Luk 4:16 - Yesus Aqa Anjam Bole

¹⁶ Onaqa Yesus a dena walwelosiq Nasaret qureq aiej. Di aqa segi qure utru. A dia boleej. Aisiq dia aqa kumbra gaigai yoqnej qaji di dauryosiqa yori bationaqa Juda naŋgo Qotei tal miligiq gilsiqa Qotei aqa anjam sisiyqa osiq tigelej.

Luk 4:16 Iomraidhean Croise

Matyu 2:23

Onaqa Josep a Qotei aqa anjam di dauryosiqa Galili sawaq gilej. Gilsiq qure bei aqa ñam Nasaret di soqnej. A di soqnej deqa anjam bei Qotei aqa medabu o tamo qudei naŋgi nami maroqneb qaji di aqa damu brantej. Naŋgi endegsib maroqneb, “Naŋgi a qa maroqnqab, ‘A Nasaret tamo.’”

Luk 2:39

Maria wo Josep wo naŋgi Jerusalem dia Tamo Koba Qotei aqa dal anjam kalil dauryekritosib naŋgi olo puluosib Galili sawaq gilsib naŋgo segi qure utru Nasaret di soqneb.

Luk 2:42

Deqa Yesus aqa wausau 12-pela kereonaqa a na aqa ai wo abu wo naŋgi daurnjrsiqa yori bati di unqajqa koba na Jerusalem aieb.

Luk 2:51

Onaqa Yesus a tigelosiqa aqa ai wo abu wo naŋgi daurnjrsiqa Nasaret qureq gileb. Gilsib dia a naŋgo aiyel anjam geregere dauryoqnsiqa naŋgo sorgomq di soqnej. Onaqa aqa aniqali na aqa kumbra di unsiqa tulaŋ arearetonaqa aqa areqaloq di atnaq soqnej.

Luk 4:15

Onaqa a bati gaigai Juda naŋgo Qotei tal miligiq giloqnsiqa tamo uŋgasari naŋgi Qotei aqa anjam minjreqnaqa naŋgi quoqnsib aqa ñam soqtoqneb.

Luk 4:17

Onaqa buk Baibel yonabqa a na waqtosiqa Qotei aqa medabu o tamo Aisaia aqa anjam nami neŋgreŋyej qaji mutu bei itosiq endegsi sisiyej,

Luk 4:21

Onaqa Yesus na naŋgi minjrej, “Qotei aqa anjam e endego sisiyonum niŋgi quonub qaji di aqa damu agi bini brantqo.”

Luk 4:23

Onaqa Yesus na minjrej, “Niŋgi yawo anjam endegsib merbqab kio, ‘O ma gereiyo tamo, ni ino segi jejamu gereiye.’ Osib niŋgi endegsib merbqab, ‘Kaperneam qureq dia ni ino siŋgila babteqnamqa tamo naŋgi unoqneb. Iga degsim queqnum. Siŋgila dego kere olo ino segi qure utruq endia babt. Yimqa iga unqom.’”

Jon 18:20

Onaqa Yesus na kamba minjej, “E boleq na tamo uŋgasari naŋgi ijo anjam minjroqnem. E bati gaigai Juda naŋgo Qotei tal miligiq dia, atra tal miligiq dia, naŋgo koro sawaq dia ijo anjam palontosim minjroqnem. E uliosim anjam minjrosaioqnem.

Aposel 17:2

Deqa Pol aqa kumbra gaigai yoqnej qaji di dauryosiqa Qotei tal miligiq gilej. Gilsiqa yori bati qalub qa Qotei aqa anjam nami neŋgreŋyeb qaji di plaltoqnsiqa Juda tamo uŋgasari naŋgi minjroqnej.