Luk 11:10 - Yesus Aqa Anjam Bole

¹⁰ Tamo kalil Qotei pailyeqnub qaji naŋgi iŋgi eqnub. Tamo kalil iŋgi qa ŋameqnub qaji naŋgi Qotei na aqaryainjreqnaq iŋgi di iteqnub. Tamo kalil siraŋme kindokindoŋeqnub qaji naŋgi Qotei na siraŋ waqtetnjreqnu.

Luk 11:10 Iomraidhean Croise

Matyu 5:42

Tamo bei na ino iŋgi bei yaimqajqa mermimqa ye. Tamo bei na ino iŋgi bei yaimosim bunuqna a kamba olo ni emqajqa mermimqa a qoreiyaim. Laŋa ye.”

Matyu 7:8

Tamo kalil Qotei pailyeqnub qaji naŋgi iŋgi eqnub. Tamo naŋgi iŋgi qa ŋameqnub qaji naŋgi olo iteqnub. Tamo naŋgi siraŋme kindokindoŋqab di Qotei na naŋgi siraŋ waqtetnjrqas.

Luk 11:11

“Ino aŋgro a mamyim qe qa mermimqa di ni qe yqam. Ni amal uge yqasai.

Luk 11:9

Deqa e niŋgi endegsi merŋgwai. Niŋgi iŋgi bei qa osib Qotei pailyqab di a na eŋgwas. Niŋgi iŋgi bei oqa marsibqa ŋamqab di itqab. Niŋgi siraŋme kindokindoŋabqa Qotei na siraŋ waqtetŋgwas.

Luk 18:1

Yesus a na aqa aŋgro naŋgi anjam degsi minjrej. Osiqa naŋgi bati gaigai Qotei pailyoqnib asginjraim deqa olo yawo anjam bei endegsi minjrej, “Qure beiq dia anjam pegiyo tamo bei soqnej. Tamo di aqa kumbra bolesai. A Qotei ulaiyosaioqnej. A tamo uŋgasari naŋgi qa dego are qalosaioqnej.

Jems 4:3

Niŋgi iŋgi iŋgi qa Qotei pailyoqnsib ariya niŋgi osaieqnub. Di kiyaqa? Niŋgi areqalo uge na Qotei pailyeqnub deqa. Niŋgi nuŋgo segi jejamu qa arebole-boleiŋgoqnim sqajqa deqa maroqnsib iŋgi iŋgi di oqajqa are qaleqnub.

Jems 5:11

Niŋgi quiye. Iga endegsi mareqnum, “Tamo naŋgi naŋgo are miligi siŋgilatoqnsib gulube qoboiyeqnub qaji naŋgi Qotei na taqatnjreqnu. Deqa naŋgi areboleboleinjreqnu.” Niŋgi Jop aqa kumbra qa nami queb. Jop a aqa are miligi siŋgilatosiq gulube kobaquja qoboiyesoqnej. Niŋgi qalie, bunuqna Tamo Koba Qotei na Jop olo boletej. Od, iga qalieonum, Tamo Koba Qotei a gaigai iga qa duloqnsiqa iga qa are boleiyeqnu.