Jon 3:5 - Yesus Aqa Anjam Bole

⁵ Onaqa Yesus na kamba minjej, “Ni que. E bole mermqai. Tamo bei a ya na ti Qotei aqa Mondor na ti aŋgro mom bunuj bulosim ŋambabqasai di Qotei na a taqatosim aqa Mandor Koba sqasai bolesai.

Jon 3:5 Iomraidhean Croise

Matyu 18:3

Osornjrsiqa minjrej, “Niŋgi quiye. E bole merŋgwai. Niŋgi are bulyosib aŋgro kiñala endego bulqasai di Qotei a niŋgi osim taqatŋgwasai. Deqa a nuŋgo Mandor Koba sqasai dego.

Matyu 19:24

E niŋgi olo merŋgwai. Kamel a yumba miligiq gilqajqa tulaŋ baŋgi koba. Dego kere tamo uŋgasari iŋgi iŋgi koba ti unub qaji naŋgi Qotei na taqatnjrsim naŋgo Mandor Koba sqa marsibqa laŋ qureq oqwajqa tulaŋ baŋgi koba.”

Matyu 21:31

Deqa niŋgi na merbiye. Aŋgro yai na aqa siqali aqa anjam dauryej?” Onaqa naŋgi na kamba Yesus minjeb, “Ŋiri matu a na aqa siqali aqa anjam dauryej.” Naŋgi degsib Yesus minjnabqa a na olo minjrej, “Niŋgi quiye. E bole merŋgwai. Takis o qaji tamo ti gam qaji uŋa ti naŋgi na niŋgi buŋgosib namoosib Qotei aqa baŋq oqibqa a naŋgo Mandor Koba sosim naŋgi taqatnjrqas.

Matyu 28:19

Deqa niŋgi walwelosib sawa sawa kalil keretoqnsibqa tamo uŋgasari kalil naŋgi ijo anjam minjroqnsib laqniye. Minjroqnibqa naŋgi ijo anjam quoqnsib dauryoqnsibqa ijo segi aŋgro bole sqab. Deqa niŋgi na ijo Abu aqa ñam na ti e Qotei aqa Ŋiri ijo segi ñam na ti Qotei aqa Mondor Bole aqa ñam na ti naŋgi yansnjroqniye.

Matyu 3:11

“Niŋgi are bulyqajqa deqa e ya na niŋgi laŋa yansŋgeqnum. Ariya Tamo Koba a bunuqna ijo qoreq na bqas. A tamo siŋgila koba. Ijo siŋgila aqa siŋgila ti keresai. Deqa e a kaŋgalyqajqa e tamo bolesai. A bosimqa Qotei aqa Mondor aqa siŋgila na ti ŋamyuo na ti niŋgi yansŋgwas.

Matyu 5:20

E niŋgi endegsi merŋgwai. Niŋgi Qotei aqa areqalo dauryqa uratosib nuŋgo kumbra bole a dal anjam qalie tamo naŋgi ti Farisi ti naŋgo kumbra bole buŋyqasai di Qotei a niŋgi taqatŋgosim nuŋgo Mandor Koba sqasai. Deqa niŋgi laŋ qureq oqwa keresai.”

Mak 10:14

Degsib saidnjreb deqa Yesus na aqa aŋgro naŋgi ŋiriŋtnjrsiqa minjrej, “Aŋgro du du naŋgi metnjribqa ijo areq bebe. Naŋgi saidnjraib. Di kiyaqa? Tamo uŋgasari naŋgi aŋgro du du dego bul sqab di Qotei a naŋgo Mandor Koba sosim naŋgi taqatnjrqas.

Mak 16:16

Tamo naŋgi e qa naŋgo areqalo siŋgilatosib yanso oqab qaji naŋgi di Qotei na oqas. Ariya tamo naŋgi e qa naŋgo areqalo siŋgilatqasai qaji naŋgi di Qotei na naŋgo une qa peginjrsim awai uge enjrqas.

Mak 9:47

Ino ŋamdamu na ni titmosim uneq waimqa laqnimqa ŋamdamu di otorosim waiy. Ni ŋamdamu qujai ti sosimqa ino ŋamdamu na une bei yqasai di kere. Di Qotei a ino Mandor Koba sosim ni taqatmqas. Ariya ni ŋamdamu aiyel ti sosimqa ino ŋamdamu na une yqam di keresai. Di Qotei na ni ŋamyuoq waimqas.

Luk 13:24

“Niŋgi siraŋme kiñalaq dena miligiq gilqajqa wauoiye. Niŋgi quiye. Tamo gargekoba naŋgi miligiq gilqajqa wauoqnib ugeinjroqnqas.

Luk 13:3

Niŋgi degsib are qalaib. E niŋgi merŋgwai. Niŋgi are bulyqasai di niŋgi kalil dego padalqab.

Luk 13:5

Niŋgi degsib are qalaib. E niŋgi merŋgwai. Niŋgi are bulyqasai di niŋgi kalil dego padalqab.”

Jon 1:13

Naŋgo meani na ŋambabtnjro qaji dena naŋgi Qotei aqa aŋgro brantosai. Naŋgo segi areqalo na naŋgi Qotei aqa aŋgro brantosai. Tamo bei aqa areqalo na dego naŋgi Qotei aqa aŋgro brantosai. Qotei a segi na marej deqa naŋgi aqa aŋgro tiŋtiŋ branteb.

