Jon 6:5 - Yesus Aqa Anjam Bole

⁵ Onaqa Yesus a ŋam atsiqa tamo uŋgasari tulaŋ gargekoba a dauryosib aqa areq beqnabqa unjrsiqa aqa aŋgro bei Filip nenemyej, “Iga qabe na iŋgi awaiyosim tamo uŋgasari kalil di anainjronam kereqas?”

Jon 6:5 Iomraidhean Croise

Matyu 15:33

Degsi minjrnaqa naŋgi na kamba minjeb, “Sawa endi wadau. Deqa iga iŋgi qabe na osimqa tamo uŋgasari gargekoba endego anainjronam kereqas?”

Mak 6:32

Degsi minjrsiqa aqa aŋgro naŋgi joqsiqa koba na qobuŋ gogetosib wadau sawaq gileb.

Luk 9:10

Onaqa Yesus aqa aŋgro 12-pela qariŋnjrnaq qure qureq giloqneb qaji naŋgi olo Yesus aqaq bosibqa kumbra kalil naŋgi yoqneb qaji deqa Yesus saiyosib minjoqneb. Minjnabqa Yesus a qusiqa naŋgi joqsiq qure bei ñam Betsaida gileb.

Jon 1:43

Olo nebeonaqa Yesus a Galili sawaq gilqa osiqa Filip itosiq minjej, “Ni e daurbe.”

Jon 1:44

Filip a Betsaida qure qaji. Di Andru wo Pita wo naŋgo qure utru.

Jon 1:45

Ariya Filip a mati olo aisiqa Nataniel itosiq minjej, “Ni au. Iga tamo a qa nami Moses a dal anjam neŋgreŋyej qaji a unonum. Qotei aqa medabu o qaji tamo naŋgi dego a qa osib neŋgreŋyeleŋeb. Tamo di Yesus Nasaret qure qaji. A Josep aqa ŋiri.”

Jon 1:46

Onaqa Nataniel na kamba Filip minjej, “Nasaret di qure kobaquja sai. Di qure kiñala. Kristus a qure dena bqa kere kio?” Onaqa Filip na minjej, “Ni bosim tamo di unime.”

Jon 1:48

Onaqa Nataniel na Yesus nenemyej, “Ni kiersim e qa qalieonum?” Onaqa Yesus na kamba minjej, “Filip a ni metmosaisonaqa ni qura utruq di awesonamqa e ni numonum.”

Jon 4:35

“Niŋgi mareqnub, ‘Bai qolqe koboamqa iŋgi meliqas.’ Niŋgi degsib mareqnub. Ariya e na niŋgi endegsi merŋgwai. Niŋgi ŋam atsib iŋgi wau uniye. Iŋgi meliosi unu.