Jut 1:1 - Yesus Aqa Anjam Bole

¹ E Jut. E Yesus Kristus aqa wau tamo. E Jems aqa was. E na anjam endi neŋgreŋyosim niŋgi tamo uŋgasari Qotei na metŋgej qaji niŋgi qa qariŋyonum. Gago Abu Qotei a na niŋgi tulaŋ qalaqalaiŋgeqnu. Yesus Kristus a segi na niŋgi taqatŋgeqnu.

Jut 1:1 Iomraidhean Croise

Matyu 10:3

Ariya Filip wo Bartolomyu wo. Bei Tomas naŋgi takis o qaji tamo Matyu wo. Bei Alfias aqa ŋiri Jems naŋgi Tadius wo.

Matyu 13:55

Iga qalie, aqa siqali a laŋa tal gereiyo qaji tamo. Aqa aniqali Maria. A Jems na Josep na Saimon na Judas na naŋgo was.

Mak 3:18

Ariya Andru wo Filip wo. Bei Bartolomyu naŋgi Matyu wo. Bei Tomas. Bei Alfias aqa ŋiri Jems. Bei Tadius. Bei Saimon agi Rom naŋgi winjrqajqa maroqnej qaji.

Mak 6:3

Iga qalie, a laŋa tal gereiyo qaji tamo. A Maria aqa ŋiri. A Jems na Joses na Judas na Saimon na naŋgo was. Aqa nawi kalil naŋgi agi iga koba na endi unum.” Naŋgi degsib yomu anjam marsib Yesus qa ugeeb.

Luk 6:16

Ariya bei Jems aqa ŋiri Judas. Bei Judas Iskariot agi Yesus osiqa jeu tamo naŋgo baŋq di atej qaji. Yesus aqa aŋgro 12-pela naŋgo ñam agide. Naŋgi Yesus aqa anjam mare mare laqajqa deqa giltnjrej.

Jon 12:26

Tamo bei a ijo wau yqa osimqa a e daurbem. Yimqa qure e sqai qaji di ijo wau tamo a dego e ombla sqas. Tamo bei a ijo wau yoqnqas di ijo Abu na a ñam kobaquja yqas.”

Jon 14:22

Onaqa Judas bei Judas Iskariot sai a na Yesus endegsi nenemyej, “O Tamo Koba, kiyaqa ni tamo uŋgasari kalil mandamq endi unub qaji naŋgoq di brantqa saidosim gago segiq di brantoqnsim ni segi qa babtoqnqam?”

Jon 15:16

“Niŋgi na e giltbosai. E na niŋgi ijo segi qa osim giltŋgem. Osim niŋgi wau eŋgem. Yimqa niŋgi gilsib gei koba ateleŋoqnibqa nuŋgo gei bole gaigai sqas. Deqa niŋgi ijo ñam na iŋgi bei qa ijo Abu pailyqab di a na eŋgwas.

Jon 17:15

Ni na ijo segi tamo uŋgasari naŋgi joqimqa naŋgi mandam uratosib laŋ qureq oqwajqa e deqa ni pailmosai. Naŋgi mandamq endi soqnibqa ni na naŋgi taqatnjresoqnimqa tamo uge Satan a na naŋgi ugeugeinjraim deqa ni pailmonum.

Jon 17:17

Ino anjam kalil bole. Ni na ino anjam bole di naŋgi minjroqnimqa naŋgo are miligiq di wauoqnimqa dena naŋgi ino segi tamo uŋgasari tiŋtiŋ sqab.

Jon 17:19

E niŋgi qa osiy ijo segi jejamu osiy ni emekritqai. Ijo kumbra dena naŋgi ino segi tamo uŋgasari tiŋtiŋ sosib ino anjam bole dauryoqnqab.

Jon 6:39

Abu e qariŋbej qaji aqa areqalo endegsi unu. Tamo uŋgasari kalil a na ebej qaji bei e na uratit padalqasai. E na naŋgi kalil diŋo bati qa olo subq na tigeltnjrqai.

