Luk 12:5 - Yesus Aqa Anjam Bole

⁵ Tamo niŋgi ulaiyqab qaji agi deqa merŋgwai. Qotei a segi nuŋgo jejamu moiotosim bunuqna nuŋgo qunuŋ dego ŋamyuoq waiyqa kere. Deqa niŋgi a segi ulaiyiye.

Luk 12:5 Iomraidhean Croise

Matyu 10:28

Niŋgi jeu tamo naŋgi ulainjraib. Naŋgi nuŋgo jejamu segi qalsib moiotqa kere. Naŋgi nuŋgo qunuŋ moiotqa keresai. Deqa niŋgi naŋgi ulainjraib. Qotei a segi ulaiyiye. A na tamo naŋgo qunuŋ ti jejamu ti padaltnjrsim naŋgi ŋamyuoq breinjrqa kere.

Matyu 25:41

“Ariya tamo uge ijo baŋ qonaŋq di unub qaji naŋgi endegsi minjrqai, ‘Niŋgi tamo tulaŋ ugedamu. Deqa niŋgi jaraiiye. Jaraiosib aisib ŋamyuo gaigai yuejunu qaji dia soqniye. Satan aqa laŋ aŋgro naŋgi ti dia sqab. Naŋgi dia sqajqa deqa Qotei a nami ŋamyuo di gereiyej.

Matyu 25:46

E na tamo uge ijo baŋ qonaŋq di unub qaji naŋgi degsi minjrsiyqa naŋgo awai uge enjrsiy breinjrit ŋamyuoq aiqab. Dia naŋgi bati gaigai jaqatiŋ oqnsib sqab. Ariya tamo bole ijo baŋ woq di unub qaji naŋgi ŋambile gaigai sqab.”

Matyu 5:22

Ariya e na dal anjam di buŋyosiy niŋgi endegsi merŋgwai. Tamo bei na aqa was laŋa ŋiriŋtqas di a une ti sqas. Tamo bei na aqa was laŋa misiliŋyqas di a une kobaquja yqas. Deqa a ojsib Juda gate kokba naŋgo ulatamuq di tigeltosib aqa une ubtetqab di kere. Ariya tamo bei na aqa was laŋa minjqas, ‘Ni tulaŋ nanari, areqalo saiqoji,’ degyqas aqa une deqa Qotei na a osim ŋamyuoq waiyqas.

Mak 13:23

Deqa niŋgi geregere ŋam atsib soqniye. Kumbra kalil di brantosaisonaqa agi e namoqna merŋgonum.”

1 Tesalonaika 4:6

Niŋgi na Kristen was qu naŋgi kumbra uge bei enjraib. Osib naŋgi gisaŋnjrsib naŋgo ŋauŋ ugetnjraib. Tamo Koba Qotei a na tamo naŋgi kumbra deqaji yeqnub qaji naŋgi awai uge enjrqas. Iga nami niŋgi siŋgila na degsi merŋgoqnem.

Hibru 10:31

O was qu, Qotei ŋambile gaigai unu qaji a na tamo bei ojsim ŋolawotqa laqnim tamo di a Qotei qa ulaugetqas.

2 Pita 2:4

Niŋgi qalie, nami laŋ aŋgro qudei naŋgi une ateb. Onaqa Qotei a na naŋgi uratnjrosai. A naŋgi osiqa tontnjrsiqa sub guma kobaq di breinjrej di unub. Sub di ambru koba. Sub dia ŋamyuo unu. Ariya laŋ aŋgro uge naŋgi di subq dia tariŋesoqnibqa mondoŋ Qotei a naŋgo une qa peginjrsim awai uge enjrqas.

Uli Anjam 14:7

A tulaŋ koba leleŋoqnsiqa endegsi minjroqnej, “Qotei a na tamo uŋgasari naŋgo kumbra uge uge qa naŋgi peginjrsim ñumqajqa bati brantqo. Deqa niŋgi Qotei ulaiyoqnsib aqa ñam soqtoqniye. Qotei a laŋ ti mandam ti yuwal ti ya jumbum ti kalil gereiyej. Deqa niŋgi a qa louoqniye.”

Uli Anjam 15:4

O Tamo Koba, ni segi qujai kumbra tulaŋ bolequja yeqnum. Ino jejamuq di une bei saiqoji. Deqa tamo uŋgasari kalil naŋgi bati gaigai ni biŋimoqnsibqa ino ñam soqtoqnsib sqab. Tamo uŋgasari sawa sawa kalilq di unub qaji naŋgi ino areq boqnsibqa ni qa louoqnqab. Di kiyaqa? Ino kumbra bole kalil ni segi na boleq atekritonum.”

Uli Anjam 20:14

Osiqa moio ti moio qure ti osiq ŋamyuo kobaq wainjrej. Ŋamyuo koba di moio bunu qaji.