Jut 1:9 - Yesus Aqa Anjam Bole

⁹ Ariya laŋ aŋgro gate Maikel a kumbra degyosaieqnu. Agi a Satan ombla ŋiriŋosib naŋgi Moses aqa qusa oqajqa deqa anjam na qotoqnsib Maikel a diqosiq Satan misiliŋyosai. A misiliŋyqa uratosiq minjej, “Tamo Koba Qotei a segi na ni saidmim medabu getent.”

Jut 1:9 Iomraidhean Croise

Mak 15:29

Ariya Yesus a ŋamburbas goge di gaiŋesonaqa tamo uŋgasari naŋgi aqa ulatamuq dena walwelosib gile beoqnsib a misiliŋyoqnsibqa gate gaiŋyoqnsib minjoqneb, “Ni nami marem, ‘E atra tal koba koŋgrontosiyqa bati qalub qa olo tigeltqai.’ Ni nami degsi marem.

1 Tesalonaika 4:16

Qotei a anjam siŋgila koba marimqa laŋ aŋgro matu a leleŋoqnimqa Qotei na gul anjamqas. Yimqa Tamo Koba Yesus a laŋ qure uratosim mandamq aioqnimqa tamo nami Yesus qa naŋgo areqalo siŋgilatosib moreŋeb qaji naŋgi namo subq na tigelqab.

1 Pita 3:9

Ariya tamo qudei naŋgi na niŋgi kumbra uge eŋgibqa niŋgi na kamba naŋgi kumbra uge enjraib. Naŋgi na niŋgi misiliŋgoqnsib anjam uge merŋgibqa niŋgi na kamba anjam uge minjraib. Niŋgi kamba naŋgi qa oqnsib Qotei pailyoqniye. Qotei a niŋgi kumbra degyqa osiqa niŋgi metŋgej. Deqa niŋgi kumbra bole degyibqa Qotei a na kamba niŋgi kumbra bole eŋgoqnqas.

2 Pita 2:11

Ariya laŋ aŋgro qudei naŋgi tulaŋ siŋgila koba. Naŋgi na laŋ aŋgro kokba naŋgi di tulaŋ buŋnjrejunub. Ariya laŋ aŋgro naŋgi dena Tamo Koba Qotei aqa ulatamuq dia laŋ aŋgro kokba naŋgi di uge qa marosaieqnub.

Uli Anjam 12:7

Ariya laŋ goge dia qoto koba brantej. Maikel aqa laŋ aŋgro naŋgi ti tigelosib amal kobaquja qoto iteb. Onaqa amal kobaquja aqa laŋ aŋgro naŋgi ti kamba tigelosib Maikel aqa laŋ aŋgro naŋgi ti qoto itnjreb.