Jon 3:2 - Yesus Aqa Anjam Bole

² A qolo Yesus aqa areq bosiqa minjej, “O Qalie Tamo Koba, iga qalieonum, Qotei na ni qariŋmej deqa ni bosim gago qalie tamo unum. Qotei a tamo bei ombla sqasai di a maŋwa ni yeqnum qaji di babtqa keresai.”

Jon 3:2 Iomraidhean Croise

Matyu 22:16

Qairosib anjam kereonaq naŋgo aŋgro qudei Herot aqa wau tamo qudei ti qariŋnjrnab Yesus aqa areq bosib gisaŋyosib minjeb, “O Qalie Tamo Koba, iga qalie, ni anjam bole maro qaji tamo. Ni anjam bole segi tamo uŋgasari naŋgi minjroqnsim Qotei aqa kumbra osornjreqnum. Ni tamo bei ulaiyosaieqnum. Ni tamo ñam ti naŋgi anjam bei minjroqnsim olo tamo ñam saiqoji naŋgi anjam bei minjrosaieqnum. Ni anjam qujai tamo kalil naŋgi minjreqnum.

Matyu 23:7

Naŋgi koro sawaq dia dego tamo uŋgasari naŋgi na unjroqnsib naŋgo ñam soqtoqnsib ‘O Qalie Tamo’ degsib minjroqnsib baŋ ojetnjroqnqajqa deqa naŋgi areboleboleinjreqnu.

Matyu 23:8

Ariya tamo qudei naŋgi na niŋgi endegsib merŋgaib, ‘O Qalie Tamo.’ Tamo qujai a segi nuŋgo qalie tamo. Niŋgi kalil was qu.

Jon 1:38

Onaqa Yesus a bulosiqa naŋgi aiyel a dauryosib beqnabqa unjrsiqa nenemnjrej, “Niŋgi aiyel kiyaqa e daurbeqnub?” Onaqa minjeb, “Rabai, ni tal qabia unum?” Ñam “Rabai” di Hibru anjam. Gago anjam, “Qalie Tamo Koba.”

Jon 10:38

Ariya e Qotei aqa wau yeqnum. Deqa niŋgi ijo anjam quib ugeiŋgim niŋgi ijo wau uniye. Unsib poiŋgwas, bole, e Qotei aqa Ŋiri. Osib dena niŋgi geregere qalieqab, ijo Abu na e beterbejunu. E na ijo Abu beteryejunum.”

Jon 12:37

Yesus a Qotei aqa maŋwa gargekoba naŋgo ŋamgalaq di yoqnej. Yeqnaqa naŋgi unoqnsib deqa naŋgo areqalo siŋgilatosai.

Jon 14:10

E ijo Abu beteryejunum a dego e beterbejunu di ni poimosai kio? Anjam e na niŋgi merŋgeqnum qaji endi ijo segi areqalo na marosai. Ijo Abu na e beterbesosiqa aqa wau ojeqnu.

Jon 15:24

E wau bunuj tamo bei na nami yosaioqnej qaji di naŋgo ambleq di yosai qamu naŋgi une saiqoji qamu. Ariya e naŋgo ambleq di wau bunuj yeqnamqa naŋgi unoqneb. Deqa naŋgi na aqo ijo Abu wo jeutgeqnub.

Jon 2:11

Yesus a Kana qureq dia Qotei aqa maŋwa di babtej. Kana qure agi Galili sawaq di unu. A nami Qotei aqa maŋwa bei babtosaioqnej. Bati deqa qujai a na maŋwa babtqa utru atej. Maŋwa dena a na aqa ñam koba ti aqa siŋgila ti boleq atej. Onaqa aqa aŋgro naŋgi aqa siŋgila di unsibqa naŋgi a qa naŋgo areqalo siŋgilateb.

Jon 20:16

Onaqa Yesus na minjej, “O Maria.” Degsi minjnaqa Maria a Yesus qa poiyonaqa Yesus areiysiq minjej, “O Rabonai.” Di Hibru anjam. Aqa damu, “O Qalie Tamo Koba.”

Jon 3:26

Onaqa Jon aqa aŋgro naŋgi Jon aqa areq gilsib minjeb, “O Qalie Tamo Koba, nami tamo ni ombla Jordan ya taqal beiq di sosibqa ni a qa anjam maroqnem qaji bini tamo uŋgasari kalil naŋgi aqa areq gileqnabqa a na yansnjreqnu. Naŋgi inoq bosaieqnub.”

Jon 4:31

Beqnabqa Yesus aqa aŋgro naŋgi na minjeb, “O Qalie Tamo Koba, ni bosim iŋgi uye.”

Jon 5:36

“Ariya anjam e palonteqnum qaji dena Jon tulaŋ buŋyejunu. Wau kalil ijo Abu na e yosiy kobotqajqa ebej qaji wau dena Jon aqa wau tulaŋ buŋyejunu. E wau di yeqnum deqa tamo uŋgasari naŋgi unoqnsib endegsi poinjreqnu, ijo Abu na e qariŋbonaq bem.

Jon 6:2

Nami Yesus a Qotei aqa maŋwa gargekoba babteqnaqa tamo uŋgasari tulaŋ gargekoba naŋgi unoqneb. Agi a na tamo ma ti soqneb qaji naŋgi boletnjreqnaqa tamo uŋgasari naŋgi unoqneb. Deqa Yesus a ya agu taqal beiq gileqnaqa naŋgi a dauryosib giloqneb.

Jon 7:31

Bati deqa tamo uŋgasari gargekoba naŋgi Yesus qa naŋgo areqalo siŋgilateb. Osib mareb, “Kristus a bosim Qotei aqa maŋwa gargekoba tamo endena babteqnu qaji di buŋyqa keresai.”

Jon 9:16

Onaqa Farisi qudei naŋgi endegsib mareb, “Iga qalie, Qotei na Yesus qariŋyosai. Di kiyaqa? A yori bati gentqo deqa.” Ariya tamo qudei naŋgi mareb, “Sai. Une tamo a kiersim maŋwa deqaji babtqas?” Farisi naŋgi anjam deqa ŋiri ŋiriŋosib poaiyeleb.

Aposel 10:38

Qotei na aqa Mondor siŋgila koba ti unu qaji di Yesus yonaqa a walweloqnsiqa kumbra bole bole yoqnsiqa tamo uŋgasari Satan na ugetnjro qaji naŋgi kalil boletnjroqnej. Qotei a Yesus ombla soqneb deqa a siŋgila ti wauoqnej.

Aposel 2:22

“Deqa Israel tamo uŋgasari, niŋgi ijo anjam endi quiye. Niŋgi qalie, Qotei na Yesus Nasaret qaji a qariŋyonaq mandamq aisiqa kumbra gargekoba nuŋgo ambleq di yoqnej. Kumbra yeqnaqa niŋgi unoqnsib maroqneb, ‘Bole, Qotei na Yesus qariŋyonaq bej.’

Filipai 1:14

E tonto talq endia unum deqa Kristen was gargekoba naŋgi kamba siŋgilaoqnsib Tamo Koba Qotei qa naŋgo areqalo siŋgilateqnub. Osib deqa naŋgi ulaosaieqnub. Naŋgi Qotei aqa anjam siŋgila na mareqnub.