Luk 2:11 - Yesus Aqa Anjam Bole

¹¹ Anjam bole agiende. Bini Qotei na aqa segi Ŋiri qariŋyqoqa Devit aqa qure utruq dia ŋambabqo. A gago Tamo Koba Kristus. A na qujai tamo uŋgasari naŋgi eleŋamqa naŋgi ŋambile gaigai sqab. Naŋgi padalqasai.

Luk 2:11 Iomraidhean Croise

Matyu 1:16

Jekop a Josep aqa abu. Josep a Maria aqa gumbuluŋ. Maria aqa miligiq na Yesus ŋambabej. Agi naŋgi a qa mareqnub, a Kristus.

Matyu 1:21

Deqa aqa aŋgro mel ŋambabqas. A na aqa segi tamo uŋasari naŋgo une kalil kobotetnjrsim naŋgi eleŋqas. Deqa ni aqa ñam Yesus waiyqam.”

Matyu 16:16

Onaqa Saimon Pita na minjej, “Ni Kristus. Ni Qotei ŋambile gaigai unu qaji aqa segi Ŋiri qujai.”

Matyu 16:20

Osiqa aqa aŋgro naŋgi endegsi minjrej, “E Kristus. Niŋgi ijo ñam di ubtsib tamo qudei minjraib.”

Luk 1:43

O Maria, ni ijo Tamo Koba aqa aniqali. E uŋa kiero deqa ni ijo talq bonum?

Luk 1:69

Qotei aqa wau tamo Devit aqa leŋ dena tamo bei ŋambabqas. A tamo siŋgila koba sqas. Qotei na a giltqo deqa a na iga eleŋam iga padalqasai.

Luk 2:26

Qotei aqa Mondor na nami Simion minjej, “Ni mati moiqasai. Ni moiosaisoqnimqa Tamo Koba Qotei a na aqa Kristus qariŋyim bamqa ni unsim moiqam.”

Luk 2:4

Onaqa Josep a Nasaret qureq dena tigelosiqa Devit aqa qure utruq oqej. Nasaret qure a Galili sawaq di unu. Devit aqa qure utru aqa ñam Betlehem. Betlehem a Judia sawaq di unu. Josep a deq oqej. Di kiyaqa? A Devit aqa leŋ dena ŋambabej deqa.

Jon 1:41

A Yesus uratosiq aqa was Saimon itosiq minjej, “Iga Mesaia unonum.” Ñam “Mesaia” di Hibru anjam. Gago anjam, “Kristus.”

Jon 1:45

Ariya Filip a mati olo aisiqa Nataniel itosiq minjej, “Ni au. Iga tamo a qa nami Moses a dal anjam neŋgreŋyej qaji a unonum. Qotei aqa medabu o qaji tamo naŋgi dego a qa osib neŋgreŋyeleŋeb. Tamo di Yesus Nasaret qure qaji. A Josep aqa ŋiri.”

Jon 11:27

Onaqa Marta na Yesus minjej, “Od, Tamo Koba. E qalieonum, ni Kristus, Qotei aqa Ŋiri. Ni qujai Qotei na nami qariŋmonaqa mandamq aiem qaji. Deqa e ni qa ijo areqalo siŋgilatonum.”

Jon 20:31

Niŋgi ijo anjam endi sisiyosib Yesus qa nuŋgo areqalo siŋgilatosib a bole Kristus Qotei aqa Ŋiri degsi poiŋgwajqa deqa e na anjam endi neŋgreŋyonum. Yimqa niŋgi Yesus aqa ñam na ŋambile gaigai sqab.

Jon 4:25

Onaqa uŋa dena Yesus minjej, “E qalie, Mesaia bqas.” “Mesaia” di Hibru anjam. Gago anjam, “Kristus.” Osiqa Yesus minjej, “Mesaia a bosimqa Qotei aqa anjam kalil ubtsim mergekritqas.”

Jon 4:42

Osib uŋa di minjeb, “Ni na bosim Yesus qa anjam mergonum qusim gago areqaloq di sonaq olo a segi na mergwo qusim turtsim gago areqalo a qa torei siŋgilatonum. Osim endegsi poigwo, ‘Bole, Yesus a na qujai tamo uŋgasari mandamq endi unub qaji naŋgi oqas.’”

