Mak 11:32 - Yesus Aqa Anjam Bole

³² Ariya iga minjqom, ‘Tamo bei na Jon qariŋyej,’ degsi minjqom di tamo uŋgasari naŋgi ŋiriŋosib bosib iga lugwab. Di kiyaqa? Naŋgi mareqnub, ‘Jon a Qotei aqa medabu o qaji tamo bole.’”

Mak 11:32 Iomraidhean Croise

Matyu 11:9

Deqa niŋgi kiyaqa wadau sawaq gileb? Niŋgi Qotei aqa medabu o qaji tamo bei unqajqa gileb kio? Od. Agide. Niŋgi deqa unqa gileb. Deqa e niŋgi endegsi merŋgwai. Jon a Qotei aqa medabu o qaji tamo kobaquja. A na Qotei aqa medabu o qaji tamo kalil naŋgi tulaŋ buŋnjrejunu.

Matyu 14:5

Jon a tonto talq di sonaqa Herot a endegsi are qaloqnej, “E na Jon qalit moiqas.” Ariya tamo uŋgasari kalil naŋgi maroqneb, “Jon a tamo bole. A Qotei aqa medabu o qaji tamo.” Naŋgi degsib maroqneb deqa Herot a naŋgi ulainjrsiq Jon qalqa uratej.

Matyu 21:46

Naŋgi degsib qalieosib deqa naŋgi Yesus ojqa mareb. Ariya tamo uŋgasari kalil naŋgi maroqneb, “Yesus a Qotei aqa medabu o qaji tamo bole.” Deqa naŋgi tamo uŋgasari naŋgi ulainjrsib Yesus ojqa urateb.

Mak 11:31

Onaqa naŋgi Yesus aqa anjam di qusibqa naŋgi segi segi qairosib maroqneb, “Iga Yesus minjqom, ‘Qotei na Jon qariŋyej,’ degsi minjqom di a na iga mergwas, ‘Kiyaqa niŋgi Jon aqa anjam quetosai?’

Mak 11:33

Naŋgi degsib marsib deqa olo Yesus minjeb, “Yai na kio Jon qariŋyej di iga qaliesai.” Onaqa Yesus na kamba minjrej, “Niŋgi degsib merbonub deqa e dego yai na qariŋbonaq bosim wau endi yeqnum di niŋgi merŋgwasai.”

Mak 12:12

Yesus a na atra tamo kokba ti dal anjam qalie tamo naŋgi ti yawo anjam degsi minjrnaqa naŋgi qusib endegsib qalieeb, “Yesus a yawo anjam dena gago jejamu qametgwo.” Naŋgi degsib qalieosibqa minjiŋ oqetnjrnaqa Yesus ojqa mareb. Ariya naŋgi tamo uŋgasari naŋgi ulainjrsib deqa naŋgi Yesus ojqa uratosib jaraieb.

Mak 6:20

Di kiyaqa? Herot a Jon qa ulaosiq a geregere taqatoqnej deqa. Herot a qalieej, “Jon a tamo bole. Aqa jejamuq di une bei saiqoji. A Qotei aqa segi aŋgro.” Herot a degsi qalieosiq deqa Jon taqatoqnsiqa aqa anjam quoqnej. Quoqnsiqa are koba qaloqnej. A Jon aqa anjam quqwajqa arearetoqnej. Deqa aqa ŋauqali na Jon qalqa minjeqnaq a na saidyoqnej.

Luk 20:19

Yesus a na atra tamo kokba ti dal anjam qalie tamo naŋgi ti yawo anjam degsi minjrnaqa naŋgi qusib endegsib qalieeb, “Yesus a yawo anjam dena gago jejamu qametgwo.” Naŋgi degsib qalieosibqa minjiŋ oqetnjrnaqa Yesus ojqa mareb. Ariya naŋgi tamo uŋgasari naŋgi tulaŋ ulainjrsib deqa naŋgi Yesus ojqa uratosib jaraieb.

Luk 22:2

Deqa bati di atra tamo kokba ti dal anjam qalie tamo naŋgi ti Yesus qalsib moiotqajqa gam ŋamoqneb. Di kiyaqa? Naŋgi tamo uŋgasari naŋgi ulainjreb deqa.

Jon 10:41

Sonaqa tamo uŋgasari gargekoba naŋgi aqaq giloqneb. Aqaq giloqnsib segi segi maroqneb, “Bole, Jon a na aqa anjam siŋgilatqa osiqa Qotei aqa maŋwa bei babtosaioqnej. Ariya anjam kalil a na Yesus qa maroqnej qaji di bole.”

Aposel 5:26

Degsi minjrnaqa atra tal taqato tamo naŋgo gate ombla na tigelosib atra tal miligiq gilsib ŋam ateb Yesus aqa aŋgro 12-pela naŋgi na tamo uŋgasari naŋgi anjam minjreqnab unjreb. Unjrsib naŋgi ojeleŋosib joqsib gileb. Siŋgila na ojsib gilosai. Jiŋga na joqsib gileb. Tamo uŋgasari naŋgi ŋiriŋosib meniŋ osib naŋgi ñumaib deqa ulaosib jiŋga na joqsib gileb.