Mak 11:18 - Yesus Aqa Anjam Bole

¹⁸ Onaqa atra tamo kokba ti dal anjam qalie tamo naŋgi ti Yesus aqa anjam di qusibqa naŋgi a qa ulaosib a qalib moiqajqa gam ŋamoqneb. Di kiyaqa? Tamo uŋgasari kalil naŋgi Yesus aqa anjam quqwajqa tulaŋ arearetnjroqnej deqa.

Mak 11:18 Iomraidhean Croise

Matyu 21:15

Onaqa aŋgro du du atra tal miligiq di soqneb qaji naŋgi Yesus aqa maŋwa di unsibqa naŋgi tulaŋ koba leleŋoqnsib minjoqneb, “O Devit aqa Ŋiri, iga ni qa tulaŋ areboleboleigwo.” Onaqa dal anjam qalie tamo naŋgi ti atra tamo kokba ti naŋgi aŋgro du du naŋgo anjam di qusibqa naŋgi Yesus qa are ugeinjrej.

Matyu 7:28

Yesus a anjam di kalil marsiq koboonaqa tamo uŋgasari tulaŋ gargekoba naŋgi di aqa anjam qusib naŋgi tulaŋ prugeleŋeb.

Mak 1:22

Aqa anjam palontoqnej di siŋgila ti. Dal anjam qalie tamo naŋgo anjam maroqneb de ti keresai. Yesus a segi anjam aqa abu. Deqa aqa anjam na dal anjam qalie tamo naŋgo anjam tulaŋ buŋyoqnej. Deqa tamo uŋgasari naŋgi Yesus aqa anjam qusib naŋgi tulaŋ prugeleŋeb.

Mak 11:32

Ariya iga minjqom, ‘Tamo bei na Jon qariŋyej,’ degsi minjqom di tamo uŋgasari naŋgi ŋiriŋosib bosib iga lugwab. Di kiyaqa? Naŋgi mareqnub, ‘Jon a Qotei aqa medabu o qaji tamo bole.’”

Mak 12:12

Yesus a na atra tamo kokba ti dal anjam qalie tamo naŋgi ti yawo anjam degsi minjrnaqa naŋgi qusib endegsib qalieeb, “Yesus a yawo anjam dena gago jejamu qametgwo.” Naŋgi degsib qalieosibqa minjiŋ oqetnjrnaqa Yesus ojqa mareb. Ariya naŋgi tamo uŋgasari naŋgi ulainjrsib deqa naŋgi Yesus ojqa uratosib jaraieb.

Mak 3:6

Onaqa Farisi naŋgi Yesus aqa maŋwa di unsibqa naŋgi a qa minjiŋ oqetnjrnaqa Qotei tal uratosib oqedosib Herot aqa wau tamo naŋgi ti koba na koroosib naŋgi gam kiersib Yesus qalib moiqajqa deqa qairoqneb.

Mak 6:20

Di kiyaqa? Herot a Jon qa ulaosiq a geregere taqatoqnej deqa. Herot a qalieej, “Jon a tamo bole. Aqa jejamuq di une bei saiqoji. A Qotei aqa segi aŋgro.” Herot a degsi qalieosiq deqa Jon taqatoqnsiqa aqa anjam quoqnej. Quoqnsiqa are koba qaloqnej. A Jon aqa anjam quqwajqa arearetoqnej. Deqa aqa ŋauqali na Jon qalqa minjeqnaq a na saidyoqnej.

Luk 19:47

Yesus a bati gaigai atra tal miligiq giloqnsiq dia tamo uŋgasari naŋgi Qotei aqa anjam palontosiq minjroqnej. Yeqnaqa tamo uŋgasari kalil naŋgi aqa anjam quqwa tulaŋ arearetnjroqnej. Deqa atra tamo kokba ti dal anjam qalie tamo naŋgi ti Juda gate kokba ti naŋgi minjiŋ oqetnjrnaqa Yesus qalib moiqajqa gam ŋamoqneb. Ariya naŋgi tamo uŋgasari naŋgi ulainjrsib deqa naŋgi Yesus ojsib qalqa keresai.

Luk 2:47

Aqa powo tulaŋ kobaquja. Deqa a dal anjam qalie tamo naŋgo anjam qusiq kamba anjam bole bole minjreqnaqa tamo uŋgasari naŋgi qusibqa tulaŋ prugeleŋoqneb.

Luk 20:19

Yesus a na atra tamo kokba ti dal anjam qalie tamo naŋgi ti yawo anjam degsi minjrnaqa naŋgi qusib endegsib qalieeb, “Yesus a yawo anjam dena gago jejamu qametgwo.” Naŋgi degsib qalieosibqa minjiŋ oqetnjrnaqa Yesus ojqa mareb. Ariya naŋgi tamo uŋgasari naŋgi tulaŋ ulainjrsib deqa naŋgi Yesus ojqa uratosib jaraieb.

Luk 4:22

Degsi minjrnaqa naŋgi kalil aqa anjam di qusibqa naŋgi areboleboleinjrnaqa mareb, “Yesus aqa anjam di bolequja.” Naŋgi degsi marsibqa olo areqalo kobaiyoqnsib maroqneb, “Yesus a Josep aqa ŋiri. Deqa a powo qabe na osiqa anjam bole endeqaji palontosiq mergeqnu?”

Jon 7:1

Bati bei Yesus a Galili sawaq dia laqnej. A Judia sawaq dia laqajqa uratej. Di kiyaqa? Juda tamo kokba naŋgi a qalib moiqajqa maroqneb deqa.

Jon 7:19

“Nami Moses na niŋgi dal anjam eŋgej. Ariya nuŋgo ambleq di tamo bei a dal anjam di dauryosaieqnu. Kiyaqa niŋgi e lubsib moiotbqa mareqnub?”

Jon 7:46

Onaqa qaja tamo naŋgi na kamba minjreb, “Iga Yesus aqa anjam quonum di anjam bolequja maroqnaj. Tamo bei nami anjam deqaji marosaioqnej. Deqa iga a ojosai.”

Aposel 24:25

Kumbra bole bole dauryoqnqajqa deqa ti gago segi segi so geregere taqatoqnqajqa deqa ti Feliks minjnaq quej. Mondoŋ Qotei na tamo uŋgasari naŋgo une qa peginjrqajqa deqa ti Pol na Feliks minjnaq quej. Qusiqa ulaosiq Pol minjej, “Ni mati aisim ino warumq di soqne. Bunuqna e bati atsiy olo ni metmit bosim anjam di merbqam.”