Aposel 20:32

“Bini e niŋgi Qotei aqa baŋq di ateleŋitqa a na niŋgi geregere taqatŋgoqnqas. Qotei a niŋgi qa are boleiyosiqa eleŋej anjam di niŋgi siŋgila na ojesoqnibqa anjam dena nuŋgo are siŋgilatetŋgoqnqas. Niŋgi Qotei aqa segi tamo uŋgasari a na nami gilteleŋej qaji. Deqa mondoŋ a na niŋgi iŋgi bole bole eŋgoqnqas.

Aposel 27:23

Ya qolo ijo Qotei agi e bati gaigai a qa loueqnum qaji aqa laŋ aŋgro bei bosiqa ijo areq di tigelosiq merbej, ‘O Pol, ni ulaaim. Ni Mandor Koba Sisar aqa ulatamuq di tigelqam. Deqa Qotei na ni taqatmim ni padalqasai. Tamo kalil ni ombla qobuŋ na gileqnub qaji naŋgi dego taqatnjrim naŋgi padalqasai.’ Laŋ aŋgro na e degsi merbej.

Rom 1:1

E Pol. E Kristus Yesus aqa wau tamo. E aqa anjam maro tamo sqajqa deqa metbej. Osiqa e Qotei aqa anjam bole marsim laqajqa deqa giltbej.

Rom 1:6

Niŋgi dego Yesus Kristus aqa tamo uŋgasari unub. A na niŋgi metŋgej deqa niŋgi aqa anjam qusib dauryeqnub.

Rom 16:18

Tamo deqaji naŋgi gago Tamo Koba Kristus aqa wau ojosaieqnub. Naŋgi naŋgo segi jejamu qa are qaloqnsib deqa waueqnub. Osib tamo uŋgasari naŋgi walawalainjroqnsib gisa gisaŋnjroqnsibqa naŋgi nanaritnjreqnub. Deqa kumbra bole ti kumbra uge ti di naŋgi geregere poinjrosaieqnu.

Rom 6:22

Ariya nuŋgo une na niŋgi tonto talq waiŋgobulonaq sonabqa Qotei a dena olo niŋgi eleŋej. Deqa bini niŋgi Qotei aqa segi wau tamo unub. Deqa niŋgi iŋgi bole bole endi oqnqab. A na niŋgi aqa segi kumbra boleq di atimqa niŋgi kumbra bole bole a tulaŋ areareteqnu qaji di yoqnqab. Osib niŋgi ŋambile gaigai sqab.

Rom 8:30

Ariya tamo naŋgi Qotei na nami giltnjrej qaji naŋgi di a na metnjrej dego. Tamo naŋgi a na metnjrej qaji naŋgi di a na tamo bole une saiqoji qa minjrej. Tamo naŋgi a na tamo bole une saiqoji qa minjrej qaji naŋgi di a na aqa segi ŋambile bole ti ñam koba ti enjrej.

Rom 9:24

Tamo Qotei a naŋgi qa are boleiyeqnu qaji naŋgi di agi iga tamo uŋgasari Qotei na metgej qaji iga. Iga Juda naŋgo segiq dena bosai. Iga sawa bei bei qaji naŋgoq dena dego bem.

1 Korin 1:2

Niŋgi Korin qureq dia Qotei qa loueqnub qaji. Kristus Yesus a na niŋgi osiqa Qotei aqa segi kumbra boleq di atej. Osiqa niŋgi aqa segi tamo sqa marsiqa giltŋgej. Niŋgi ti Kristen tamo uŋgasari kalil qure qure kalilq dia gago Tamo Koba Yesus Kristus aqa ñam qa louoqnsib pailyeqnub qaji naŋgi ti Qotei na turtŋgosiqa aqa segi tamo sqa marsiqa niŋgi giltŋgej. Yesus a gago Tamo Koba. A Kristen tamo kalil dego naŋgo Tamo Koba.

