Jon 9:5 - Yesus Aqa Anjam Bole

⁵ E mandamq endi sosimqa e mandam endeqa puloŋ unum.”

Jon 9:5 Iomraidhean Croise

Matyu 4:16

Deqa tamo uŋgasari ambruqsi unub qaji naŋgi puloŋ kobaquja unqab. Tamo uŋgasari padalo gam dauryosib ambruqsi unub qaji naŋgi puloŋ dena suwantnjrqas.”

Matyu 5:14

“Niŋgi mandamq endia puloŋ bul unub. Niŋgi are qaliye. Qure kobaquja a mana gogeqsi sqas di a boleq di sqas. A uliesqa keresai.

Luk 2:32

Kristus aqa riaŋ na tamo uŋgasari kalil sawa isa isaq di unub qaji naŋgi suwantnjrqas. Ino segi tamo uŋgasari Israel naŋgi dego a na bosim naŋgi suwantnjrimqa naŋgo ñam kobaqas.”

Jon 12:46

E puloŋ bulosim mandamq aiem. Deqa tamo uŋgasari kalil e qa naŋgo areqalo siŋgilatqab qaji naŋgi ambruq di sqasai.

Jon 8:12

Yesus a uŋa degsi minjnaq gileqnaqa a na tamo uŋgasari naŋgi olo endegsi minjrej, “E mandam endeqa puloŋ. Tamo a e daurbqas di a ambruq di walwelqasai. A suwaŋoq di walweloqnsim ŋambile gaigai sqas.”

Aposel 13:47

Iga degyqom. Di kiyaqa? Tamo Koba Qotei na nami iga segi segi endegsi mergej, ‘E na ni qariŋmitqa ni puloŋ bul sosim aisim sawa bei bei qaji tamo naŋgoq di brantoqnsim ijo anjam minjroqnimqa naŋgi qusib are bulyosib ambru uratosib suwaŋoq bqab. Ni sawa sawa kalilq dia tamo uŋgasari naŋgi anjam endegsim minjroqne, “Niŋgi are bulyosib Qotei aqaq babqa a na niŋgi oqas.” Ni aisim sawa bei bei qaji tamo naŋgi anjam degsim minjroqne.’”

Aposel 26:18

Ni naŋgoq gilsim ijo anjam minjroqnimqa naŋgi e qa poinjroqnim ambru uratosib suwaŋoq bqab. Satan a na naŋgi joqej unu. Deqa ni na naŋgi are bulyetnjroqnimqa naŋgi Satan aqa siŋgila uratosib Qotei aqaq giloqnqab. Amqa e na naŋgo une kalil kobotetnjritqa naŋgi tamo uŋgasari nami e qa naŋgo areqalo siŋgilateb qaji naŋgi ti koba na ijo segi tamo uŋgasari boledamu sqab.’

Aposel 26:23

Agi Qotei aqa medabu o qaji tamo naŋgi nami anjam endegsib neŋgreŋyeb, ‘Kristus a jaqatiŋ koba osim moiqas. Moisimqa tamo kalil qa namoosim olo subq na tigelqas. Osim Juda tamo ti sawa bei bei qaji tamo naŋgi ti ambruq di soqnibqa naŋgi anjam minjroqnimqa naŋgi are bulyosib ambru uratosib suwaŋoq boqnqab.’”

Efesus 5:14

Suwaŋ dena iŋgi qudei boleq ateqnaqa iŋgi di suwaŋobuleqnu. Agi anjam bei endegsi unu, “Ni tamo ŋeiejunum qaji ni olo subq na tigel. Yim Kristus a na ni suwaŋ emqas.”

Uli Anjam 21:23

Qure di seŋ ti bai ti na suwantosai. Qotei aqa segi riaŋ na qure di suwantoqnqas. Kaja Du a segi qure di aqa puloŋ.