Jon 3:3

Onaqa Yesus na kamba minjej, “Ni que. E bole mermqai. Tamo bei a aŋgro mom bunuj bulosim ŋambabqasai di Qotei na a taqatosim aqa Mandor Koba sqasai. Deqa a Qotei unqa keresai.”

Jon 3:4

Onaqa Nikodemus na nenemyej, “Tamo qeliqo qaji a kiersim olo aqa ai miligiq aisim aŋgro mom bunuj bulosim ŋambabqas?”

Aposel 2:38

Onaqa Pita na kamba minjrej, “Niŋgi segi segi are bulyosib Qotei aqaq boiye. Babqa iga Yesus Kristus aqa ñam na niŋgi yansŋgonam Qotei na nuŋgo une kalil kobotetŋgwas. Osim aqa Mondor Bole niŋgi laŋa eŋgwas. Awai saiqoji.

Aposel 3:19

“Deqa niŋgi quiye. Niŋgi na nuŋgo une kalil torei uratosib are bulyosib Qotei aqaq babqa a na nuŋgo une kalil kobotetŋgimqa niŋgi aqa aŋgro bole sqab.

Rom 14:17

Iga iŋgi ti ya ti uyoqnqom kumbra dena Qotei a gago Mandor Koba sosim iga taqatgwasai. Ariya iga kumbra tiŋtiŋ yoqnsim lawo kumbra dauryoqnsim Qotei aqa Mondor aqa wau na areboleboleigim sqom kumbra dena Qotei a gago Mandor Koba sosim iga taqatgwas.

Rom 8:2

Di kiyaqa? Niŋgi segi segi Kristus Yesus aqa tamo deqa. Qotei aqa Mondor Bole iga ŋambile egej qaji a na niŋgi aqaryaiŋgej deqa une ti moio ti na niŋgi olo taqatŋgwa keresai. Qotei aqa Mondor a segi na niŋgi taqatŋgeqnu.

1 Korin 15:50

O was qu, e na niŋgi endegsi merŋgwai. Qotei na mandam qaji tamo naŋgi oqa keresai. Deqa a naŋgo Mandor Koba sosim naŋgi taqatnjrqa keresai dego. Gago jejamu moisim qusaqas qaji di ŋambile gaigai sqa keresai.

1 Korin 2:12

O was qu, iga mandam qaji mondor osai. Iga Mondor Bole Qotei aqaq dena bej qaji di em. Deqa iŋgi iŋgi kalil Qotei na iga egeqnu qaji di Mondor na iga osorgeqnu deqa iga qalie.

1 Korin 6:11

Nami niŋgi qudei tamo deqaji soqneb. Ariya bunuqna niŋgi are bulyeb deqa Qotei na nuŋgo are miligi yansetŋgosiqa niŋgi aqa segi kumbra boleq di atsiqa Tamo Koba Yesus Kristus aqa ñam na ti gago Qotei aqa Mondor aqa siŋgila na ti niŋgi gereiŋgej. Deqa bini niŋgi aqa ŋamgalaq di tamo bole une saiqoji unub.

Galesia 6:15

Iga muluŋ aiqom di laŋa. Iga muluŋ aiqasai di dego laŋa. Ariya Qotei na iga tamo uŋgasari bunuj gereigej di kumbra utru ti.

Efesus 5:26

Kristus a ya na ti aqa segi anjam na ti iga yansgej deqa iga aqa ŋamgalaq di tamo bole une saiqoji unum. Kumbra dena iga Kristus aqa segi tamo uŋgasari tiŋtiŋ unum.

1 Pita 1:2

Tulaŋ nami Qotei Abu a niŋgi qa qalieosiq deqa niŋgi aqa segi tamo uŋgasari sqa marsiqa niŋgi giltŋgej. Qotei aqa Mondor Bole a na niŋgi Qotei aqa segi kumbra boleq di atimqa niŋgi nuŋgo jejamu Qotei yekritosib Yesus Kristus aqa anjam geregere dauryosib sqajqa deqa osiqa niŋgi aqaryaiŋgej. Yim Yesus aqa leŋ na niŋgi yansŋgimqa niŋgi Qotei aqa ŋamgalaq di une saiqoji sqajqa deqa. Qotei a niŋgi qa are tulaŋ boleiyimqa niŋgi geregere lawo na soqniye.

1 Pita 3:21

Dego kere niŋgi ya na yanso eb deqa Qotei a niŋgi dego eleŋej. A ya dena nuŋgo jejamu qaji jiga di yansetŋgosai. Niŋgi yanso eb bati deqa niŋgi Qotei pailyonab a na nuŋgo are miligi qaji jiga yansetŋgej. Qotei na Yesus Kristus olo subq na tigeltej gam dena a na niŋgi eleŋej.

1 Jon 2:29

Niŋgi qalie, Kristus aqa kumbra kalil tiŋtiŋo. Deqa niŋgi endegsib qalieoiye. Tamo kalil kumbra tiŋtiŋ yeqnub qaji naŋgi Qotei aqa segi aŋgro bole tiŋtiŋ unub.

1 Jon 5:1

Yesus a segi Kristus. Tamo kalil degsib maroqnsib Yesus qa naŋgo areqalo siŋgilateqnub qaji naŋgi Qotei aqa aŋgro tiŋtiŋ unub. Tamo kalil Abu Qotei qalaqalaiyeqnub qaji naŋgi na aqa aŋgro naŋgi dego qalaqalainjreqnub.