Luk 9:2 - Yesus Aqa Anjam Bole

² Siŋgila enjrsiq qariŋnjrsiqa minjrej, “Niŋgi giloqnsibqa Qotei a tamo uŋgasari naŋgo Mandor Koba sosiqa naŋgi taqatnjreqnu anjam di minjre minjre laqnsibqa naŋgo ma kobotetnjroqniye.”

Luk 9:2 Iomraidhean Croise

Matyu 10:5

Osiqa aŋgro 12-pela naŋgi di qariŋnjrsiqa minjrej, “Niŋgi qure qureq giloqniye. Ariya niŋgi tamo sawa bei bei qaji naŋgoq giloqnaib. Samaria naŋgo qureq dego giloqnaib.

Matyu 13:19

Saga yago qudei gam qalaq ainabqa qebari naŋgi bosib uyekriteb qaji di aqa utru endegsi unu. Qotei laŋ qureq di unu qaji a tamo uŋgasari naŋgo Mandor Koba sosiq naŋgi taqatnjreqnu. Anjam di tamo qudei naŋgi qusib naŋgo are miligiq di esoqnibqa ariya naŋgi anjam di aqa utru poinjrosaiamqa Satan a bosim anjam Qotei na naŋgo are miligiq di atej qaji di olo yainjrqas.

Matyu 24:14

Yim naŋgi sawa sawa kalil keretoqnsib Qotei a tamo uŋgasari naŋgo Mandor Koba sosiq naŋgi taqatnjreqnu anjam bole di mare mare laqnib tamo uŋgasari kalil naŋgi quoqnqab. Ariya bunuqna diŋo bati brantqas.”

Matyu 3:2

A naŋgi endegsi minjroqnej, “Qotei a nuŋgo Mandor Koba sosim niŋgi taqatŋgwajqa bati jojomqo. Deqa niŋgi are bulyiye.”

Mak 16:15

Osiqa minjrej, “Niŋgi tigelosib sawa sawa kalil keretosib tamo uŋgasari kalil naŋgi ijo anjam bole minjroqnsib laqniye.

Mak 6:12

Yesus a na aqa aŋgro 12-pela naŋgi anjam degsi minjrsiq qariŋnjrnaqa naŋgi tigelosib qure qureq giloqnsibqa Qotei aqa anjam palontosib minjroqneb. Endegsib minjroqneb, “Niŋgi are bulyiye.”

Luk 10:1

Bati bei Tamo Koba Yesus na tamo kalil a dauryosib laqneb qaji naŋgi metnjrnaqa aqa areq bonabqa naŋgo ambleq dena tamo 72 naŋgi giltnjrej. Naŋgi aqa anjam mare mare laqajqa deqa giltnjrej. Giltnjrsiqa naŋgi aiye aiyel qariŋnjrimqa naŋgi a qa namoosib qure kalil a segi bunuqna walwelosim gilqas qaji naŋgi deq gilqajqa minjrsiqa qariŋnjrej.

Luk 10:11

‘Qotei a nuŋgo Mandor Koba sosim niŋgi taqatŋgwajqa bati jojomqo degsi merŋgonumqa niŋgi segi na saidosib Qotei qoreiyonub. Deqa nuŋgo qure qa tumbrum gago siŋga qandratqo qaji agi butuyetŋgonum.’ Naŋgi degsib minjroqniye.

Luk 10:9

Niŋgi qure dia sosibqa tamo uŋgasari ma ti unub qaji naŋgi boletnjroqnsib endegsib minjroqniye, ‘Qotei a bosim nuŋgo Mandor Koba sosim niŋgi taqatŋgwajqa bati agi jojomqo.’

Luk 16:16

“Nami Qotei aqa dal anjam ti Qotei aqa medabu o qaji tamo naŋgo anjam ti maroqneb dena bosi bosiq Jon aqa bati brantej. Jon aqa bati brantej dena bosiq agi bini tamo naŋgi sawa sawa kalilq dia Qotei aqa anjam bole palontosib mareqnub. Tamo kalil naŋgi Qotei na taqatnjrsim naŋgo Mandor Koba sqajqa deqa are qaloqnsib areqalo di tulaŋ siŋgilatejunub.

Luk 9:11

Naŋgi gileqnabqa tamo uŋgasari naŋgi endegsib queb, “Yesus a Betsaida gileqnu.” Degsib qusibqa Yesus dauryosib gileb. Dauryosib gileqnabqa unjrsiqa minjrej, “Niŋgi are bulyibqa Qotei a nuŋgo Mandor Koba sosim niŋgi taqatŋgwas.” Tamo uŋgasari ma ti so qaji naŋgi dego Yesus dauryosib gileqnabqa a na naŋgi kalil boletnjroqnej.