Mak 10:14 - Yesus Aqa Anjam Bole

¹⁴ Degsib saidnjreb deqa Yesus na aqa aŋgro naŋgi ŋiriŋtnjrsiqa minjrej, “Aŋgro du du naŋgi metnjribqa ijo areq bebe. Naŋgi saidnjraib. Di kiyaqa? Tamo uŋgasari naŋgi aŋgro du du dego bul sqab di Qotei a naŋgo Mandor Koba sosim naŋgi taqatnjrqas.

Mak 10:14 Iomraidhean Croise

Matyu 18:10

“Deqa niŋgi aŋgro kiñilala e qa naŋgo areqalo siŋgilateqnub qaji naŋgi qa ugeaib. E niŋgi endegsi merŋgwai. Naŋgo laŋ aŋgro naŋgi na naŋgi taqatnjroqnsibqa ijo Abu laŋ qureq di unu qaji aqa ulatamu bati gaigai unoqnsib naŋgi qa pailyeqnub.

Matyu 18:4

Tamo bei na aqa segi ñam aguq atsim aŋgro kiñala endego bulqas di mondoŋ Qotei laŋ qureq di unu qaji a na tamo di aqa ñam olo soqtetimqa a na tamo kalil naŋgi buŋnjrsim tamo ñam ti tigelqas.

Matyu 19:14

Degsib saidnjreb deqa Yesus na aqa aŋgro naŋgi minjrej, “Aŋgro du du naŋgi metnjribqa ijo areq bebe. Naŋgi saidnjraib. Di kiyaqa? Tamo uŋgasari naŋgi aŋgro du du dego bul sqab di Qotei a naŋgo Mandor Koba sosim naŋgi taqatnjrqas.”

Matyu 5:10

“Tamo uŋgasari qudei naŋgi kumbra bole bole yeqnub deqa jeu tamo naŋgi na olo naŋgi gulube enjreqnub. Tamo uŋgasari naŋgi di tulaŋ areboleboleinjreme. Di kiyaqa? Bunuqna Qotei na naŋgi taqatnjrsim naŋgo Mandor Koba sqas.

Matyu 5:3

“Tamo uŋgasari qudei naŋgi endegsi poinjrqo, naŋgi Qotei aqa ŋamgalaq di tulaŋ keresai. Naŋgi degsi poinjrqo deqa naŋgi tulaŋ areboleboleinjreme. Di kiyaqa? Qotei laŋ qureq di unu qaji a naŋgo Mandor Koba sosim naŋgi taqatnjrqas.

Mak 3:5

Onaqa Yesus a naŋgi koqnjrej. Naŋgi Yesus aqa anjam quqwajqa are sosai deqa a naŋgi qa are minjiŋ oqej. Osiqa tamo baŋ qandamyej qaji di minjej, “Ni ino baŋ waiy.” Degsi minjnaqa aqa baŋ waiyonaq boleej.

Mak 8:33

Onaqa Yesus a bulosiqa aqa aŋgro naŋgi kokoqnjrej. Osiqa olo Pita koqyosiqa ŋiriŋtosiq minjej, “Ni Satan bul. Deqa ni ijo qoreq gile. Ni Qotei aqa areqalo dauryosai. Ni mandam tamo naŋgo areqalo dauryonum. Daurysim agi ni na anjam di merbonum.”

Jon 3:3

Onaqa Yesus na kamba minjej, “Ni que. E bole mermqai. Tamo bei a aŋgro mom bunuj bulosim ŋambabqasai di Qotei na a taqatosim aqa Mandor Koba sqasai. Deqa a Qotei unqa keresai.”

Jon 3:5

Onaqa Yesus na kamba minjej, “Ni que. E bole mermqai. Tamo bei a ya na ti Qotei aqa Mondor na ti aŋgro mom bunuj bulosim ŋambabqasai di Qotei na a taqatosim aqa Mandor Koba sqasai bolesai.

Aposel 2:39

Qotei a nami marej, ‘E niŋgi ti nuŋgo aŋgro ti tamo kalil isa isaq di unub qaji naŋgi ti ijo Mondor eŋgwai.’ Qotei a nami degsi marej. Deqa niŋgi quiye. Qotei na aqa anjam di uratqasai. Tamo uŋgasari kalil gago Tamo Koba Qotei na metnjrim aqaq bqab qaji naŋgi aqa Mondor enjrqas.”

