Mak 12:1 - Yesus Aqa Anjam Bole

¹ Yesus a na naŋgi degsi minjrsiqa olo yawo anjam bei endegsi minjrej, “Tamo bei a tigelosiqa aqa wauq gilej. Gilsiqa wain sil yageleŋosiqa jeŋ qosej. Qoso koboonaqa meniŋ qura gogeq di tabir kuru bul gereiyej. Wain sil geitimqa wain gei koroiyosib paraparayosib aqa ya di bilentqajqa deqa gereiyej. Osiqa wauq di tal atsiqa wau taqato tamo qudei naŋgo baŋq di aqa wau uratetnjrsiqa sawa isaq gilsiq di soqnej.

Mak 12:1 Iomraidhean Croise

Matyu 13:3

Tigelesonabqa a na yawo anjam gargekoba minjroqnej. Ariya yawo anjam bei endegsi minjrej, “Niŋgi quiye. Tamo bei a gilsiqa aqa iŋgi wauq di saga yago breiyeleŋej.

Matyu 21:28

Yesus a na atra tamo kokba ti Israel naŋgo tamo bole bole ti naŋgi degsi minjrsiq koboonaqa olo yawo anjam bei endegsi minjrej, “Niŋgi kiersib are qalonub? Tamo bei aqa ŋiri aiyel soqneb. Bati bei a gilsiqa aqa ŋiri matu minjej, ‘O ijo aŋgro, ni gilsim ijo iŋgi wauq di wauame.’

Matyu 21:33

Yesus a na naŋgi degsi minjrsiqa olo endegsi minjrej, “E niŋgi yawo anjam bei merŋgitqa niŋgi quiye. Tamo bei a tigelosiqa aqa wauq gilej. Gilsiqa wain sil yageleŋosiqa jeŋ qosej. Qoso koboonaqa meniŋ qura gogeq di tabir kuru bul gereiyej. Wain sil geitimqa wain gei koroiyosib paraparayosib aqa ya di bilentqajqa deqa gereiyej. Osiqa wauq di tal atsiqa wau taqato tamo qudei naŋgo baŋq di aqa wau uratetnjrsiqa sawa isaq gilsiq di soqnej.

Matyu 21:34

Sonaqa wain gei melionaqa wau lanja na aqa kaŋgal tamo qudei naŋgi qariŋnjrnaqa wau taqato tamo naŋgoq aisib minjreb, ‘Wau lanja a na iga qariŋgwo bonum. Deqa niŋgi wain gei egibqa iga na osi gilqom.’

Matyu 25:14

Osiqa Yesus a olo anjam endegsi minjrej “Qotei a tamo uŋgasari naŋgo Mandor Koba sosiq naŋgi taqatnjreqnu. Kumbra di tamo kobaquja bei a sawa isaq gilsiq di soqnej dego kere. A gilqa osiqa aqa kaŋgal tamo naŋgi koroinjrsiqa aqa silali naŋgi na taqatqajqa deqa naŋgo baŋq di uratetnjrej.

Mak 11:33

Naŋgi degsib marsib deqa olo Yesus minjeb, “Yai na kio Jon qariŋyej di iga qaliesai.” Onaqa Yesus na kamba minjrej, “Niŋgi degsib merbonub deqa e dego yai na qariŋbonaq bosim wau endi yeqnum di niŋgi merŋgwasai.”

Mak 13:34

Niŋgi ijo anjam endi poiŋgwajqa deqa yawo anjam bei endegsi merŋgwai. Tamo kobaquja bei a sawa isaq gilqa osimqa aqa wau tamo naŋgo baŋq di aqa tal ti iŋgi iŋgi ti uratetnjrsimqa naŋgi wau segi segi enjrqas. Osim aqa wau tamo bei minjqas, ‘Ni siraŋmeq di tigelesosim geregere ŋam atoqne.’

Mak 3:23

Onaqa Yesus a naŋgi metnjrnaqa aqa areq bonabqa yawo anjam endegsi minjrej, “Satan na aqa segi mondor uge naŋgi kiersim winjrqas? Di keresai.

Luk 15:13

Onaqa bati bei ŋiri yala na aqa ñoro kalil qariŋyosiqa silali osiq tigelosiqa sawa beiq gilej. Gilsiq dia diqosi laqnsiqa aqa silali kalil uyekritej.

Luk 19:12

Naŋgi degsib are qaleb. Di kiyaqa? Yesus a Jerusalem qure jojomyej deqa. Onaqa Yesus a yawo anjam bei endegsi minjrej, “Tamo kobaquja bei a sawa isaq gilej. Tamo di a are qalej, ‘E sawa deq gilitqa sawa deqaji tamo uŋgasari naŋgi na e mandor koba atqab. Yibqa e olo puluosiy bosiy ijo segi tamo uŋgasari naŋgo mandor koba sosiy naŋgi taqatnjrqai.’ A degsi are qalsiqa sawa isaq gilej.

Luk 22:9

Onaqa naŋgi aiyel na minjeb, “Ni iga merge. Iga aisim tal qabia iŋgi iŋgi gereiyqom?”

Luk 8:10

Nenemyonabqa a na kamba endegsi minjrej, “Yawo anjam di aqa utru agi merŋgwai. Niŋgi quiye. Qotei a tamo uŋgasari naŋgo Mandor Koba sosiq naŋgi taqatnjreqnu. Anjam di aqa utru uliejunu. Di e na babtitqa ijo aŋgro niŋgi segi utru qalieqab. Ariya tamo uŋgasari qudei naŋgi yawo anjam segi quoqnqab. Deqa naŋgi bati gargekoba ŋam atoqnqab ijo anjam aqa damu unqasai. Naŋgi bati gargekoba dabkala na ijo anjam laŋa quoqnqab utru poinjrqasai.”

Aposel 7:38

Moses qujai dena Israel tamo uŋgasari naŋgi joqsiq wadau sawaq dia korooqneb. Di gago moma naŋgi. Moses qujai di Sainai manaq oqsiqa dia laŋ aŋgro na anjam minjej qaji a ombla soqneb. Sosibqa Moses na ŋambile gaigai sqajqa anjam Qotei aqaq dena yaiyosiqa gago moma naŋgi enjrej.