Luk 10:41 - Yesus Aqa Anjam Bole

⁴¹ Onaqa Tamo Koba Yesus na kamba Marta minjej, “O Marta, ni iŋgi iŋgi kalil qa are koba qaleqnum. Ni iŋgi iŋgi deqa are kobaimaiq.

Luk 10:41 Iomraidhean Croise

Luk 10:38

Onaqa bati bei Yesus na aqa aŋgro naŋgi olo joqsiqa koba na walwelosi gilsib qure beiq di branteb. Qure dia uŋa bei soqnej aqa ñam Marta. A naŋgi unjrsiqa joqsiq koba na aqa tal gogeteb.

Luk 10:40

Ariya Marta a naŋgo iŋgi goietnjrqajqa marsiqa deqa wau koba yoqnej. Osiqa Yesus aqa areq gilsiq minjej, “O Tamo Koba, ijo jaja na e uratbqoqa e segi iŋgi goioqnsim iŋgi iŋgi kalil gereiyeqnum. A na e yala aqaryaibosai. Deqa ni na minjimqa a na e aqaryaibem.”

Luk 12:22

Yesus a yawo anjam degsi marsiq koboonaqa a na aqa aŋgro naŋgi endegsi minjrej, “Deqa e niŋgi endegsi merŋgwai. Niŋgi mandamq endia nuŋgo segi jejamu bole sqajqa deqa areqalo kobaiyaib. Osib endegsib maraib, ‘Iga iŋgi qabe na osim uyqom? Gara qabe na osim gago jejamu kabutqom?’ Niŋgi degsib maraib.

Luk 21:34

Osiqa Yesus a olo anjam endegsi minjrej, “Niŋgi geregere ŋam atsib soqniye. Niŋgi ya uge uyoqnsib nanarioqnqajqa are prugŋgoqnaiq. Nuŋgo segi jejamu qa iŋgi iŋgi qa areqalo kobaiyoqnaib. Niŋgi kumbra uge kalil deqaji yoqnibqa e urur mandamq aisiy niŋgi pruqtŋgo uge.

Luk 8:14

Saga yago qudei sil luwit ambleq aieb qaji di aqa utru endegsi unu. Tamo qudei naŋgi Qotei aqa anjam qusibqa naŋgo areqalo miligiq di esoqnibqa ariya bunuqna une bei bei naŋgoq bamqa naŋgo segi jejamu qa ulaoqnqab. Naŋgi ñoro koba esqajqa ti naŋgo segi jejamu qa areboleboleinjrqajqa ti deqa are koba qaloqnsib sqab. Yimqa naŋgo areqalo dena anjam bole naŋgo are miligiq di unu qaji di tentimqa loumqas. Deqa a gei boletosai.

Jon 11:1

Tamo bei aqa ñam Lasarus a maiyej. Lasarus aqa qure utru Betani. Qure di Maria aqa nawi Marta wo naŋgo qure utru.

Jon 11:5

Yesus a Marta na aqa nawi Maria na Lasarus na naŋgi qalub tulaŋ qalaqalainjroqnej.

Jon 12:2

Gilnaqa qure deqaji tamo uŋgasari naŋgi unsibqa areboleboleinjrnaqa iŋgi goieteb. Ariya Marta a iŋgi suweiyosiq Lasarus wo Yesus wo tamo qudei ti metnjrnaq bosib koba na awoosib iŋgi uyoqneb.

Filipai 4:6

Deqa niŋgi iŋgi bei qa areqalo kobaiyaib. Niŋgi gaigai nuŋgo gulube kalil qa Qotei pailyoqniye. Osib a biŋiyoqnsib minjoqniye, “O Abu, ni na iga aqaryaigoqne.”