Mak 10:52 - Yesus Aqa Anjam Bole

⁵² Onaqa Yesus na minjej, “Ni e qa ino areqalo siŋgilatonum deqa e ni boletmqai. Deqa ino ŋamdamu olo poimimqa ni gile.” Degsi minjnaqa aqa ŋamdamu poiyonaqa sawa unsiqa tigelosiq Yesus dauryosiq aiej.

Mak 10:52 Iomraidhean Croise

Matyu 11:5

Endegsib minjiye, ‘Tamo ŋam qandimnjro qaji naŋgi olo ŋam poinjreqnaq sawa uneqnub. Tamo jejamu lainjro qaji naŋgi olo walweleqnub. Tamo naŋgo jejamu yu na ugeeleŋo qaji naŋgo yu kalil koboeqnu. Tamo dabkala geteŋnjro qaji naŋgi olo poinjreqnaqa anjam queqnub. Tamo moreŋo qaji naŋgi olo tigeleqnub. Tamo iŋgi iŋgi saiqoji unub qaji naŋgi Qotei aqa anjam bole queqnub.’ Niŋgi aisib Jon degsib saiyosib minjiye.

Matyu 12:22

Onaqa bati di tamo bei mondor uge na medabu getentsiq ŋamdamu qandimyej qaji a tamo qudei naŋgi na Yesus aqa areq osi bonabqa Yesus na mondor uge di wiyetonaqa aqa meŋ otyonaqa aqa ŋamdamu boleosiq a sawa unsiqa anjam bole maroqnej.

Matyu 15:28

Onaqa Yesus a anjam di qusiqa minjej, “O uŋa, ni e qa ino areqalo tulaŋ siŋgilatonum deqa ni anjam degsi merbonum. Deqa ni gilime. Ino anjam di e na dauryosiy ino aŋgro boletqai.” Degsi minjnaqa bati qujai deqa mondor uge na aqa aŋgro di uratonaqa a boleej.

Matyu 21:14

Yesus a atra tal miligiq di sonaqa tamo ŋam qandimnjro qaji ti tamo siŋga qandamnjro qaji ti naŋgi aqa areq beqnabqa a na naŋgi kalil boletnjroqnej.

Matyu 8:3

Degsi minjnaqa Yesus a baŋ waiysiq tamo di ojsiqa minjej, “E ni boletmqa are unu. Deqa ino jejamu olo boleeme.” Degsi minjnaqa aqa yu kalil koboonaqa aqa jejamu olo boleej.

Matyu 9:22

Ojnaqa Yesus a bulosiqa uŋa di unsiqa minjej, “O ijo aŋgro, ni are lawo soqnime. Ni ino areqalo e qa siŋgilatosim ijoq bonum deqa ino ma agi koboqo.” Onaqa bati qujai deqa aqa leŋ aioqnej qaji di koboej.

Mak 1:31

Degsi minjrsiqa uŋa maiyej qaji aqa areq gilsiqa baŋ ojsiqa tigeltej. Tigeltonaqa aqa jejamu kaŋkaŋ di koboonaqa a tigelosiqa naŋgi iŋgi goietnjrej.

Mak 5:34

Onaqa Yesus na minjej, “O uŋa, ni ino areqalo e qa siŋgilatosim ijoq bonum deqa ino ma agi koboqo. Deqa ni are lawo na gilsim bole soqnime.”

Mak 8:25

Onaqa Yesus na tamo di aqa ŋamdamuq di aqa baŋ olo atnaqa a ŋam atej ŋamdamu bole suwaŋej. A sawa kalil geregere unej.

Luk 7:50

Onaqa Yesus na uŋa di minjej, “Ni ino areqalo e qa siŋgilatonum deqa ino une kalil e na kobotetmonum. Deqa ni are lawo na gilime.”

Jon 9:32

Tamo ai miligiq na ŋam qandimo ŋambabo qaji di tamo bei na boletonaq iga nami unosaioqnem.

Jon 9:39

Onaqa Yesus a marej, “E tamo uŋgasari naŋgo kumbra qa naŋgi peginjrqajqa deqa mandamq aiem. Deqa tamo ŋam qandimo unub qaji naŋgi olo ŋam poinjrqas. Tamo ŋamdamu bole ateqnub qaji naŋgi olo ŋam qandimnjrqas.”

Aposel 26:18

Ni naŋgoq gilsim ijo anjam minjroqnimqa naŋgi e qa poinjroqnim ambru uratosib suwaŋoq bqab. Satan a na naŋgi joqej unu. Deqa ni na naŋgi are bulyetnjroqnimqa naŋgi Satan aqa siŋgila uratosib Qotei aqaq giloqnqab. Amqa e na naŋgo une kalil kobotetnjritqa naŋgi tamo uŋgasari nami e qa naŋgo areqalo siŋgilateb qaji naŋgi ti koba na ijo segi tamo uŋgasari boledamu sqab.’