Mak 12:24 - Yesus Aqa Anjam Bole

²⁴ Onaqa Yesus na minjrej, “Qotei aqa anjam nami neŋgreŋyeb qaji di aqa damu niŋgi poiŋgosai. Qotei aqa siŋgila dego niŋgi poiŋgosai. Deqa niŋgi anjam grotonub. Grotosib agi nenembonub.

Mak 12:24 Iomraidhean Croise

Matyu 22:29

Onaqa Yesus na minjrej, “Qotei aqa anjam nami neŋgreŋyeb qaji di aqa damu niŋgi poiŋgosai. Qotei aqa siŋgila dego niŋgi poiŋgosai. Deqa niŋgi anjam grotonub. Grotosib agi nenembonub.

Mak 10:27

Onaqa Yesus a naŋgi koqnjrsiqa minjrej, “Tamo naŋgi segi ŋambile sqa keresai. Ariya Qotei a kumbra kalil yqa kere.”

Mak 12:23

Ni iga merge. Mondoŋ subq na tigelo batiamqa tamo kalil naŋgi subq na tigelabqa uŋa di a yai aqa ŋauŋ tiŋtiŋ sqas? Ni qalie, naŋgi kalil uŋa qujai di eb.”

Mak 12:25

Mondoŋ tamo naŋgi subq na tigelosibqa naŋgi uŋatqasai. Naŋgi tamotqasai. Naŋgi laŋ aŋgro bul laŋa sqab.

Luk 1:37

Qotei a kumbra kalil yqa kere. Kumbra bei a yqa keresai di saiqoji.”

Jon 20:9

Qotei aqa anjam bei nami endegsib neŋgreŋyeb unu, “Kristus a subq na tigelqas.” Bati deqa Yesus aqa aŋgro naŋgi anjam di poinjrosaisoqnej.

Jon 5:39

“Niŋgi are qaleqnub, Qotei aqa anjam neŋgreŋq di so qaji dena niŋgi ŋambile gaigai sqab. Niŋgi degsib are qaloqnsib deqa niŋgi Qotei aqa anjam di gaigai sisiyoqnsib peleiyeqnub. Ariya anjam di e qa mareqnu.

Aposel 17:11

Juda tamo uŋgasari Beria qureq di soqneb qaji naŋgo kumbra tulaŋ boledamu. Tesalonaika qureq di soqneb qaji naŋgi ti keresai. Juda tamo uŋgasari Beria qureq di soqneb qaji naŋgi Qotei aqa anjam quqwajqa tulaŋ areboleboleinjreqnaqa bati gaigai Qotei aqa anjam nami neŋgreŋyeb qaji di geregere peleiyoqneb. Pol wo Sailas wo naŋgo anjam bole kio sai kio di naŋgi qalieqa marsib deqa bati gaigai naŋgo aiyel anjam ti Qotei aqa anjam nami neŋgreŋyeb qaji de ti geregere tenemtoqneb.

Rom 15:4

Qotei aqa anjam kalil naŋgi nami neŋgreŋyeb qaji di iga Qotei aqa gam osorgwajqa deqa osib neŋgreŋyeb. Anjam dena gago areqalo siŋgilatetgim iga siŋgila na tigelosim Qotei na mondoŋ iga oqajqa deqa tariŋoqnsim sqom. Utru deqa neŋgreŋyeb.

Efesus 1:19

Qotei a siŋgila koba ti unu. Siŋgila dena a na gaigai iga tamo uŋgasari a qa gago areqalo siŋgilateqnum qaji iga aqaryaigeqnu. Aqa siŋgila di tulaŋ kobaquja deqa iga na ubtsim marqa keresai. Aqa siŋgila koba di gagoq di waueqnu. Niŋgi siŋgila di qalieqajqa deqa e niŋgi qa Qotei pailyeqnum.

Filipai 3:21

Yesus aqa segi siŋgila na a na iŋgi iŋgi kalil eleŋosim aqa segi sorgomq di atim sqas. Aqa siŋgila dena a na gago jejamu bulyetgimqa gago jejamu di Yesus aqa jejamu bulosim so bole gaigai sqas. Gago jejamu di agi bini gulube ti jaqatiŋ ti unu.