Jon 8:9 - Yesus Aqa Anjam Bole

⁹ Onaqa naŋgi Yesus aqa anjam di qusibqa naŋgi segi segi kalil oqedosib jaraieb. Tamo kokba naŋgi namoosib jaraionab qudei bunueb. Osib Yesus uratonab a segi di soqnej. Uŋa di a Yesus aqa ulatamuq di tigelesoqnej.

Jon 8:9 Iomraidhean Croise

Luk 13:17

Yesus a degsi marnaqa aqa jeu tamo naŋgi aqa anjam di qusibqa naŋgi kalil jemainjrej. Kumbra kalil Yesus na yoqnej qaji di tulaŋ bolequja deqa tamo uŋgasari kalil naŋgi di unoqnsib tulaŋ areboleboleinjroqnej.

Jon 8:10

Onaqa Yesus a olo tigelosiqa uŋa di minjej, “Uŋa, tamo naŋgi qabitonub? Tamo bei na ino une qa olo mermosai.”

Jon 8:12

Yesus a uŋa degsi minjnaq gileqnaqa a na tamo uŋgasari naŋgi olo endegsi minjrej, “E mandam endeqa puloŋ. Tamo a e daurbqas di a ambruq di walwelqasai. A suwaŋoq di walweloqnsim ŋambile gaigai sqas.”

Jon 8:2

Nobqolo ambru a olo tigelosiqa atra tal miligiq gilej. Gilsiq di sonaqa tamo uŋgasari kalil naŋgi aqa areq beqnabqa a di awesosiqa Qotei aqa anjam palontosiq minjroqnej.

Jon 8:3

Ariya uŋa bei tamo wo une ateqnab tamo qudei naŋgi na unsibqa dal anjam qalie tamo naŋgi ti Farisi naŋgi ti minjrnab naŋgi na uŋa di ojsib osi bosib tamo uŋgasari naŋgo ŋamgalaq di tigelteb.

Jon 8:8

Osiqa olo turuosiqa mandamq di neŋgreŋyoqnej.

Rom 2:15

Naŋgo kumbra dena Qotei aqa dal anjam naŋgo are miligiq di neŋgreŋyej qaji di olo boleq ateqnu. Naŋgo are miligiq di naŋgi kumbra bole ti kumbra uge ti qalie unub. Dena iga osorgeqnu, dal anjam a naŋgo are miligiq di waueqnu. Deqa mondoŋ naŋgo areqalo dena naŋgi endegsi minjrqas, “Niŋgi une ti.” Osim naŋgo kumbra qudei qa naŋgi endegsi minjrqas, “Nuŋgo kumbra di bole.” Bati deqa Qotei na tamo kalil naŋgo kumbra ti naŋgo anjam ti naŋgo are miligiq di uliejunu qaji di boleq atekritosim dena naŋgi peginjrqas. Anjam bole e palonteqnum qaji di aqa damu endegsi merŋgwai. Mondoŋ Qotei a Kristus Yesus aqa wau na tamo kalil naŋgo kumbra qa naŋgi peginjrqas.

Rom 2:22

Niŋgi mareqnub, “Niŋgi tamo bei aqa uŋa jejamu ojetaib.” Ariya niŋgi segi olo was bei aqa ŋauŋ jejamu ojeteqnub. Niŋgi gisaŋ qotei naŋgi qa louqajqa saideqnub. Saidoqnsib niŋgi segi olo naŋgo atra talq dena sulum bajiŋeqnub.