Luk 6:8 - Yesus Aqa Anjam Bole

^8-9 Onaqa Yesus a naŋgo areqalo di qalieosiqa tamo baŋ qandamyej qaji di minjej, “Ni tigelosim gago ambleq au.” Degsi minjnaqa a tigelosi gilsiq naŋgo ambleq di tigelesonaqa Yesus na Farisi naŋgi minjrej, “E mati niŋgi anjam bei nenemŋgitqa niŋgi kamba merbiye. Iga yori bati qa kumbra bole yqom kio kumbra uge yqom kio? Tamo bei a padalqa laqnimqa iga na aqaryaiyonam bole sqas di kere kio iga a uratonam padalqas di kere kio? Dal anjam a kiersi marqo? Niŋgi na merbiye.”

Luk 6:8 Iomraidhean Croise

Matyu 9:4

Naŋgi degsib mareqnabqa Yesus a naŋgo areqalo di qalieosiqa minjrej, “Niŋgi kiyaqa areqalo uge di onub?

Mak 3:3

Onaqa Yesus a tamo baŋ qandamyej qaji di minjej, “Ni tigelosim au.”

Luk 13:12

Deqa Yesus na uŋa di unsiq metonaqa aqa areq bonaqa minjej, “O uŋa, ni que. Endego ino ma ni uratmqo.”

Luk 5:22

Naŋgi degsib are qalsib sonabqa Yesus a naŋgo areqalo di qalieosiqa minjrej, “Niŋgi kiyaqa degsib are qaleqnub?

Jon 2:25

A powo bei qa truquosai. Deqa tamo bei na tamo naŋgo kumbra Yesus a qalieqajqa minjqa keresai. A segi tamo naŋgo areqalo a qalie bole.

Jon 21:17

Osiqa olo nenemyoqalubtej, “O Saimon, Jon aqa ŋiri, ni e qalaqalaibeqnum e?” Yesus na Pita anjam di nenemyoqalubtej deqa Pita a are gulubeiyonaq minjej, “O Tamo Koba, ni iŋgi iŋgi kalil qa qalie. Deqa ni qalieonum, e ni qalaqalaimeqnum.” Onaqa Yesus na olo minjej, “Deqa ni na ijo kaja naŋgi geregereinjroqnime.

Jon 9:4

Sawa suwaŋesoqnimqa ijo Abu e qariŋbej qaji aqa wau yoqnqom. Ambruamqa tamo naŋgi wauqa keresai.

Aposel 20:24

“Di uŋgum. E ijo segi jejamu qa are qalosaieqnum. Wau kalil Tamo Koba Yesus na ebej qaji di yosiy kobotqajqa are qaleqnum. Wau di endegsi unu. E siŋgila na Yesus aqa anjam bole tamo uŋgasari naŋgi minjre minjre laqnqai. Anjam bole di aqa damu agiende. Qotei a tamo uŋgasari naŋgi qa are boleiyoqnsiqa naŋgi eleŋeqnu.

Aposel 26:26

Osiqa Agripa minjej, “O Mandor Koba Agripa, ijo anjam endi ni nami qalieosim soqnem. Deqa e ni mermqa ulaosai. Yesus aqa kumbra iga dauryeqnum qaji di iga uli na yosaioqnem. Iga gaigai boleq na yoqnem. Deqa ni kumbra deqa geregere qalieonum.

Filipai 1:28

E endegsi qalieqai. Niŋgi nuŋgo jeu tamo naŋgi qa ulaosaieqnub. Niŋgi siŋgila na Yesus aqa wau ojeqnub. Nuŋgo jeu tamo naŋgi nuŋgo kumbra di unsibqa naŋgi endegsib qalieqab, “Bole, iga padalqom.” Ariya niŋgi padalqasai. Qotei na niŋgi olo eleŋam niŋgi so bole gaigai sqab.

Hibru 4:13

Iŋgi bei a Qotei qa uliqa keresai. Iŋgi iŋgi kalil Qotei na gereinjrej qaji di a na ŋam atsiq geregere uneqnu. Deqa mondoŋ a na qujai gago kumbra kalil qa iga pegigwas.

1 Pita 4:1

Kristus a na aqa segi jejamu osiqa jaqatiŋ koba osiqa moiej. Dego kere niŋgi dego Kristus aqa areqalo di siŋgila na ojsib nuŋgo segi jejamu osib jaqatiŋ oqniye. Di kiyaqa? Tamo bei na aqa segi jejamu osim jaqatiŋ oqnqas di a une uratqas.

Uli Anjam 2:23

Aqa aŋgro naŋgi dego ñumit moreŋqab. Amqa tamo uŋgasari qure kalilq dia ijo ñam qa koroosib loueqnub qaji naŋgi qalieqab, e tamo kalil naŋgo are miligi ti areqalo ti geregere unsim peleiyeqnum. Deqa niŋgi quiye. E na nuŋgo kumbra kalil geregere keretosiy nuŋgo awai dego segi segi eŋgwai.