Jon 21:3 - Yesus Aqa Anjam Bole

³ Onaqa Saimon Pita a na naŋgi minjrej, “E qe oqajqa deqa kakaŋ waiyqa aieqnum.” Onaqa naŋgi na minjeb, “Iga koba na aiqom.” Degsi minjsib naŋgi koba na aisib qobuŋ gogetosib kakaŋ waiyoqneb. Di qolo. Waiyeqnab nebeej. Naŋgi qe bei osai bolesai.

Jon 21:3 Iomraidhean Croise

Luk 5:5

Onaqa Saimon na kamba minjej, “O Tamo Koba, iga qolo waukobaonum gilsim nebeqo. Iga qe bei yala osai. Uŋgum. Ni maronum deqa e kakaŋ olo waiyqai.”

Jon 21:4

Ariya nobqolo ambru naŋgi qobuŋ miligiq di sosib ŋam ateb Yesus a alile di tigelesonaq uneb. Ariya naŋgi qaliesai, di Yesus.

Aposel 18:3

Pol a naŋgi ti wau qujai. Deqa naŋgi koba na Korin qureq di sosibqa silali qa wauoqneb. Naŋgo silali wau agi naŋgi gara na tal gereiyoqneb.

Aposel 20:34

Niŋgi qalie, e iŋgi bei qa truquoqnsimqa e segi wauoqnsim iŋgi awaiyoqnsim tamo naŋgi e ombla na wauoqnem qaji naŋgi iŋgi anainjroqnem.

1 Korin 3:7

Deqa tamo a iŋgi yageqnu qaji a ñam saiqoji. Tamo a wau taqateqnu qaji a dego ñam saiqoji. Ariya Qotei iŋgi boleteqnu qaji a segi ñam koba ti.

1 Korin 9:6

Aqo Barnabas wo segi gago baŋ na wauoqnsim dena silali oqnqom e? Yesus aqa wau tamo qudei naŋgi degyqasai e?”

1 Tesalonaika 2:9

O was qu, niŋgi qalie, iga niŋgi koba na sosim Qotei aqa anjam bole niŋgi merŋgoqnem bati deqa iga waukobaoqnem. Iga na niŋgi gulube eŋgwa uratosim deqa iga gago segi baŋ na qanam ti qolo ti tulaŋ siŋgila na wauoqnsim dena gago segi iŋgi iŋgi awaiyosim uyoqnem. Niŋgi na iga silali qa aqaryaigwajqa iga deqa merŋgosaioqnem.