Mak 10:22 - Yesus Aqa Anjam Bole

²² Yesus a na tamo di degsi minjnaq qusiqa aqa iŋgi iŋgi kalil qa are tulaŋ gulubeiyej. A iŋgi iŋgi koba ti soqnej deqa ulatamu ugeiyonaqa ulaŋej.

Mak 10:22 Iomraidhean Croise

Matyu 13:22

Saga yago qudei sil luwit ambleq aieb qaji di aqa utru endegsi unu. Tamo qudei naŋgi Qotei aqa anjam qusibqa naŋgo areqalo miligiq di esoqnibqa ariya bunuqna naŋgi olo mandam qa iŋgi iŋgi qa are koba qaloqnsibqa silali koba oqnqajqa are prugnjroqnqas. Yimqa naŋgo areqalo dena naŋgi wala walainjrsim Qotei aqa anjam naŋgo are miligiq di tentimqa di loumqas. Deqa a gei boletosai.

Matyu 19:22

Yesus a na tamo di degsi minjnaq qusiqa aqa iŋgi iŋgi kalil qa are tulaŋ gulubeiyej. A iŋgi iŋgi koba ti soqnej deqa ulatamu ugeiyonaqa ulaŋej.

Matyu 27:3

Ariya atra tamo kokba ti Juda gate kokba ti naŋgi anjam keretosib Yesus qalqajqa marnabqa Judas a qusiqa olo areqalo bei osiqa naŋgo areq bosiq minjrej, “E une kobaquja yonum. Tamo e nuŋgo baŋq di atonum qaji di a une saiqoji. Niŋgi a laŋa qalsib moiotqab. Deqa meniŋ silali 30 niŋgi na ebeb qaji endi olo oiye.” Degsi minjrnaqa naŋgi na kamba minjeb, “Di ino segi une. Silali di olo iga egaim. Di ni ame.”

Mak 10:21

Onaqa Yesus a tamo di koqyosiqa qalaiyosiq minjej, “Ni dal anjam di kalil daurysim keretonum. Ariya kumbra qujai ni keretosai. Deqa e ni mermqai. Ni gilsim ino iŋgi iŋgi kalil qariŋyosim silali osim tamo iŋgi iŋgi saiqoji unub qaji naŋgi jeisi enjre. Degsim enjrsim bosim e daurbe. Yimqa bunuqna ni laŋ qureq dia awai bole itqam.”

Mak 10:23

Onaqa Yesus a na aqa aŋgro naŋgi koqnjrsiqa endegsi minjrej, “Tamo uŋgasari iŋgi iŋgi koba ti unub qaji naŋgi Qotei na taqatnjrsim naŋgo Mandor Koba sqa marsibqa laŋ qure oqwajqa baŋgi koba.”

Mak 6:20

Di kiyaqa? Herot a Jon qa ulaosiq a geregere taqatoqnej deqa. Herot a qalieej, “Jon a tamo bole. Aqa jejamuq di une bei saiqoji. A Qotei aqa segi aŋgro.” Herot a degsi qalieosiq deqa Jon taqatoqnsiqa aqa anjam quoqnej. Quoqnsiqa are koba qaloqnej. A Jon aqa anjam quqwajqa arearetoqnej. Deqa aqa ŋauqali na Jon qalqa minjeqnaq a na saidyoqnej.

Mak 6:26

Onaqa Herot a aŋgro sebiŋ aqa anjam di qusiqa a Jon qalim moiqajqa are sosai deqa a are tulaŋ gulubekobaiyej. Aqa segi anjam tamo kalil naŋgo ulatamuq dia marsiq siŋgilatej qaji deqa ti are qalsiq are gulubekobaiyej. Aqa anjam di olo beltosim anjam bei marqas di a jemaiyqas. Deqa a na aŋgro sebiŋ di minjej, “Di kere. Ni Jon aqa gate oqam.”

Luk 12:15

Degsi minjsiqa tamo uŋgasari kalil naŋgi endegsi minjrej, “Niŋgi ñoro koba ti sqajqa deqa are koba qaloqnaib. Niŋgi ñoro koba ti sqab dena niŋgi ŋambile bole oqa keresai. Niŋgi ijo anjam deqa geregere are qaliye.”

Luk 18:23

Yesus a na tamo di degsi minjnaq qusiqa aqa iŋgi iŋgi kalil qa are gulubekobaiyej.

2 Korin 7:10

Are gulube ti jemai ti Qotei na tamo uŋgasari naŋgi enjreqnu qaji dena naŋgi are bulyeqnub. Deqa Qotei na naŋgi olo eleŋeqnu. Deqa iga are bulyqajqa kumbra qa are ugeigwasai. Ariya are gulube ti jemai ti mandam tamo naŋgo kumbra na branteqnu qaji dena naŋgi moio qa gam tureqnub.

Efesus 5:5

Niŋgi endegsib qalieoiye. Tamo naŋgi sambala kumbra ti kumbra jiga ti yeqnub qaji naŋgi Qotei na oqasai. Tamo naŋgi mandam qa iŋgi iŋgi qa mamaulnjreqnu qaji naŋgi dego Qotei na oqasai. Tamo naŋgi mandam qa iŋgi iŋgi qa mamaulnjreqnu qaji naŋgo kumbra dena naŋgi gisaŋ qotei qa louobuleqnub. Deqa tamo naŋgi deqaji Kristus wo Qotei wo naŋgi na taqatnjrsib naŋgo Mandor Kokba sqasai.

2 Timoti 4:10

Ni que. Demas a mandam endeqa kumbra qa tulaŋ areareteqnu. Deqa a na e uratbosiqa Tesalonaika qureq gilej. Ariya Kresens a Galesia sawaq gilej. Taitus a Dalmesia sawaq gilej.