Jon 8:2 - Yesus Aqa Anjam Bole

² Nobqolo ambru a olo tigelosiqa atra tal miligiq gilej. Gilsiq di sonaqa tamo uŋgasari kalil naŋgi aqa areq beqnabqa a di awesosiqa Qotei aqa anjam palontosiq minjroqnej.

Jon 8:2 Iomraidhean Croise

Matyu 26:55

Yesus a na aqa aŋgro di degsi minjsiqa olo qaja tamo naŋgi minjrej, “E leŋ ojo tamo deqa kio niŋgi sebru ti torom ti eleŋosib e ojqa bonub? E bati gaigai atra tal miligiq dia niŋgi koba na sosimqa tamo uŋgasari naŋgi Qotei aqa anjam minjroqnem bati deqa niŋgi yala baŋ waiysib e ojosai.

Luk 21:37

Bati gaigai qanam Yesus a atra tal miligiq di sosiqa tamo uŋgasari naŋgi Qotei aqa anjam palontosiq minjroqnej. Qoloeqnaqa a olo qure uratoqnsiqa mana ñam Oliv dia ŋeioqnej.

Luk 21:38

Nebeeqnaqa a olo tigeloqnsiqa atra tal miligiq dia Qotei aqa anjam palontoqnej. Deqa tamo uŋgasari kalil naŋgi aqa anjam quqwa maroqnsib nobqolo ambru tigeloqnsibqa atra tal miligiq giloqneb.

Luk 4:20

Yesus a anjam degsi sisiyosiq koboonaqa buk Baibel kabutosiqa Qotei tal taqato tamo yosiq a olo awoej. Onaqa tamo uŋgasari kalil Qotei tal miligiq di soqneb qaji naŋgi Yesus koqyesoqneb.

Luk 5:3

Qobuŋ bei Saimon aqa qobuŋ. Yesus a Saimon aqa qobuŋ goge di awoosiqa Saimon minjej, “Qobuŋ tututim kiñala sasalosim yaq aiem.” Onaqa Saimon na qobuŋ tututonaq sasalonaqa Yesus a qobuŋ miligiq dia awesosiqa tamo uŋgasari kalil naŋgi alile di sonabqa Qotei aqa anjam plaltosiq minjroqnej.

Jon 4:34

Onaqa Yesus na minjrej, “E na ijo Abu e qariŋbej qaji aqa areqalo dauryosiy aqa wau kobotqai. Ijo iŋgi uyo bole agide.

Jon 8:20

Yesus a atra tal miligiq di sosiqa tamo uŋgasari naŋgi anjam degsi minjrej. A silali ato qaji warum jojomq di awesoqnej. Warum dia tamo naŋgi Qotei atraiyoqnsibqa silali atoqneb. Yesus ojqa bati kereosaisoqnej deqa tamo bei na a ojosai.

Jon 8:3

Ariya uŋa bei tamo wo une ateqnab tamo qudei naŋgi na unsibqa dal anjam qalie tamo naŋgi ti Farisi naŋgi ti minjrnab naŋgi na uŋa di ojsib osi bosib tamo uŋgasari naŋgo ŋamgalaq di tigelteb.

Aposel 5:21

Onaqa naŋgi laŋ aŋgro aqa anjam di qusib dauryosib nobqolo malu qameqnaqa atra tal miligiq gilsib dia tigelosib tamo uŋgasari naŋgi Qotei aqa anjam palontosib minjroqneb. Ariya atra tamo gate aqa wau tamo ti naŋgi na Juda tamo kokba ti Israel tamo bole bole ti naŋgi metnjrnab bosib koroeb. Koroosib anjam keretosib naŋgo qaja tamo naŋgi minjreb, “Niŋgi aisib Yesus aqa aŋgro 12-pela naŋgi tonto talq dena joqsib boiye.”