Aposel 3:25

“Qotei a niŋgi eleŋqa osiqa deqa aqa medabu o qaji tamo naŋgi qariŋnjreqnaqa aqa anjam mare mare laqneb. A nami nuŋgo moma naŋgi ti anjam qoseb. Anjam qosisib anjam di siŋgilatosib kereonaqa Abraham endegsi minjej, ‘Mondoŋ ino leŋ naŋgi paraosibqa dena tamo bei ŋambabqas. Ŋambabosim tamo uŋgasari kalil mandamq endi unub qaji naŋgi eleŋosim geregereinjrqas.’ Qotei a niŋgi eleŋqa osiqa deqa anjam di Abraham minjej.

Rom 11:16

Tamo naŋgi wit bunuj oqnsib dena bem gereiyoqnsib poteqnub. Taqal bei naŋgi Qotei atraiyeqnub. Deqa bem kalil dego Qotei aqa segi bem. Ŋamtaŋ aqa jirim di Qotei aqa segi jirim. Deqa ŋam aqa dani di dego Qotei aqa segi dani.

Rom 11:28

Israel naŋgi Yesus aqa anjam bole qoreiyeb deqa naŋgi Qotei ti jeu unub. Deqa Qotei na naŋgi kamba uratnjrsiq olo niŋgi sawa bei bei qaji tamo eleŋeqnu. Ariya nami Qotei na Israel naŋgi aqa segi tamo sqa marsiq naŋgi giltnjrsiq qalaqalainjrej. A naŋgo moma utru naŋgi qa are qalsiq deqa naŋgi qalaqalainjrej.

1 Korin 14:20

O was qu, niŋgi aŋgro kiñilala naŋgi bulosib nanariosib walwelaib. Niŋgi tamo bole bole naŋgi bulosib areqalo bole na walweloqniye. Niŋgi qalie, aŋgro mom naŋgi kumbra uge qa poinjrosaieqnu. Deqa niŋgi kumbra uge kalil qa aŋgro mom naŋgi bulosib nanariosib soqniye.

1 Korin 7:14

Niŋgi quiye. Tamo bei a Yesus qa aqa areqalo siŋgilatosai. Ariya a Kristen uŋa oqas. Kumbra dena a Kristen naŋgo miligiq aisim Qotei aqa jojomq di sqas. Uŋa bei dego a Yesus qa aqa areqalo siŋgilatosai. Ariya a Kristen tamo oqas. Kumbra dena a Kristen naŋgo miligiq aisim Qotei aqa jojomq di sqas. Degsi sqasai di naŋgo aŋgro naŋgi Qotei aqa ŋamgalaq di jiga ti sqab. Ariya bini naŋgi Kristen naŋgo miligiq di unub deqa naŋgi jiga ti sosai.

Efesus 4:26

Niŋgi minjiŋ oqimqa ariya niŋgi geregere ŋam atiye. Niŋgi olo une ato uge. Niŋgi urur minjiŋ kobotiye. Niŋgi minjiŋ ti soqnib seŋ aiaiq.

2 Timoti 1:5

Nami ino moma Lois naŋgi ino ai Yunis wo Kristus qa naŋgo areqalo siŋgilatoqneb dego kere bini ni dego Kristus qa ino areqalo siŋgilatejunum. E deqa are qaloqnsim unum.

2 Timoti 3:15

Ni qalie, nami ni aŋgro kiñala sosim bati deqa ni Qotei aqa anjam neŋgreŋq di so qaji di qalieosim bosi bosim agi qalieosim unum. Anjam dena ni areqalo bole emej. Deqa bati di ni Kristus Yesus qa ino areqalo siŋgilatonamqa Qotei na ni padalo sawaq dena ej.

1 Pita 2:2

Iga qalie, aŋgro mom naŋgi muŋgum qaq uyqajqa qarnjreqnu. Dego kere niŋgi muŋgum qaq boledamu Qotei aqaq dena beqnu qaji di oqajqa are qaloqniye. Muŋgum qaq di agi Qotei aqa anjam. Muŋgum qaq di jiga bei saiqoji. Muŋgum qaq dena nuŋgo qunuŋ aqaryaiyimqa niŋgi tulaŋ boleosib siŋgilaqab. Yim Qotei na niŋgi oqas.

Uli Anjam 14:5

Naŋgi nami gisaŋ anjam bei marosaioqneb. Naŋgo jejamuq di une bei saiqoji.