Luk 13:16 - Yesus Aqa Anjam Bole

¹⁶ Ariya uŋa endi a Abraham aqa leŋ. Satan na ma yonaqa wausau 18 ma ti soqnej. Deqa e kiyaqa yori bati qa aqa ma di uratit sqas? Sai. E boletqai.”

Luk 13:16 Iomraidhean Croise

Matyu 4:10

Onaqa Yesus na minjej, “Satan, ni ulaŋ. Qotei aqa anjam bei nami endegsib neŋgreŋyeb unu, ‘Ino Tamo Koba Qotei a segi qa louoqnsimqa aqa sorgomq di soqne.’”

Mak 2:27

Osiqa minjrej, “Qotei a tamo naŋgi qa are qalsiqa deqa yori bati atej. A yori bati qa are qalsiqa deqa tamo naŋgi atosai.

Luk 19:9

Onaqa Yesus a Sakius aqa anjam di qusiqa tamo uŋgasari naŋgi minjrej, “Bini Sakius a are bulyosiq Abraham aqa aŋgro tiŋtiŋqo. Deqa a Qotei na oqo. Tamo kalil aqa tal qujaiq endi unub qaji naŋgi dego Qotei na oqo.

Luk 3:8

Niŋgi are bulyiye. Osib nuŋgo kumbra uge kalil uratosib kumbra bole bole yoqniye. Yimqa e unsiy marqai, ‘Bole, niŋgi are bulyonub.’ Osiy niŋgi yansŋgwai. Niŋgi endegsib are qalaib, ‘Iga Abraham aqa leŋ. Deqa iga Qotei aqa ŋamgalaq di tamo bole.’ Niŋgi degsib are qalaib. Niŋgi quiye. Niŋgi Abraham aqa leŋ di laŋa. Qotei na marimqa meniŋ kalil endi dego tamo bulyosib tigelosib Abraham aqa leŋ sqab.

Jon 8:44

Niŋgi nuŋgo abu Satan aqa aŋgro. Niŋgi nuŋgo abu Satan aqa areqalo dauryqajqa tulaŋ siŋgilaeqnub. Satan a nami tamo qalo qaji tamo soqnej agi bini unu. A kumbra bole dauryosaieqnu. Di kiyaqa? A kumbra bole dauryqajqa torei urateqnu. A anjam marqas di a gisaŋ anjam segi marqas. A gisaŋ anjam qa utru. A gisaŋ tamo. A gisaŋ anjam kalil aqa abu.

Aposel 13:26

“O ijo was niŋgi quiye. Qotei na iga Abraham aqa moma iga ti niŋgi sawa bei bei qaji tamo Qotei aqa sorgomq di unub qaji niŋgi ti oqajqa deqa marsiq Yesus aqa anjam qariŋyqo gagoq bqo.

2 Timoti 2:26

Nami Satan a siŋgila na tamo naŋgi di ojeleŋesonaqa naŋgi aqa anjam dauryoqneb. Ariya Qotei aqa wau tamo naŋgi lawo na naŋgi tingitnjribqa naŋgi Qotei aqa anjam bole qa poinjrimqa naŋgi olo areqalo bole ti sosib Satan aqa baŋq dena jaraiosib sawa boleq di sqab.