Luk 12:1 - Yesus Aqa Anjam Bole

¹ Onaqa tamo uŋgasari tulaŋ gargekoba naŋgi Yesus unqajqa bosib koroosib jujuŋkobaeb. Siŋga waiysib walwelqa keresai. Deqa tamo qudei naŋgi na tamo qudei naŋgo siŋga sosetnjroqneb. Onaqa Yesus na aqa aŋgro naŋgi joqsiqa naŋgi sasalosib a na minjrej, “Farisi naŋgo kumbra tulaŋ ugedamu. Deqa niŋgi geregere ŋam atsib soqniye. Farisi naŋgo kumbra uge di tulaŋ kobaqas. Bem tiyosim kobaqujaeqnu dego kere. Naŋgo kumbra uge agi marqai. Naŋgi gisaŋ ani. Babaŋ na naŋgi tamo bole. Ariya naŋgo are miligi uge.

Luk 12:1 Iomraidhean Croise

Luk 11:44

“O Farisi tamo, niŋgi tulaŋ padalougetqab. Di kiyaqa? Niŋgi tamo moio qaji sub bul. Sub gogeq di mariŋ na kabutqo. Deqa tamo uŋgasari naŋgi quraq na walweloqnqab di naŋgi qalieqasai.”

Luk 12:56

Niŋgi gisaŋ tamo. Niŋgi mandam ti laŋ ti unoqnsib dena niŋgi poiŋgeqnu, ‘Sawa ugeqas. Sawa boleqas.’ Ariya kiyaqa Qotei aqa kumbra bini branteqnu qaji di niŋgi unoqnsib utru poiŋgosaieqnu?”

Luk 5:1

Bati bei Yesus a Genesaret ya aguq gilsiqa alile dia tigelesonaqa tamo uŋgasari tulaŋ gargekoba naŋgi Qotei aqa anjam quqwajqa are qalsibqa Yesus aqa areq bosib koroeb.

Luk 5:15

Onaqa a gilsiqa a Yesus aqa anjam di dauryosai. Yesus na a boletej deqa mare mare laqnaqa aqa anjam tulaŋ kobaonaqa sawa sawa kalilq dia tamo uŋgasari gargekoba quekriteb. Deqa tamo uŋgasari tulaŋ gargekoba naŋgi Yesus aqa anjam quqwajqa marsibqa boqnsib aqa areq di korooqneb. A na naŋgo ma boletetnjrqajqa deqa ti aqa areq di korooqneb.

Luk 6:17

Onaqa Yesus a naŋgi joqsiqa koba na manaq dena olo aisib sawa guŋ dia sonabqa tamo uŋgasari tulaŋ gargekoba a dauryosib laqneb qaji naŋgi bosib aqa anjam quqwajqa koroeb. Tamo uŋgasari tulaŋ gargekoba naŋgi dego Yesus aqa anjam quqwajqa beb. Judia sawa naŋgo qure qureq dena ti Jerusalem qureq dena ti Tair qure wo Saidon qure wo naŋgo sawa alile jojom dena dego tigelosib Yesus aqa anjam quqwajqa bosib koroeb. Yesus a naŋgo ma boletetnjrqajqa deqa ti beb. Bonabqa Yesus a na tamo uŋgasari kalil mondor uge na ojeleŋo qaji naŋgi boletnjroqnej.

Aposel 21:20

Onaqa naŋgi Pol aqa anjam di qusibqa naŋgi tulaŋ areboleboleinjrnaqa Qotei aqa ñam soqteb. Osib Pol minjeb, “O gago was Pol, ni qalie, Juda tamo uŋgasari tulaŋ gargekoba naŋgi are bulyoqnsibqa Yesus qa naŋgo areqalo siŋgilateqnub. Naŋgi Moses aqa dal anjam dauryqajqa dego tulaŋ siŋgilaeqnub.

1 Korin 15:3

Anjam bole e nami palontosim niŋgi merŋgoqnem qaji di e Yesus aqa baŋq dena em. Anjam di tulaŋ kobaquja. Anjam agiende. Kristus a gago une qa moiej. Anjam di agi neŋgreŋq di unu.

Hibru 12:22

Ariya niŋgi iŋgi iŋgi deq bosai. Niŋgi Saion manaq beleŋeb. Osib Qotei ŋambile unu qaji aqa segi qureq dego beleŋeb. Qure di agi Jerusalem bunuj laŋ goge di unu qaji. Niŋgi laŋ aŋgro tulaŋ gargekoba sisiyqa keresai naŋgi qa dego beleŋeb.

Jems 3:17

Ariya tamo naŋgi Qotei aqaq dena areqalo bole ti powo ti eqnub qaji naŋgi kumbra tulaŋ boledamu yeqnub. Naŋgi kumbra jigat dauryosaieqnub. Naŋgi lawo na sosib tamo naŋgi jiŋga na gereinjroqnsib naŋgi qa duloqnsib kumbra bole bole enjreqnub. Naŋgi na tamo kalil naŋgi turtnjroqnsib kumbra qujai enjreqnub. Naŋgi gisaŋoqnsib laŋa babaŋ na kumbra bole dauryosaieqnub. Naŋgi bole dauryeqnub.

1 Pita 2:1

Niŋgi ŋambile bunuj eb deqa niŋgi kumbra uge kalil uratiye. Gisaŋ anjam ti maqu kumbra ti are uge ti yomu anjam ti kalil di niŋgi torei uratekritiye.