Luk 16:8 - Yesus Aqa Anjam Bole

⁸ “Onaqa ñoro tamo a aqa ñoro taqato tamo aqa kumbra gisaŋ di poiyonaqa aqa ñam soqtosiq minjej, ‘Ni keretonum.’ Degsi minjej. Di kiyaqa? Ñoro taqato tamo uge di a powo ti sosiq deqa kumbra gisaŋ di yej. Deqa niŋgi quiye. Mandam endeqa tamo uŋgasari naŋgi mandam qa kumbra dauryqajqa naŋgo powo kobaquja. Ariya niŋgi Qotei aqa segi tamo uŋgasari suwaŋoq di unub qaji niŋgi mandam qa kumbra dauryqajqa nuŋgo powo kiñala.

Luk 16:8 Iomraidhean Croise

Matyu 12:32

Tamo bei na e Tamo Aŋgro misiliŋbqas une di Qotei na kobotqa kere. Ariya tamo bei na Qotei aqa Mondor Bole misiliŋyqas une di Qotei na kobotqa keresai. Bini bati endeqa Qotei na kobotqasai. Mondoŋ dego Qotei na kobotqasai.”

Matyu 17:26

Onaqa Pita na kamba minjej, “Tamo laŋaj naŋgoq dena eqnub. Naŋgo segi aŋgro naŋgoq dena osaieqnub.” Onaqa Yesus na minjej, “Ni kere maronum. Mandor kokba naŋgo segi aŋgro naŋgi na takis atosaieqnub. Tamo laŋaj naŋgi na takis ateleŋeqnub.

Luk 16:10

“Niŋgi tamo bei aqa baŋq di ñoro kiñala atib a na geregere taqatqas di niŋgi ñoro qelikoba dego aqa baŋq di atibqa a na geregere taqatqas. Ariya niŋgi tamo bei aqa baŋq di ñoro kiñala atib a na geregere taqatqasai di niŋgi ñoro qelikoba dego aqa baŋq di atibqa a na geregere taqatqasai.

Luk 16:4

Deqa e kierqai? E qalieonum. Tamo qudei nami ijo tamo koba aqaq dena ñoro osibqa naŋgi a kamba olo yqajqa minjeb qaji naŋgi di metnjrit ijoq babqa ñoro nami eb qaji di e na aguq atitqa naŋgi e qa tulaŋ areboleboleinjrqas. Deqa ijo tamo koba a na e wibimqa tamo naŋgi dena e osi gilsib naŋgo talq dia e geregereiboqnqab.’

Luk 16:7

Osiqa olo tamo bei nenemyej, ‘Ni ñoro gembub ijo tamo koba aqaq dena em?’ Onaqa minjej, ‘E bem sum aqa quŋ 100 em.’ Degsi minjnaqa ñoro taqato tamo na minjej, ‘Pepa naŋgi nami neŋgreŋyeb qaji di osim bem sum aqa quŋ 80 segi neŋgreŋye. Amqa ijo tamo koba a bosim pepa di unsim bem sum aqa quŋ 80 segi olo yaimqas.’

Luk 18:6

Tamo Koba Yesus a na aqa aŋgro naŋgi yawo anjam degsi minjrsiqa olo minjrej, “Anjam pegiyo tamo uge aqa anjam marej qaji di niŋgi quonub.

Luk 20:34

Onaqa Yesus na minjrej, “Mandamq endia tamo naŋgi uŋateqnub. Uŋa naŋgi tamoteqnub.

Luk 20:35

Ariya mondoŋ Qotei aqa segi tamo uŋgasari nami giltnjrej qaji naŋgi subq na tigelosibqa naŋgi tamotqasai. Naŋgi uŋatqasai.

Jon 12:36

Puloŋ a nuŋgo ambleq endi unu. Deqa niŋgi puloŋ di osib puloŋ qa nuŋgo areqalo siŋgilatiye. Niŋgi degyqab di niŋgi puloŋ aqa aŋgro bole sqab.” Yesus a anjam degsi minjrsiqa naŋgi uratnjrnaq naŋgi a olo unosai.

1 Korin 3:18

Niŋgi na nuŋgo segi jejamu gisaŋyaib. Nuŋgo ambleq di tamo bei a mandam qaji powo ti sosim endegsi are qalqas, “E segi powo koba ti unum.” Di gisaŋ. Deqa tamo di a mati marqas, “Bole, e powo ti sosai. E nanari tamo.” Degsi marim Qotei na a olo powo yimqa dena a powo bole ti sqas.

Efesus 5:8

Niŋgi nami ambruq di soqneb. Ariya bini Tamo Koba Qotei na niŋgi aqa suwaŋoq di atej unub. Deqa niŋgi suwaŋ qaji tamo uŋgasari sosib suwaŋoq di laqniye.

Filipai 3:19

Tamo naŋgi di naŋgo segi jejamu qa are qaloqnsib dauryeqnub. Naŋgo areqalo di naŋgo gisaŋ qotei bul ateqnub. Naŋgi bati gaigai mandam qa iŋgi iŋgi oqajqa are tulaŋ prugnjreqnu. Naŋgi jemai kumbra yqajqa tulaŋ areboleboleinjreqnu. Deqa mondoŋ tamo naŋgi di ŋamyuoq di torei padalqab.

1 Tesalonaika 5:5

Niŋgi kalil puloŋ aqa aŋgro. Niŋgi suwaŋ aqa aŋgro. Iga qolo qaji tamo sai. Iga ambru qaji tamo sai dego.

1 Pita 2:9

Ariya Qotei na niŋgi giltŋgej deqa niŋgi aqa segi tamo uŋgasari tiŋtiŋ unub. Niŋgi aqa atra tamo dego sosib a ombla mandor kokba tigelejunub. Osib niŋgi aqa segi kumbra boleq di sosib walweleqnub. Niŋgi aqa segi tamo sqa marsiq giltŋgej deqa niŋgi aqa kumbra bole kalil deqa mare mare laqnub. Nami niŋgi ambruq di soqneb deqa Qotei na niŋgi metŋgonaqa niŋgi ambru uratosib suwaŋoq beleŋeb. Suwaŋ di tulaŋ bolequja.

1 Jon 3:10

Iga kiersi qalieqom, tamo di a Qotei aqa aŋgro? Tamo di a Satan aqa aŋgro? Iga endegsi qalieqom. Tamo naŋgi kumbra tiŋtiŋ yosaieqnub qaji naŋgi Qotei aqa aŋgro sai. Tamo naŋgi Qotei aqa aŋgro naŋgi qalaqalainjrosaieqnub qaji naŋgi dego Qotei aqa aŋgro sai.