Jon 5:4 - Yesus Aqa Anjam Bole

⁴ Bati qudei Tamo Koba Qotei aqa laŋ aŋgro ya kuru miligiq aioqnsiqa ya enteqnaqa anŋiloqnej. Ya anŋiloqnimqa tamo a namo yaq aiqas qaji aqa ma koboqas. Utru deqa naŋgi ya anŋilqajqa tariŋoqneb.

Jon 5:4 Iomraidhean Croise

Matyu 11:12

“Jon yansnjro qaji a anjam marqajqa bati brantej dena bosi bosiq agi bini tamo naŋgi waukobaoqnsib tulaŋ siŋgilaeqnub. Agi naŋgi Qotei na taqatnjrsim naŋgo Mandor Koba sqa maroqnsib deqa naŋgi siŋgila na qotoqnsib waukobaoqnsib siŋgilaeqnub.

Matyu 6:33

Ariya niŋgi kumbra endi qujai yoqniye. Niŋgi Qotei aqa sorgomq di geregere soqnibqa a nuŋgo Mandor Koba sosim niŋgi taqatŋgoqnqas. Osib niŋgi aqa kumbra tiŋtiŋ dauryoqniye. Niŋgi degyqab di Qotei na kamba iŋgi bole bole dego niŋgi eŋgoqnqas.

Luk 13:24

“Niŋgi siraŋme kiñalaq dena miligiq gilqajqa wauoiye. Niŋgi quiye. Tamo gargekoba naŋgi miligiq gilqajqa wauoqnib ugeinjroqnqas.

Luk 16:16

“Nami Qotei aqa dal anjam ti Qotei aqa medabu o qaji tamo naŋgo anjam ti maroqneb dena bosi bosiq Jon aqa bati brantej. Jon aqa bati brantej dena bosiq agi bini tamo naŋgi sawa sawa kalilq dia Qotei aqa anjam bole palontosib mareqnub. Tamo kalil naŋgi Qotei na taqatnjrsim naŋgo Mandor Koba sqajqa deqa are qaloqnsib areqalo di tulaŋ siŋgilatejunub.

Jon 5:3

Dia tamo ma ti, tamo ŋam qandimo, tamo siŋga uge, tamo jejamu lainjro qaji tulaŋ gargekoba soqneb. Naŋgi ya anŋilqajqa tariŋoqnsib soqneb.

Jon 5:5

Ariya Yesus a Jerusalem aiej bati deqa tamo bei wausau 38 ma ti soqnej qaji a di tariŋesoqnej.

Jon 5:7

Onaqa minjej, “O Tamo Koba, ya anŋiloqnimqa tamo yai na e aqaryaibosim urur yaq osi aiqas? Tamo bei saiqoji. E aiqa yeqnam ma tamo qudei naŋgi na e buŋboqnsib namo yaq aieqnub.”

1 Korin 6:11

Nami niŋgi qudei tamo deqaji soqneb. Ariya bunuqna niŋgi are bulyeb deqa Qotei na nuŋgo are miligi yansetŋgosiqa niŋgi aqa segi kumbra boleq di atsiqa Tamo Koba Yesus Kristus aqa ñam na ti gago Qotei aqa Mondor aqa siŋgila na ti niŋgi gereiŋgej. Deqa bini niŋgi aqa ŋamgalaq di tamo bole une saiqoji unub.

1 Jon 1:7

Qotei a suwaŋoq di unu dego kere iga dego suwaŋoq di walwelqom di iga Qotei aqa tamo uŋgasari kalil naŋgi ti areqalo qujaitosim sqom. Soqnimqa Qotei aqa Ŋiri Yesus aqa leŋ aiej qaji dena gago une kalil kobotetgoqnimqa iga aqa ŋamgalaq di tamo bole une saiqoji sqom.