Luk 7:2 - Yesus Aqa Anjam Bole

² Dia Rom naŋgo qaja tamo gate bei soqnej. Aqa kaŋgal tamo bei a tulaŋ qalaqalaiyoqnej qaji di makobaiysiqa moiqa laqnej.

Luk 7:2 Iomraidhean Croise

Matyu 27:54

Ariya qaja tamo naŋgi ŋamburbasq dia Yesus taqatesoqneb qaji naŋgo gate koba ombla na mimiŋ dosiq mandam reŋgiŋyonaq meniŋ kokba paraparaeleŋonab unsibqa naŋgi tulaŋ ulaugetosib mareb, “Bole. Tamo endi a Qotei aqa Ŋiri.”

Luk 23:47

Onaqa qaja tamo naŋgo gate koba a Yesus degsi mondor titosiq moiej di unsiqa a Qotei aqa ñam soqtosiqa marej, “Bole, Yesus aqa jejamuq di une bei saiqoji.”

Luk 7:1

Yesus a na tamo uŋgasari naŋgi anjam kalil degsi minjrnaq qunabqa a naŋgi uratnjrsiqa Kaperneam qureq aiej.

Luk 7:3

Deqa tamo qudei naŋgi na qaja tamo gate di minjeb, “Yesus a bqo Kaperneam qureq endi unu.” Degsi minjnab qusiqa are qalej, “E tamo qudei naŋgi qariŋnjritqa aisib Yesus minjib bosim ijo kaŋgal tamo boletqas.” Osiqa qariŋnjrnaq aieb.

Luk 8:42

Degsi minjej. Di kiyaqa? Aqa aŋgro sebiŋ qujai bole qujai moiqa laqnej deqa. Aŋgro aqa wausau 12-pela. Onaqa Yesus na Jairus odyosiqa tigelosiq a dauryosiq gileqnaqa tamo uŋgasari tulaŋ gargekoba naŋgi dego tigelosib naŋgi aiyel daurnjrsib jujuŋosib giloqneb.

Aposel 10:1

Ariya Sisaria qureq dia tamo bei soqnej aqa ñam Kornilius. A Juda tamo sai. A Rom qaji tamo. A qaja tamo naŋgo gate. A na qaja tamo 100 naŋgi taqatnjroqnej. Aqa qaja tamo naŋgi Itali sawa qaji.

Aposel 10:7

Laŋ aŋgro dena Kornilius anjam degsi minjsiq olo ulaŋej. Onaqa Kornilius na aqa kaŋgal tamo aiyel metnjrnaqa aqa areq beb. Qaja tamo qujai dego metonaq aqa areq bej. Qaja tamo di a Qotei aqa kumbra dauryoqnej qaji. A bati gaigai Kornilius ombla sosiqa wauetoqnej.

Aposel 22:26

Onaqa qaja tamo gate dena Pol aqa anjam di qusiqa a qaja tamo naŋgo gate koba aqa areq gilsiqa nenemyej, “Pol a Rom qaji tamo. Deqa ni a kieryqam?”

Aposel 23:17

Minjnaq qusiqa qaja tamo gate bei metonaq aqa areq bonaq minjej, “Ni aŋgro wala endi osim nuŋgo gate koba aqa areq osi aiimqa a na anjam bei minjqas.”

Aposel 27:1

Onaqa naŋgi iga qobuŋ gogetosim Itali sawaq gilqajqa anjam keretosib Pol tamo qudei ti tonto talq dena eleŋosib qaja tamo naŋgo gate bei aqa ñam Julius aqa baŋq di ateb. Julius a Rom qaji tamo.

Aposel 27:3

Iga gilsim nebeonaqa Saidon qureq di tiryem. Tiryonamqa Julius a Pol qa dulosiq odyonaqa qobuŋ uratosiq aqa was naŋgi itnjrnaqa naŋgi na iŋgi iŋgi qudei qa aqaryaiyeb.

Aposel 27:43

Degsi marnabqa naŋgo gate Julius a are qalej, “Naŋgi Pol dego qalib moiaim deqa e na naŋgi saidnjrqai.” Degsi are qalsiqa naŋgi minjrej, “Tonto tamo naŋgi ñumaib.” Osiqa tamo qawaiŋo qalie naŋgi minjrej, “Niŋgi namo prugosib yuwalq aisib qawaiŋosib alile di patqab.”

Kolosi 3:22

O kaŋgal tamo, niŋgi gaigai nuŋgo wau qa gate naŋgo anjam dauryoqniye. Niŋgi gisaŋosib nuŋgo wau qa gate naŋgo ŋamdamuq di laŋa wau bole yobulaib. Niŋgi Tamo Koba Kristus qa ulaosib deqa gaigai are bole na wau bole yoqniye.