Jon 6:2 - Yesus Aqa Anjam Bole

² Nami Yesus a Qotei aqa maŋwa gargekoba babteqnaqa tamo uŋgasari tulaŋ gargekoba naŋgi unoqneb. Agi a na tamo ma ti soqneb qaji naŋgi boletnjreqnaqa tamo uŋgasari naŋgi unoqneb. Deqa Yesus a ya agu taqal beiq gileqnaqa naŋgi a dauryosib giloqneb.

Jon 6:2 Iomraidhean Croise

Matyu 12:15

Onaqa Yesus a naŋgo anjam di qalieosiqa qure di uratosiq walwelosiq gilej. A gileqnaqa tamo uŋgasari gargekoba naŋgi a dauryosib giloqneb. Deqa a na tamo uŋgasari kalil ma ti soqneb qaji naŋgi boletnjroqnej.

Matyu 13:2

Onaqa tamo uŋgasari tulaŋ gargekoba naŋgi bosib aqa areq di koroonabqa a sasalosiqa qobuŋ goge di awoej. Awesonaqa tamo uŋgasari kalil naŋgi alile di tigelesoqneb.

Matyu 14:14

Deqa Yesus a qobuŋ na gilsiq tiryosiqa ŋam atej tamo uŋgasari tulaŋ gargekoba nami tiryqa sawaq dia tariŋesonab unjrej. Unjrsiqa naŋgi qa are ugeiyej. Deqa a naŋgo areq aisiqa naŋgo ma tamo kalil boletnjroqnej.

Matyu 8:1

Ariya Yesus a manaq dena aieqnaqa tamo uŋgasari tulaŋ gargekoba naŋgi a dauryosib aieb.

Mak 1:45

Onaqa a gilej di a Yesus aqa anjam di dauryosai. Yesus na a boletej deqa anjam mare mare laqnaqa tamo uŋgasari tulaŋ gargekoba quekritsib Yesus dauryqa maroqneb. Deqa Yesus a segitosiqa gilsiq wadau sawaq di soqnej. Tamo uŋgasari naŋgi a daurysib jujuŋyaib deqa a qure beiq di brantosaioqnej. A wadau sawaq di sonaqa tamo uŋgasari tulaŋ gargekoba naŋgi qure qure kalilq dena tigeloqnsib aqa areq beleŋoqneb.

Mak 6:33

Naŋgi qobuŋ na gileqnabqa tamo uŋgasari kalil naŋgi ŋam atsib Yesus unsibqa aqa ulatamu poinjrnaqa naŋgo segi qure qureq dena tigelosibqa siŋga na gurgurosib Yesus tiryqajqa sawaq dia namoosib bumbraŋyeb.

Jon 11:47

Sainjrnab qusibqa atra tamo kokba ti Juda tamo kokba ti metnjrnab naŋgo areq bosib koba na koroosib mareb, “Iga kierqom? Yesus a maŋwa gargekoba yeleŋeqnu.

Jon 12:18

Mare mare laqnab tamo uŋgasari tulaŋ gargekoba queleŋeb. Queleŋosib deqa Yesus a donki bunuj quraq di awoosiq Jerusalem beqnaqa naŋgi a gamq di turqajqa aieleŋeb.

Jon 12:37

Yesus a Qotei aqa maŋwa gargekoba naŋgo ŋamgalaq di yoqnej. Yeqnaqa naŋgi unoqnsib deqa naŋgo areqalo siŋgilatosai.

Jon 2:11

Yesus a Kana qureq dia Qotei aqa maŋwa di babtej. Kana qure agi Galili sawaq di unu. A nami Qotei aqa maŋwa bei babtosaioqnej. Bati deqa qujai a na maŋwa babtqa utru atej. Maŋwa dena a na aqa ñam koba ti aqa siŋgila ti boleq atej. Onaqa aqa aŋgro naŋgi aqa siŋgila di unsibqa naŋgi a qa naŋgo areqalo siŋgilateb.

Jon 2:23

Ariya Qotei a nami Israel naŋgi Isip sawaq dia padalqa laqnabqa eleŋosiq aqaryainjrej deqa are qalqajqa yori bati brantonaqa Yesus a Jerusalem di sosiqa Qotei aqa maŋwa gargekoba babteqnaqa tamo uŋgasari tulaŋ gargekoba naŋgi unoqnsibqa aqa ñam qa naŋgo areqalo siŋgilatoqneb.

Jon 20:30

Yesus a Qotei aqa maŋwa tulaŋ gargekoba aqa aŋgro naŋgo ŋamdamuq di yoqnej. Ariya e aqa maŋwa kalil deqa neŋgreŋyosai. Aqa maŋwa quja quja segi e buk miligiq endi neŋgreŋyonum.

Jon 3:2

A qolo Yesus aqa areq bosiqa minjej, “O Qalie Tamo Koba, iga qalieonum, Qotei na ni qariŋmej deqa ni bosim gago qalie tamo unum. Qotei a tamo bei ombla sqasai di a maŋwa ni yeqnum qaji di babtqa keresai.”

Jon 6:14

Tamo uŋgasari kalil naŋgi Yesus aqa maŋwa di unsib deqa maroqneb, “Bole, Qotei aqa medabu o tamo nami Qotei na qariŋyim bqajqa marej qaji agi a di.”

Jon 6:22

Nebeonaqa tamo uŋgasari qudei naŋgi ya agu taqal beiq di soqneb. Naŋgi qalie, ya bilaq qobuŋ qujai segi dia tiryosiq soqnej. Qobuŋ bei dia sosai. Yesus aqa aŋgro naŋgi segi qobuŋ di gogetosib gileb. Yesus a naŋgi koba na qobuŋ di gogetosai.

Jon 6:26

Onaqa Yesus na kamba minjrej, “Niŋgi quiye. E bole merŋgwai. Niŋgi ijo siŋgila unsib e qa poiŋgwo deqa niŋgi e qa ŋamosai. E niŋgi bem anaiŋgonam uynab menetŋgej utru deqa niŋgi e qa ŋamoqnab.

Jon 6:30

Onaqa naŋgi Yesus aqa anjam di qusibqa olo nenemyeb, “Ni Qotei aqa maŋwa kie babtim iga unsim ni qa gago areqalo siŋgilatqom? Nami gago moma naŋgi wadau sawaq di sosib laŋ qure qa bem uyoqneb. Agi Qotei aqa anjam bei nami endegsib neŋgreŋyeb unu, ‘A na laŋ qure qa bem tamo uŋgasari naŋgi anainjreqnaq uyoqneb.’ Degsib neŋgreŋyeb. Ariya ni wau kie yim iga unsim ni qa poigim gago areqalo ni qa siŋgilatqom?”