Jon 4:21 - Yesus Aqa Anjam Bole

²¹ Onaqa Yesus na minjej, “Uŋa, ni ijo anjam endi qusim poimeme. Bati bei brantimqa manaq endia niŋgi Abu qa louoqnqasai. Jerusalem dia dego niŋgi Abu qa louoqnqasai.

Jon 4:21 Iomraidhean Croise

Matyu 18:20

Tamo aiyel kio tamo qalub kio ijo ñam qa are qalsib koroqab di e naŋgo ambleq di sqai.”

Matyu 28:19

Deqa niŋgi walwelosib sawa sawa kalil keretoqnsibqa tamo uŋgasari kalil naŋgi ijo anjam minjroqnsib laqniye. Minjroqnibqa naŋgi ijo anjam quoqnsib dauryoqnsibqa ijo segi aŋgro bole sqab. Deqa niŋgi na ijo Abu aqa ñam na ti e Qotei aqa Ŋiri ijo segi ñam na ti Qotei aqa Mondor Bole aqa ñam na ti naŋgi yansnjroqniye.

Luk 21:24

Jeu tamo naŋgi bosib Juda tamo uŋgasari naŋgi di serie na ñumoqnib moreŋoqnqab. Osib naŋgi ojeleŋosib joqsib sawa bei beiq dia uratnjroqnqab. Leŋ bei bei qaji tamo naŋgi bosib Jerusalem qure tulaŋ niñaqyosib taqatesqab. Taqatesoqnibqa bati Qotei a nami giltej qaji di brantimqa Qotei na naŋgi olo taqal wainjrqas.

Jon 14:6

Onaqa Yesus na minjej, “E segi gam. E segi anjam bole qa utru. E segi ŋambile qa utru dego. Deqa tamo bei a gam bei na ijo Abu aqaq oqwa keresai. Ijo Abu aqaq oqwajqa gam agi e segi qujai.

Jon 16:2

Juda tamo kokba naŋgi na niŋgi taqal waiŋgosib niŋgi olo Qotei tal miligiq gilqa saidŋgwab. Yimqa bunuqna bati bei bamqa tamo naŋgi niŋgi liŋgoqnsib moiotŋgeqnub qaji naŋgi endegsib are qalqab, ‘Iga Qotei aqa wau bole yeqnum.’

Jon 16:32

Niŋgi quiye. Bati bei bqas agi jojomqo. Od, bati di bqo. Deqa jeu tamo naŋgi na niŋgi teteiŋgibqa niŋgi kalil e uratbosibqa segisegiosib nuŋgo qureq jaraiibqa e segi sqai. Bole, e segi sqasai. Di kiyaqa? Ijo Abu a e ombla unum deqa.

Jon 4:23

Ariya bati bei brantqas agi brantqo. Tamo naŋgi ijo Abu qa louqa oqnsib aqa Mondor Bole na ti kumbra bole na ti a qa louoqnqab di naŋgi bole na louqab. Yim ijo Abu a naŋgi qa tulaŋ areboleboleiyqas.

Jon 5:25

“Niŋgi quiye. E bole merŋgwai. Bati bei brantqas agi brantqo. Deqa tamo uŋgasari moreŋo qaji naŋgi ijo kakoro qusib dena naŋgi ŋambile oqab. Di kiyaqa? E Qotei aqa Ŋiri deqa.

Jon 5:28

Niŋgi ijo anjam di qusib deqa are koba qalaib. Bati bei brantimqa tamo uŋgasari kalil subq di unub qaji naŋgi ijo kakoro quqwab.

Aposel 6:14

Bati bei a endegsi marnaq iga quem, ‘Yesus Nasaret qaji a na atra tal endi niñaqyosim Moses aqa dal anjam iga nami egej qaji di dego kobotosim dal anjam bunuj egwas.’”

Efesus 2:18

Kristus aqa wau na iga koba na Mondor qujai ejunum. Deqa iga are qujaitosim unum. Mondor dena gam waqtetgej deqa iga gaigai gago Abu Qotei aqa ulatamuq di brantoqnqom.

Efesus 3:14

E Abu Qotei aqa kumbra deqa are qaloqnsim deqa e siŋga pulutoqnsim a biŋiyeqnum.

1 Timoti 2:8

Deqa ni na Kristen tamo qure qure kalilq di unub qaji naŋgi minjroqnimqa naŋgi baŋ soqtoqnsib pailyoqnebe. Naŋgi mati naŋgo segi ŋambile Qotei yekritosib aqa kumbra boleq di sosib minjiŋ ti ŋiriŋ ti uratosib kumbra bole dena naŋgi pailyoqnebe.

1 Pita 1:17

Niŋgi Qotei metoqnsib minjeqnub, “O gago Abu.” Abu di a gago ñam qa are qalsiq iga pegigosaieqnu. A gago segi segi kumbra unoqnsiq dena iga pegigeqnu. Deqa bati niŋgi mandamq endi sosibqa niŋgi endegsib maroqniye, “Mandam endi gago qure utru sai.” Degsib maroqnsib Qotei qa ulaoqnsib aqa sorgomq di geregere soqniye.

Uli Anjam 21:22

Qure dia e atra tal bei unosai. Tamo Koba Qotei siŋgila kalil ti unu qaji naŋgi Kaja Du wo naŋgi segi aiyel qure di aqa atra tal.