1 Korin 6:11

Nami niŋgi qudei tamo deqaji soqneb. Ariya bunuqna niŋgi are bulyeb deqa Qotei na nuŋgo are miligi yansetŋgosiqa niŋgi aqa segi kumbra boleq di atsiqa Tamo Koba Yesus Kristus aqa ñam na ti gago Qotei aqa Mondor aqa siŋgila na ti niŋgi gereiŋgej. Deqa bini niŋgi aqa ŋamgalaq di tamo bole une saiqoji unub.

Efesus 5:26

Kristus a ya na ti aqa segi anjam na ti iga yansgej deqa iga aqa ŋamgalaq di tamo bole une saiqoji unum. Kumbra dena iga Kristus aqa segi tamo uŋgasari tiŋtiŋ unum.

1 Tesalonaika 2:12

Iga na nuŋgo areqalo tigeltetŋgosim nuŋgo are miligi siŋgilatetŋgwajqa deqa osim anjam merŋgoqnem. Osim niŋgi anjam endegsi merŋgoqnem, “Niŋgi Qotei aqa kumbra keretosib walweloqniye. Qotei agi a na niŋgi endegsi metŋgej, ‘Niŋgi ijoq babqa e nuŋgo Mandor Koba sosiy niŋgi taqatŋgosiy joqsiy laŋ qureq oqitqa dia niŋgi so bole gaigai sqab.’”

1 Tesalonaika 5:23

Qotei a are lawo qa utru. A na nuŋgo areqalo tigeltetŋgimqa niŋgi nuŋgo segi jejamu osib a yekritosib aqa segi kumbra boleq di sosib dauryoqniye. Qotei a na nuŋgo mondor ti nuŋgo qunuŋ ti nuŋgo jejamu ti kalil taqatesoqnimqa niŋgi so bole sqab. Sosib mondoŋ gago Tamo Koba Yesus Kristus a olo bqas bati deqa niŋgi torei une saiqoji sqab.

2 Timoti 1:9

Qotei a na iga eleŋosiqa iga aqa segi tamo uŋgasari sqajqa deqa metgej. Iga nami kumbra bole yoqnem a deqa are qalsiq iga metgosai. Tulaŋ nami a iŋgi iŋgi kalil atosaisosiqa a aqa segi areqalo na iga metgosiqa Kristus Yesus aqa wau na iga qa are boleiyosiqa eleŋej.

2 Timoti 4:18

Deqa e qalieonum. Jeu tamo naŋgi boqnsib kumbra uge uge ebqa maroqnib Qotei na e aqaryaiboqnsim naŋgo baŋq dena e oqnsim taqal waiboqnqas. Osim bunuqna a na e laŋ qureq osi oqsim dia e taqatboqnsim ijo Mandor Koba sqas. Deqa iga bati gaigai aqa ñam soqtoqnqom. Bole.

Hibru 3:1

O Kristen was qu, Qotei laŋ qureq di unu qaji a na niŋgi dego metŋgej deqa niŋgi Yesus qa are qaloqniye. Qotei na Yesus qariŋyonaq mandamq aiej. A gago atra tamo kobaquja unu. Deqa iga a qa gago areqalo siŋgilatoqnsim aqa ñam boleq na maroqnqom.

Jems 1:1

E Jems. E Qotei wo Tamo Koba Yesus Kristus wo naŋgo wau tamo. Niŋgi Israel naŋgo moma utru 12-pela naŋgo leŋ deqaji. Niŋgi nuŋgo segi segi qure utru uratosib jaraiosib sawa sawa kalil keretosib di unub. Deqa e na anjam endi neŋgreŋyosim niŋgi qa qariŋyonum. O was niŋgi kaiye.

