Luk 19:12 - Yesus Aqa Anjam Bole

¹² Naŋgi degsib are qaleb. Di kiyaqa? Yesus a Jerusalem qure jojomyej deqa. Onaqa Yesus a yawo anjam bei endegsi minjrej, “Tamo kobaquja bei a sawa isaq gilej. Tamo di a are qalej, ‘E sawa deq gilitqa sawa deqaji tamo uŋgasari naŋgi na e mandor koba atqab. Yibqa e olo puluosiy bosiy ijo segi tamo uŋgasari naŋgo mandor koba sosiy naŋgi taqatnjrqai.’ A degsi are qalsiqa sawa isaq gilej.

Luk 19:12 Iomraidhean Croise

Matyu 21:38

Aieqnaqa wau taqato tamo naŋgi a unsibqa naŋgi segi segi qairosib mareb, ‘Tamo a bqo endi wau lanja aqa segi ŋiri. A na aqa abu aqa iŋgi iŋgi kalil oqas. Deqa iga a qalsim moiotosimqa wau endi iga na oqom.’

Matyu 28:18

Ariya Yesus a naŋgo areq gilsiqa minjrej, “E na mandam ti laŋ ti taqatqajqa deqa ijo Abu na siŋgila kalil ijo baŋq di atqo.

Mak 12:1

Yesus a na naŋgi degsi minjrsiqa olo yawo anjam bei endegsi minjrej, “Tamo bei a tigelosiqa aqa wauq gilej. Gilsiqa wain sil yageleŋosiqa jeŋ qosej. Qoso koboonaqa meniŋ qura gogeq di tabir kuru bul gereiyej. Wain sil geitimqa wain gei koroiyosib paraparayosib aqa ya di bilentqajqa deqa gereiyej. Osiqa wauq di tal atsiqa wau taqato tamo qudei naŋgo baŋq di aqa wau uratetnjrsiqa sawa isaq gilsiq di soqnej.

Mak 16:19

Tamo Koba Yesus a na aqa aŋgro naŋgi anjam degsi minjrnaqa Qotei na laŋ qureq osi oqnaqa aqa baŋ woq di awoej.

Luk 20:9

Yesus a anjam degsi minjrsiqa olo tamo uŋgasari naŋgi koroinjrsiqa yawo anjam bei endegsi minjrej, “Tamo bei a tigelosiqa aqa wauq gilej. Gilsiqa wain sil yageleŋosiqa tamo qudei naŋgo baŋq di aqa wau uratetnjrsiqa sawa isaq gilsiq dia sokobaiyej.

Luk 24:51

Pailyeqnaqa Qotei na a metonaq naŋgi uratnjrsiqa laŋ qureq oqej.

Jon 18:37

Onaqa Pailat na olo Yesus nenemyej, “Ni bole mandor e?” Onaqa Yesus na minjej, “Od, ni kere merbonum. E mandor. E anjam bole ubtqajqa deqa mandamq aisim ŋambabem. Tamo kalil anjam bole dauryeqnub qaji naŋgi ijo anjam queqnub.”

Aposel 17:31

Qotei a na bati atej unu. Bati di brantimqa a na tamo uŋgasari kalil naŋgo une qa peginjrqas. Aqa segi kumbra bole na ti aqa Ŋiri Yesus Kristus giltej qaji aqa baŋ na ti naŋgo une qa peginjrqas. Tamo uŋgasari naŋgi di qalieqajqa deqa Qotei na Yesus subq na olo tigeltej.”

1 Korin 15:25

Kristus a degyqas. Di kiyaqa? A Mandor Koba sosim gilsim gilsim diŋo bati brantimqa Qotei na aqa jeu tamo kalil naŋgi eleŋosim aqa sorgomq di atim a na naŋgi taqatnjresqas.

Hibru 9:28

Dego kere Kristus a bati qujai qa tamo gargekoba naŋgo une qoboiyetnjrqa marsiqa aqa segi jejamu osiq Qotei atraiyej. Ariya mondoŋ a olo laŋ qureq dena bosimqa a tamo uŋgasari naŋgo une olo kobotetnjrqasai. A bosim tamo uŋgasari a qa tariŋeqnub qaji naŋgi oqas.

1 Pita 3:22

Onaqa Kristus a laŋ qureq oqej deqa bini a Qotei aqa baŋ woq di awejunu. Deqa laŋ aŋgro naŋgi ti laŋ qaji mondor kokba ti laŋ qaji siŋgila ti kalil naŋgi Kristus aqa sorgomq di unub.

Uli Anjam 1:7

Niŋgi uniye. Yesus a laŋbi ambleq na boqnimqa tamo kalil naŋgi a unqab. Tamo kalil nami a qaja na qameb qaji naŋgi dego a unqab. Tamo uŋgasari kalil mandamq endi unub qaji naŋgi a qa are ugeinjrimqa tulaŋ akamugetqab. Od, kumbra di brantqas. Bole.