Jon 9:3 - Yesus Aqa Anjam Bole

³ Onaqa Yesus na kamba minjrej, “Tamo di aqa segi une na sai. Aqa ai wo abu wo naŋgo une na sai dego. Qotei na tamo di boletimqa aqa wau di boleq dimqa tamo uŋgasari naŋgi unsib Qotei aqa ñam soqtqab. Utru deqa tamo di ai miligiq na ŋam qandimo ŋambabej.

Jon 9:3 Iomraidhean Croise

Matyu 11:5

Endegsib minjiye, ‘Tamo ŋam qandimnjro qaji naŋgi olo ŋam poinjreqnaq sawa uneqnub. Tamo jejamu lainjro qaji naŋgi olo walweleqnub. Tamo naŋgo jejamu yu na ugeeleŋo qaji naŋgo yu kalil koboeqnu. Tamo dabkala geteŋnjro qaji naŋgi olo poinjreqnaqa anjam queqnub. Tamo moreŋo qaji naŋgi olo tigeleqnub. Tamo iŋgi iŋgi saiqoji unub qaji naŋgi Qotei aqa anjam bole queqnub.’ Niŋgi aisib Jon degsib saiyosib minjiye.

Jon 11:4

Onaqa Yesus a naŋgo anjam di qusiqa minjrej, “Ma di tamo moiqajqa ma sai. Tamo uŋgasari naŋgi Qotei aqa siŋgila unsib aqa ñam soqtqajqa deqa a ma di oqo. Gam dena e Qotei aqa Ŋiri e dego ñam koba oqai.”

Jon 11:40

Onaqa Yesus na kamba minjej, “E nami mermonum, ni e qa ino areqalo siŋgilatqam di ni Qotei aqa siŋgila unqam.”

Aposel 28:4

Onaqa nui deqaji tamo uŋgasari naŋgi amal uge Pol aqa baŋq di uñiyosiq gaiŋesonaqa unsibqa segi segi maroqneb, “Tamo endi a tamo qalo qaji kio? A yuwalq di moiosai deqa gago qotei na amal uge qariŋyqoqa a uñiyqo. Deqa a moiqas.”

Aposel 4:21

Onaqa Juda tamo kokba naŋgi na olo naŋgi aiyel Yesus aqa ñam marqajqa siŋgila na saidnjrsib uratnjrnab gileb. Naŋgi aiyel na tamo siŋga qandamo boletonabqa tamo uŋgasari tulaŋ gargekoba unsib deqa tulaŋ areboleboleinjrnaqa Qotei aqa ñam soqtoqneb. Deqa Juda tamo kokba naŋgi tamo uŋgasari naŋgi ulainjreb. Osib endegsib are qaleb, “Iga naŋgo aiyel jejamuq di une bei unosai. Deqa iga naŋgi aiyel ñumqa keresai. Ñumqom di tamo uŋgasari naŋgi minjiŋ oqetnjrimqa iga kamba lugwab.” Utru deqa Juda tamo kokba naŋgi tamo uŋgasari naŋgi ulainjrsib naŋgi aiyel uratnjrnab gileb.

1 Jon 4:16

Kumbra dena iga bole qalieonum, Qotei na iga tulaŋ qalaqalaigeqnu. Aqa qalaqalaiyo kumbra di gago are miligiq di unu. Deqa iga Qotei qa gago areqalo siŋgilateqnum. Qotei a segi qalaqalaiyo kumbra qa utru. Tamo a qalaqalaiyo kumbra dauryqas di a na Qotei beteryesqas. Yim Qotei na a kamba dego beteryesqas.

1 Jon 4:9

Qotei aqa Ŋiri qujai unu. Qotei na aqa Ŋiri di qariŋyonaq mandamq aiej. Yim iga aqa ñam na ŋambile gaigai sqajqa deqa. Qotei aqa kumbra dena iga osorgej, a na iga tulaŋ qalaqalaigeqnu.