Jon 2:12 - Yesus Aqa Anjam Bole

¹² Ariya uŋa baŋ ojo bati di koboonaqa Yesus aqa aube naŋgi ti aqa aŋgro naŋgi ti aqa aniqali koba na Kana qure uratosib Kaperneam qureq aieb. Aisib dia bati qudei soqneb.

Jon 2:12 Iomraidhean Croise

Matyu 11:23

O Kaperneam tamo uŋgasari, niŋgi laŋ qureq oqwa kere e? Keresai. Niŋgi moio qureq aiqab. Tamo bei a Sodom qureq gilsiq maŋwa e nuŋgoq di yoqnem qaji di Sodom qure naŋgoq di yo qamu naŋgi nami are bulyosib bini unub qamu. Naŋgi padalosai qamu.

Matyu 12:46

Yesus a na tamo uŋgasari naŋgi anjam degsi minjreqnaqa aqa was naŋgi aqa aniqali ombla na Yesus qa bosib talq di iteb. Yesus a warum miligiq di sonaqa naŋgi anjam bei minjqajqa deqa oqeq di tigelesoqneb.

Matyu 4:13

Aisiq Nasaret qureq di brantej. Dena walwelosiqa Kaperneam qureq gilsiq di soqnej. Kaperneam qure agi Galili ya agu qalaqsi unu. Ya agu jojomq dia sawa aiyel unub. Sawa aiyel di naŋgo ñam Sebulun ti Naptali ti. Kaperneam qure a sawa aiyel di naŋgo ambleqsi unu.

Mak 6:3

Iga qalie, a laŋa tal gereiyo qaji tamo. A Maria aqa ŋiri. A Jems na Joses na Judas na Saimon na naŋgo was. Aqa nawi kalil naŋgi agi iga koba na endi unum.” Naŋgi degsib yomu anjam marsib Yesus qa ugeeb.

Jon 2:2

Yesus aqa aŋgro naŋgi ti dego metnjrnab koro deq gileb.

Jon 4:46

Ariya Yesus a olo Kana qureq aiej. Qure di agi Galili sawaq di unu. Qure dia nami a na ya laŋaj bulyonaqa wain babej. Aisiq di sonaqa Kaperneam qureq dia Rom naŋgo Mandor Koba aqa qaja tamo bei aqa ŋiri makobaiyonaq ŋeiesoqnej.

Jon 6:17

Aisib qobuŋ bei gogetosib qobuŋ suweiyosib gileb. Naŋgi mareb, “Iga ya agu taqal beiq gilsim Kaperneam qureq di tiryqom.” Naŋgi degsib marsib gileb. Qoloonaqa Yesus a naŋgoq bosaisoqnej.

1 Korin 9:5

Iga uŋa oqa are soqnim Kristen uŋa osim laqnqa kere e? Agi Tamo Koba Yesus aqa wau tamo qudei naŋgi ti aqa was naŋgi ti Pita ombla na uŋa oqnsib laqnub.

Galesia 1:19

E Jerusalem di soqnem bati di e Yesus aqa anjam maro tamo bei unosai. E Tamo Koba Yesus aqa aube Jems a segi unem.