Luk 19:6 - Yesus Aqa Anjam Bole

⁶ Degsi minjnaqa a qusiqa mandamq aioqujatosiqa tulaŋ areboleboleiyonaqa Yesus osiqa ombla na aqa talq gileb.

Luk 19:6 Iomraidhean Croise

Luk 19:5

Onaqa Yesus a gam dena walwelosi gilsiq ŋam utruq di tigelosiq tarosiq Sakius unsiqa minjej, “O Sakius, ni mandamq aioqujat. Bini e ino talq di sqai.”

Luk 19:7

Gilnabqa tamo uŋgasari kalil naŋgi unsibqa ŋiriŋeb. Ŋiriŋosib mareb, “Niŋgi uniye. Yesus a une tamo dauryosiqa aqa talq gilqo.”

Luk 2:16

Degsi marsibqa gurgur ti aisib Maria wo Josep wo naŋgo aŋgro mom a bulmakau naŋgo iŋgi uyo tabirq di ŋeiotosib sonab unjreb.

Luk 5:29

Yesus dauryosiqa giloqnsiq Yesus minjej, “Ni ijo talq bosim iŋgi uye.” Degsi minjsiqa aqa segi talq osi gilsiqa maruro atsiqa iŋgi goietej. A segi sai. Takis o qaji tamo tulaŋ gargekoba naŋgi ti Yesus aqa segi aŋgro naŋgi ti tamo laŋa laŋaj naŋgi ti dego metnjrnaq bosib koba na awoosib iŋgi uyoqneb.

Aposel 16:15

Deqa tamo uŋgasari Lidia aqa talq di soqneb qaji naŋgi ti Lidia a ti yanso eb. Onaqa Lidia na iga mergej, “E are bulyosim Tamo Koba Yesus qa ijo areqalo siŋgilatonum niŋgi bole edegosib bosib ijo talq endia iga koba na sqom.” Lidia a tulaŋ siŋgilaej deqa iga aqa talq dia a ombla na soqnem.

Aposel 16:34

Onaqa tonto tal taqato tamo a na naŋgi aiyel joqsiqa aqa talq dia warum bei miligiq gilsib iŋgi anainjrej. A ti tamo uŋgasari kalil a ombla tal qujaiq di soqneb qaji naŋgi ti tulaŋ areboleboleinjrej. Di kiyaqa? Naŋgi are bulyosib Qotei qa naŋgo areqalo siŋgilateb deqa.

Aposel 2:41

Onaqa tamo uŋgasari kalil Pita aqa anjam di qusib naŋgo are miligiq di ateb qaji naŋgi yansnjreb. Bati deqa tamo uŋgasari 3,000 naŋgi Yesus qa naŋgo areqalo siŋgilatosib tamo uŋgasari nami Yesus qa naŋgo areqalo siŋgilateb qaji naŋgo miligiq aisib koba na soqneb.