1 Pita 1:2

Tulaŋ nami Qotei Abu a niŋgi qa qalieosiq deqa niŋgi aqa segi tamo uŋgasari sqa marsiqa niŋgi giltŋgej. Qotei aqa Mondor Bole a na niŋgi Qotei aqa segi kumbra boleq di atimqa niŋgi nuŋgo jejamu Qotei yekritosib Yesus Kristus aqa anjam geregere dauryosib sqajqa deqa osiqa niŋgi aqaryaiŋgej. Yim Yesus aqa leŋ na niŋgi yansŋgimqa niŋgi Qotei aqa ŋamgalaq di une saiqoji sqajqa deqa. Qotei a niŋgi qa are tulaŋ boleiyimqa niŋgi geregere lawo na soqniye.

1 Pita 1:5

Niŋgi Kristus qa nuŋgo areqalo siŋgilateqnub deqa Qotei aqa siŋgila kobaquja na niŋgi taqatŋge-junu. Qotei a na niŋgi eleŋam niŋgi bole sqajqa deqa are qaleqnu. Deqa mondoŋ diŋo batiamqa aqa kumbra di brantim niŋgi unqab.

1 Pita 2:9

Ariya Qotei na niŋgi giltŋgej deqa niŋgi aqa segi tamo uŋgasari tiŋtiŋ unub. Niŋgi aqa atra tamo dego sosib a ombla mandor kokba tigelejunub. Osib niŋgi aqa segi kumbra boleq di sosib walweleqnub. Niŋgi aqa segi tamo sqa marsiq giltŋgej deqa niŋgi aqa kumbra bole kalil deqa mare mare laqnub. Nami niŋgi ambruq di soqneb deqa Qotei na niŋgi metŋgonaqa niŋgi ambru uratosib suwaŋoq beleŋeb. Suwaŋ di tulaŋ bolequja.

1 Pita 5:10

Qotei a bati gaigai iga qa are tulaŋ boleiyeqnu. A Kristus Yesus aqa ñam na niŋgi metŋgej deqa mondoŋ niŋgi Kristus ombla aqa riaŋ ti so bole gaigai sqab. Deqa niŋgi mandamq endia sokiñala jaqatiŋ oqnsib koboamqa Qotei a na niŋgi olo boletŋgsim siŋgilatŋgimqa niŋgi gaigai siŋgila na tigelesqab.

2 Pita 1:1

E Saimon Pita. E Yesus Kristus aqa wau tamo. A na e qariŋbej deqa e aqa anjam marsim laqnum. Kristus a gago Qotei. A na iga padalo sawaq dena eleŋej. Niŋgi ti iga ti gago areqalo qujai. Agi iga kalil Yesus qa gago areqalo siŋgilateqnum. Yesus Kristus a kumbra tiŋtiŋ yeqnu qaji tamo. Aqa kumbra dena niŋgi a qa nuŋgo areqalo siŋgilateqnub. Agi iga a qa gago areqalo siŋgilateqnum dego kere.

Jut 1:21

Qotei a na niŋgi tulaŋ qalaqalaiŋgeqnu. Deqa niŋgi a beteryesoqnibqa a na gaigai niŋgi qalaqalaiŋgoqnqas. Gago Tamo Koba Yesus Kristus a iga qa tulaŋ duleqnu aqa kumbra di a na mondoŋ boleq atqas. Yim niŋgi ŋambile gaigai sqab. Deqa niŋgi gaigai a qa tariŋoqnsib soqniye.

Jut 1:3

O ijo was bole, Qotei na iga kalil padalo sawaq dena eleŋej wau di aqa utru e na neŋgreŋyosiy niŋgi qa qariŋyqajqa are koba unu. Ariya e anjam bei dego neŋgreŋyosiy niŋgi qa qariŋyqa are qaleqnum. Anjam agiende. Jeu tamo naŋgi bosib Kristus aqa anjam bole ugeugeiyqa laqnib nuŋgo areqalo Kristus qa siŋgilateqnub qaji di niŋgi olo siŋgila na ojsibqa jeu tamo naŋgi di gotraŋnjroqniye. Iga Qotei aqa tamo uŋgasari unum deqa Qotei na gago areqalo tigeltetgonaqa iga Kristus aqa anjam bole gago areqaloq di siŋgilatejunum. Deqa tamo bei na anjam di olo bulyqa keresai.