Luk 1:53 - Yesus Aqa Anjam Bole

⁵³ Tamo naŋgi mam unub qaji Qotei na iŋgi anainjreqnaq naŋgi kere na unub. Ariya tamo naŋgi iŋgi koba ti unub qaji a na uratnjreqnaqa naŋgi iŋgi saiinjreqnu.

Luk 1:53 Iomraidhean Croise

Matyu 5:6

“Tamo naŋgi mamnjreqnaqa iŋgi uyqajqa tulaŋ arearetnjreqnu. Naŋgi ya qarnjreqnaqa ya uyqajqa tulaŋ arearetnjreqnu. Dego kere tamo uŋgasari kumbra bole bole yqajqa tulaŋ arearetnjreqnu qaji naŋgi tulaŋ areboleboleinjreme. Di kiyaqa? Qotei na aqa segi kumbra bole naŋgi enjroqnimqa naŋgi tulaŋ kere na sqab.

Luk 1:54

A na aqa wau tamo Israel naŋgi aqaryainjreqnu. A nami marej, ‘E Israel naŋgi qa gaigai duloqnsiy aqaryainjroqnqai.’ Aqa anjam nami marej qaji deqa are qaloqnsiqa agi bini Israel naŋgi aqaryainjreqnu. Qotei aqa anjam di a na nami gago moma utru Abraham aqa moma kalil naŋgi ti ubtsiq minjrej.” Maria na aqa medabu waqtosiqa anjam degsi marej.

Luk 6:21

“Niŋgi bini mam unub qaji bunuqna kere na sqab. Deqa niŋgi tulaŋ areboleboleiŋgwas. “Niŋgi bini akam ti unub qaji bunuqna akam uratosib olo kikiosib tulaŋ areboleboleiŋgwas.

Luk 6:24

“Ariya niŋgi bini ñoro koba ti unub qaji bunuqna niŋgi gulube oqab. Di kiyaqa? Nuŋgo are boletetŋgwajqa iŋgi agi niŋgi mandamq endia ekritonub.

Jon 6:35

Onaqa Yesus na minjrej, “E segi ŋambile qa bem bole. Deqa tamo bei a ijoq bqas di a bunu mamyqasai. Tamo bei a e qa aqa areqalo siŋgilatqas di a bunu ya qaryqasai dego.

1 Korin 1:26

O was qu, niŋgi are qaliye. Qotei na niŋgi metŋgej bati deqa niŋgi gargekoba mandam tamo naŋgo ŋamgalaq di powo ti sosai. Niŋgi gargekoba siŋgila ti ñam ti sosai.

1 Korin 4:8

Od, niŋgi endegsib are qaleqnub, “Iga iŋgi iŋgi kalil kere na unum. Iga ñoro koba ejunum. Deqa iga na Pol wo Apolos wo naŋgi aiyel buŋnjrsimqa iga segi mandor kokba bul tigelejunum.” O was qu, niŋgi degsib are qalaib. Niŋgi mandor kokba bul tigelejunub qamu e niŋgi qa tulaŋ areboleboleibqo qamu. Osim aqo Apolos wo dego niŋgi beterŋgosim niŋgi koba na mandor kokba bul tigelejunum qamu.