Luk 19:1 - Yesus Aqa Anjam Bole

^1-3 Onaqa Yesus aisiqa Jeriko qureq di brantosiq qure ambleq na walweleqnaqa tamo bei aqa ñam Sakius a Yesus tamo kiero degosiq unqajqa dauryej. Sakius a takis o qaji tamo naŋgo gate. A ñoro koba ti soqnej. A tamo truquyala. Deqa a Yesus dauryosiq unqajqa yonaq ugeiyej. Di kiyaqa? Tamo gargekoba naŋgi na sawa getenteb deqa.

Luk 19:1 Iomraidhean Croise

Mak 10:46

Yesus a na aqa aŋgro naŋgi anjam degsi minjrsiq koboonaqa naŋgi joqsiqa koba na walwelosib aisib Jeriko qureq di branteb. Brantosib Jeriko qure ambleq na walwelosib olo Jeriko qure uratosib aieqnabqa tamo uŋgasari tulaŋ gargekoba naŋgi Yesus dauryosib koba na aioqneb. Aieqnabqa tamo bei ŋamdamu geteŋo aqa ñam Bartimeus a gam qalaq di awesosiqa tamo uŋgasari naŋgi silali qa ŋilnjroqnej. Bartimeus a Timeus aqa ŋiri.

Luk 18:35

Onaqa Yesus a walwelosi aisiq Jeriko qure jojomyeqnaqa tamo bei ŋamdamu geteŋyej qaji a gam qalaq di awoosiqa tamo uŋgasari naŋgi silali qa ŋilnjroqnej.