Jon 6:69

Iga ni qa gago areqalo siŋgilatosim endegsi qalieonum, Qotei aqa segi Tamo Bole a na nami giltej qaji agi ni qujai.”

Jon 7:41

Onaqa tamo qudei naŋgi mareb, “Tamo endi a bole Kristus.” Onaqa tamo qudei naŋgi mareb, “Sai. Kristus a bqas di a Galili sawaq dena bqasai.

Aposel 10:36

Bole, nami Qotei na aqa anjam bole qariŋyonaqa Israel naŋgo segiq aiej. Anjam di aqa damu endegsi unu. Tamo uŋgasari naŋgi Qotei ti jeu sonabqa Yesus Kristus na jeu kobotej. Yesus a tamo kalil naŋgo Tamo Koba.

Aposel 13:23

Osiqa Qotei aqa anjam nami marej qaji di a dauryosiqa Devit aqa leŋq dena tamo bei giltosiqa qariŋyonaq Israel gagoq bej. Tamo di aqa ñam Yesus. A na iga oqajqa deqa qariŋyonaq bej.

Aposel 17:3

Pol a na anjam aqa utru geregere plaltosiq endegsi minjroqnej, “Kristus a jaqatiŋ koba osim moiqas. Moisim olo subq na tigelqas. Qotei aqa anjam nami degsib neŋgreŋyeb unu.” Osiqa minjroqnej, “Yesus agi e niŋgi a qa merŋgeqnum qaji a bole Kristus Qotei na qariŋyej qaji.”

Aposel 2:36

“Deqa Israel tamo uŋgasari, niŋgi kalil ijo anjam endi geregere qusib poiŋgem. Yesus agi niŋgi na ŋamburbasq di qalnab moiej qaji a Qotei na olo osiqa gago Tamo Koba Kristus atej.” (Ñam Kristus di aqa damu, “Tamo Qotei na nami giltej qaji”) Pita a na tamo uŋgasari naŋgi anjam degsi minjrej.

Aposel 5:31

Yesus qujai di Qotei na laŋ qureq osi oqsiqa aqa baŋ woq di awotej. Deqa Yesus a gago Tamo Koba. A na qujai iga eleŋamqa iga padalqasai. Yesus qujai dena iga Israel tamo uŋgasari are bulyetgsim gago une kobotetgwas.

1 Korin 15:47

Qotei na Adam namij a mandam na gereiyej. Deqa Adam a mandam qaji tamo. Ariya Adam bunuj a laŋ qureq na bej.

Filipai 2:11

Osib naŋgo medabu qujaitosib maroqnqab, “Yesus Kristus a segi Tamo Koba.” Yim kumbra dena naŋgi na Abu Qotei aqa ñam tulaŋ soqtoqnqab.

Filipai 3:8

E Juda naŋgo kumbra uratqa segi marosai. E mandam qa kumbra kalil dego uratqa maronum. E ijo Tamo Koba Kristus Yesus qa bole qalieonum. Ijo qalie di tulaŋ bolequja e degsi unonum. Deqa e qalieonum, mandam qa kumbra kalil di qalam jiri bul. Deqa e Kristus segi dauryqajqa are unu. E mandam qa kumbra kalil di uratekritosiy Kristus segi ojqai.

Kolosi 2:6

Niŋgi nami Tamo Koba Kristus Yesus osib nuŋgo areq di ateb. Deqa niŋgi a ombla walweloqniye.

1 Jon 4:14

Abu Qotei a na tamo uŋgasari kalil mandamq endi unub qaji naŋgi eleŋqa osiq deqa aqa Ŋiri qariŋyonaq mandamq aiej. Aqa kumbra di iga unsim deqa mare mare laqnum.

1 Jon 5:1

Yesus a segi Kristus. Tamo kalil degsib maroqnsib Yesus qa naŋgo areqalo siŋgilateqnub qaji naŋgi Qotei aqa aŋgro tiŋtiŋ unub. Tamo kalil Abu Qotei qalaqalaiyeqnub qaji naŋgi na aqa aŋgro naŋgi dego qalaqalainjreqnub.