Jon 2:10 - Yesus Aqa Anjam Bole

¹⁰ “Bati gaigai tamo naŋgi iŋgi goioqnsib wain qaqatiŋ bole namo tamo naŋgi anainjreqnab uyeqnab olo bunu wain qaqatiŋ bolesai di anainjreqnub. Ariya ni degosai. Ni wain qaqatiŋ bole tentosim namo wain qaqatiŋ bolesai anainjronum uyonub olo bunu wain qaqatiŋ bole anainjronum.”

Jon 2:10 Iomraidhean Croise

Matyu 24:49

Degsi are qalsimqa tamo naŋgi koba na wauo qaji naŋgi laŋa laŋa kumbaiŋnjroqnqas. Osim wain uyo tamo qudei naŋgi joqsim koba na iŋgi ti wain ti uyoqnsibqa nanarioqnqab.

Luk 12:45

Ariya wau tamo di a tamo uge qamu a endegsi are qalqas, ‘Ijo tamo koba a urur bqasai.’ Degsi are qalsimqa wau tamo ti uŋgasari ti naŋgi laŋa laŋa kumbaiŋnjroqnqas. Osim laŋa iŋgi koba uyoqnsim sqas. Wain koba dego uyoqnsim nanarioqnqas.

Luk 16:25

“Onaqa Abraham na minjej, ‘O aŋgro, ni are qale. Ni nami ñoro koba ti sosimqa areboleboleimeqnaqa iŋgi bole bole uyoqnem. Ni degsi sonamqa Lasarus a ino iŋgi ñeŋgi uyoqnsiq soqnej. Deqa bini Lasarus a sawa bole endi sosiqa a tulaŋ areboleboleiyeqnu. Ariya ni agi ŋamyuoq di sosimqa jaqatiŋ koba eqnum.

Aposel 2:15

Niŋgi maronub, ‘Tamo naŋgi di wain uysib nanarionub.’ Di sai. Endego nobqolo koba. Wain uyqa bati sai.

1 Korin 11:21

Niŋgi qunjaŋ bolet deqa niŋgi namo boqnsib Qotei tal miligiq dia iŋgi uyekriteqnab was qudei naŋgi bunu boqnsib mamnjreqnu. Osib tamo qudei naŋgi wain koba dego uyoqnsib nanarieqnub.

Efesus 5:18

Niŋgi ya uge uyoqnsib nanarioqnaib. Kumbra dena niŋgi ugeugeiŋgwas. Deqa niŋgi Qotei aqa Mondor aqa kumbra dauryoqnibqa a na niŋgi taqatŋgesqas.

1 Tesalonaika 5:7

Iga qalie, tamo naŋgi ŋereŋeqnub qaji naŋgi qolo ŋereŋeqnub. Tamo naŋgi ya uysib nanarieqnub qaji naŋgi qolo ya uyeqnub.

Uli Anjam 17:2

Mandor kokba kalil mandamq di unub qaji naŋgi a ombla na sambalaosib laqnub. Tamo kalil mandamq di unub qaji naŋgi dego a ti sambalaosib laqnub. Naŋgo kumbra di naŋgi wain uyoqnsib nanarieqnub dego bul.”

Uli Anjam 17:6

Uŋa dena Qotei aqa segi tamo uŋgasari naŋgi ugeugeinjroqnsiqa ñumeleŋeqnaq naŋgi moreŋoqneb. Tamo uŋgasari naŋgi di Yesus qa naŋgo areqalo siŋgilatosib aqa ñam marsib laqneb qaji. Uŋa dena naŋgi ñumeqnaq naŋgi moreŋosib naŋgo leŋ aieqnaqa a leŋ di wain bul uyoqnsiq nanarieqnaq e degsi unsimqa tulaŋ koba prugugetosim are koba qaloqnem.