Luk 3:1 - Yesus Aqa Anjam Bole

¹ Sisar Taiberius a wausau 15 Rom naŋgo mandor koba sonaqa Pontius Pailat a Judia sawa naŋgo gate koba soqnej. Bati deqa Herot a Galili sawa naŋgo gate koba soqnej. Herot aqa aube Filip a na Ituria sawa ti Trakonitis sawa ti taqatoqnej. Lisanias a na Abilene sawa taqatoqnej.

Luk 3:1 Iomraidhean Croise

Matyu 14:1

Bati deqa tamo uŋgasari naŋgi Yesus aqa kumbra qa saosib laqnabqa Mandor Koba Herot a quej.

Matyu 14:3

Herot a na nami aqa aube Filip aqa ŋauqali Herodias yaiysiq ej. Deqa Jon na Herot minjoqnej, “Ni ino segi was aqa uŋa em di kumbra bolesai. Ni kumbra ugetonum.” Jon a na Herot degsi minjoqnej. Deqa Herot a Jon qa minjiŋ oqetonaqa aqa qaja tamo qudei naŋgi qariŋnjrnaqa gilsib Jon ojsib sil na qosisib tonto talq waiyeb.

Matyu 14:6

Ariya bati bei Herot aqa ŋambabo bationaqa Herot na maruro atsiqa tamo qudei naŋgi metnjrnaqa bosib aqa talq di koroeb. Koroosib iŋgi uyeqnabqa Herot aqa ŋauqali aqa asi a warum miligiq bosiqa naŋgi lou tuetnjroqnej. Onaqa Herot a di unsiqa tulaŋ areboleboleiyej.

Matyu 22:17

Deqa ni iga merge. Iga Sisar takis yqom e? Yqasai e? Ni kiersi are qalonum?”

Mak 6:17

Herot a na nami aqa aube Filip aqa ŋauqali Herodias yaiysiq ej. Deqa Jon yansnjro qaji a na Herot minjoqnej, “Ni ino segi was aqa uŋa em di kumbra bolesai. Ni kumbra ugetonum.” Jon a na Herot degsi minjoqnej. Deqa Herot a Jon qa minjiŋ oqetonaqa aqa qaja tamo qudei naŋgi qariŋnjrnaqa gilsib Jon ojsib sil na qosisib tonto talq waiyeb.

Mak 6:21

Bati bei Herot aqa ŋauqali a na Jon qalim moiqajqa gam endegsi gereiyej. Herot aqa ŋambabo bationaqa Herot na maruro atsiqa aqa qaja tamo gate naŋgi ti Galili sawa taqato tamo naŋgi ti metnjrnaqa bosib aqa talq di koroeb.

Luk 13:31

Onaqa bati deqa Farisi tamo qudei naŋgi Yesus aqa areq bosib minjeb, “Mandor Koba Herot a ni lumsim moiotmqa mareqnu. Deqa ni sawa endi uratosim ulaŋ.”

Luk 2:1

Bati deqa Rom naŋgo mandor koba Sisar Ogastus a marej, “Iga na tamo uŋgasari sawa sawa kalilq di unub qaji naŋgo ñam sisiyqom.”

Luk 3:19

Ariya Jon a gate koba Herot aqa une bei babtosiqa deqa ŋiriŋtej. Aqa une agi aqa segi was aqa ŋauqali Herodias yaiysiq ej. Une deqa ti kumbra uge uge kalil Herot a yoqnej qaji deqa ti Jon na ŋiriŋtej.

Luk 9:7

Naŋgi degsib Yesus aqa ñam mare mare laqnabqa Mandor Koba Herot a dego quej. Tamo qudei naŋgi endegsib marnab quej, “Yesus a Jon yansnjro qaji tamo de kio? A moisiq olo subq na tigelqo.” Qusiqa endegsi are qalej, “Jon e na nami kakoro gentem qaji agi a kio?” Osiqa areqalo kobaiyej.

Aposel 23:26

“O tamo koba Feliks, ijo ñam Klodius Lisias. E qaja tamo naŋgo gate koba. Ijo anjam endi ni quqwajqa deqa e neŋgreŋyosim ni qa qariŋyonum. O kaiye.

Aposel 24:27

Wausau aiyel koboonaqa Feliks a Judia sawa taqato wau di uratonaqa tamo bei aqa ñam Porsius Festus a kamba Feliks aqa wau di osiqa Judia sawa taqatesoqnej. Onaqa Feliks a na Juda tamo kokba naŋgo are boletetnjrqajqa deqa a Pol tonto talq di uratonaq soqnej.

Aposel 26:30

Pol a na anjam degsiqa Agripa minjnaqa Festus wo Bernaisi wo tamo kalil awoeleŋesoqneb qaji naŋgi Agripa koba na tigelosib warumq dena oqedeb. Oqedosib endegsib qairosib mareb, “Iga Pol aqa jejamuq di une kobaquja bei unosaibolesai. Deqa iga na a qalsim moiotqa keresai. A tonto talq waiyqa keresai dego.”

Aposel 4:27

“O Qotei, Devit aqa anjam di aqa damu gam endena brantej. Herot wo Pontius Pailat wo Israel tamo ti qure bei bei qaji tamo naŋgi ti kalil qure endia koroosibqa ino segi wau tamo bole Yesus ni nami giltem qaji a qoto itqa marsibqa anjam kereteb.