋgi na naŋgi unjrsib naŋgo ñam soqtetnjrsib baŋ ojetnjroqnqajqa deqa naŋgi gara walaosi laqnub.

Mak 12:40

Naŋgi uŋa qobul naŋgi gisaŋnjroqnsibqa naŋgo tal ti iŋgi iŋgi ti laŋa yainjreqnub. Naŋgi qure ambleq dia tigeloqnsibqa tamo uŋgasari naŋgi na naŋgi unjrsib naŋgo ñam soqtetnjroqnqajqa deqa naŋgi pail olekokba yeqnub. Di gisaŋ koba. Deqa mondoŋ tamo naŋgo une qa peginjrqa bati qa Qotei a naŋgi tulaŋ ugeugeinjrqas.”