Mak 12:37 - Yesus Aqa Anjam Bole

³⁷ Agi Devit a segi marej, ‘Kristus a ijo Tamo Koba.’ Deqa Kristus a kiersi Devit aqa ŋiri dego sqas?” Yesus a na tamo uŋgasari naŋgi Qotei aqa anjam deqaji minjreqnaqa naŋgi aqa anjam quqwajqa tulaŋ arearetnjroqnej.

Mak 12:37 Iomraidhean Croise

Matyu 1:23

“Niŋgi quiye. Bunuqna duŋgeŋge bei a tamo ombla ŋereŋosaisosimqa a gumaŋosim aŋgro mel oqas. Amqa naŋgi aqa ñam Emanuel waiyqab.” Ñam di aqa damu, “Qotei a iga koba na unum.”

Matyu 11:25

Bati deqa Yesus a endegsi Qotei pailyej, “O Abu, ni segi laŋ qa ti mandam qa ti Koba. Deqa e ni biŋimosim ino ñam soqtonum. Di kiyaqa? Ijo anjam e na tamo uŋgasari naŋgi minjreqnum qaji di ni na tamo powo ti unub qaji naŋgi qa ulitoqnsimqa tamo aŋgro du du bul naŋgi segi qa babteqnam naŋgi poinjreqnu.

Matyu 11:5

Endegsib minjiye, ‘Tamo ŋam qandimnjro qaji naŋgi olo ŋam poinjreqnaq sawa uneqnub. Tamo jejamu lainjro qaji naŋgi olo walweleqnub. Tamo naŋgo jejamu yu na ugeeleŋo qaji naŋgo yu kalil koboeqnu. Tamo dabkala geteŋnjro qaji naŋgi olo poinjreqnaqa anjam queqnub. Tamo moreŋo qaji naŋgi olo tigeleqnub. Tamo iŋgi iŋgi saiqoji unub qaji naŋgi Qotei aqa anjam bole queqnub.’ Niŋgi aisib Jon degsib saiyosib minjiye.

Matyu 21:45

Yesus a na atra tamo kokba ti Farisi naŋgi ti yawo anjam degsi minjrnaqa naŋgi qusib endegsib qalieeb, “Yesus a yawo anjam dena gago jejamu qametgwo.”

Matyu 21:46

Naŋgi degsib qalieosib deqa naŋgi Yesus ojqa mareb. Ariya tamo uŋgasari kalil naŋgi maroqneb, “Yesus a Qotei aqa medabu o qaji tamo bole.” Deqa naŋgi tamo uŋgasari naŋgi ulainjrsib Yesus ojqa urateb.

Luk 21:38

Nebeeqnaqa a olo tigeloqnsiqa atra tal miligiq dia Qotei aqa anjam palontoqnej. Deqa tamo uŋgasari kalil naŋgi aqa anjam quqwa maroqnsib nobqolo ambru tigeloqnsibqa atra tal miligiq giloqneb.

Jon 12:9

Ariya Juda tamo uŋgasari tulaŋ gargekoba naŋgi qalie, Yesus a Betani qureq bosiq di soqnej. Deqa naŋgi a unqa beleŋeb. Naŋgi Yesus segi unqajqa bosai. Naŋgi qalie, Yesus a nami Lasarus subq na tigeltej. Deqa naŋgi a dego unqa beb.

Rom 9:5

Naŋgo moma utru naŋgi nami ñam koba ti soqneb. Naŋgoq dena Kristus a ŋambabej. Kristus a segi Qotei. A iŋgi iŋgi kalil naŋgo gate. Deqa iga bati gaigai aqa ñam soqtoqnqom. Bole.

1 Timoti 3:16

Iga bole qalieonum, Qotei aqa kumbra nami ulitesoqnej qaji di tulaŋ kobaquja. Kumbra di Qotei na iga osorgonaq unem. Aqa kumbra di agiende. A segi tamo bulyonaqa tamo uŋgasari naŋgi a unoqneb. Mondor Bole a na aqa kumbra bole babtosiq osorgej. Osiq mergej, “Aqa kumbra di tulaŋ tiŋtiŋo.” Laŋ aŋgro naŋgi dego a unoqneb. Tamo naŋgi sawa bei beiq giloqnsibqa aqa anjam mare mare laqneb. Deqa tamo uŋgasari mandamq endi unub qaji naŋgi a qa naŋgo areqalo siŋgilatoqneb. Ariya Qotei na a olo osiq laŋ qureq osi oqnaqa a dia ñam kobaquja osiq unu.

Jems 2:5

O ijo was bole, niŋgi quiye. Qotei a tamo iŋgi iŋgi saiqoji unub qaji naŋgi qa osiqa giltnjrej. Yim naŋgi a qa naŋgo areqalo siŋgilaboletibqa a na naŋgi taqatnjrsim naŋgo Mandor Koba sqajqa deqa. Agi Qotei a nami endegsi marej, “Tamo uŋgasari e qalaqalaibeqnub qaji naŋgi e na taqatnjrsiy naŋgo Mandor Koba sqai.” Ariya mandam endeqaji tamo uŋgasari naŋgi mareqnub, “Tamo iŋgi iŋgi saiqoji unub qaji naŋgi tamo uge.”

Uli Anjam 22:16

E Yesus. E na ijo laŋ aŋgro qariŋyo-numqa niŋgi e qa loueqnub qaji niŋgi qa aisiq anjam endi palontosiq merŋgwo. E Mandor Koba Devit aqa leŋq dena ŋambabem qaji. E Devit aqa Aŋgro. Nebeqa laqnaqa burbas bunuj oqeqnu dego kere e minjaleqnum.”