Mak 10:46 - Yesus Aqa Anjam Bole

⁴⁶ Yesus a na aqa aŋgro naŋgi anjam degsi minjrsiq koboonaqa naŋgi joqsiqa koba na walwelosib aisib Jeriko qureq di branteb. Brantosib Jeriko qure ambleq na walwelosib olo Jeriko qure uratosib aieqnabqa tamo uŋgasari tulaŋ gargekoba naŋgi Yesus dauryosib koba na aioqneb. Aieqnabqa tamo bei ŋamdamu geteŋo aqa ñam Bartimeus a gam qalaq di awesosiqa tamo uŋgasari naŋgi silali qa ŋilnjroqnej. Bartimeus a Timeus aqa ŋiri.

Mak 10:46 Iomraidhean Croise

Matyu 13:4

Breiynaqa saga yago qudei gam qalaq aieleŋeb. Onaqa qebari naŋgi bosib uyekriteb.

Luk 16:20

Ariya aqa tal meq dia tamo uge bei aqa ñam Lasarus a bati gaigai awooqnsiq ŋeioqnsiq soqnej. Lasarus a iŋgi iŋgi tulaŋ saibolesai. Aqa jejamu kalil yu na ugetej.

Luk 16:22

“Bati bei Lasarus moiej. Moinaqa Qotei aqa laŋ aŋgro naŋgi bosib aqa qunuŋ osib Abraham aqa areq di awoteb. Ariya bunuqna ñoro tamo a dego moinaqa subq ateb.

Luk 18:35

Onaqa Yesus a walwelosi aisiq Jeriko qure jojomyeqnaqa tamo bei ŋamdamu geteŋyej qaji a gam qalaq di awoosiqa tamo uŋgasari naŋgi silali qa ŋilnjroqnej.

Luk 19:1

Onaqa Yesus aisiqa Jeriko qureq di brantosiq qure ambleq na walweleqnaqa tamo bei aqa ñam Sakius a Yesus tamo kiero degosiq unqajqa dauryej. Sakius a takis o qaji tamo naŋgo gate. A ñoro koba ti soqnej. A tamo truquyala. Deqa a Yesus dauryosiq unqajqa yonaq ugeiyej. Di kiyaqa? Tamo gargekoba naŋgi na sawa getenteb deqa.

Jon 9:8

Bonaqa aqa qure qujai naŋgi ti tamo naŋgi a nami ŋam qandimo sosiqa silali qa ŋilnjreqnaq unoqneb qaji naŋgi ti a olo unsibqa mareb, “Tamo nami ŋam qandimo sosiqa silali qa ŋilgoqnej qaji agiende kio?”