Jon 2:1 - Yesus Aqa Anjam Bole

¹ Bati aiyel koboonaqa Kana qure agi Galili sawaq di unu dia aŋgro wala bei aqa uŋa baŋ ojej. Deqa tamo uŋgasari naŋgi koroosib iŋgi goieb. Anjam qariŋyonab Yesus aqa aniqali a koro deq gilej.

Jon 2:1 Iomraidhean Croise

Matyu 12:46

Yesus a na tamo uŋgasari naŋgi anjam degsi minjreqnaqa aqa was naŋgi aqa aniqali ombla na Yesus qa bosib talq di iteb. Yesus a warum miligiq di sonaqa naŋgi anjam bei minjqajqa deqa oqeq di tigelesoqneb.

Jon 1:29

Nebeonaqa Yesus a walwelosiq Jon aqa areq beqnaqa unsiqa marej, “Niŋgi uniye. Tamo di a Qotei aqa Kaja Du. A na qujai tamo uŋgasari mandamq endi unub qaji naŋgo une kobotetnjrqajqa bej.

Jon 1:35

Olo nebeonaqa Jon a na aqa aŋgro aiyel joqsiqa naŋgi koba na tigelesoqneb.

Jon 1:43

Olo nebeonaqa Yesus a Galili sawaq gilqa osiqa Filip itosiq minjej, “Ni e daurbe.”

Jon 2:11

Yesus a Kana qureq dia Qotei aqa maŋwa di babtej. Kana qure agi Galili sawaq di unu. A nami Qotei aqa maŋwa bei babtosaioqnej. Bati deqa qujai a na maŋwa babtqa utru atej. Maŋwa dena a na aqa ñam koba ti aqa siŋgila ti boleq atej. Onaqa aqa aŋgro naŋgi aqa siŋgila di unsibqa naŋgi a qa naŋgo areqalo siŋgilateb.

Jon 21:2

Ya agu qalaq dia Yesus aqa aŋgro 7-pela naŋgi soqneb. Aŋgro bei Saimon Pita. Bei Tomas aqa ñam bei Didimus. Bei Nataniel. Nataniel aqa qure utru Kana. Kana a Galili sawaq di unu. Sebedi aqa ŋiri aiyel naŋgi dego ya agu qalaq di soqneb. Ariya Yesus aqa aŋgro aiyel dego naŋgi koba na soqneb.

Jon 4:46

Ariya Yesus a olo Kana qureq aiej. Qure di agi Galili sawaq di unu. Qure dia nami a na ya laŋaj bulyonaqa wain babej. Aisiq di sonaqa Kaperneam qureq dia Rom naŋgo Mandor Koba aqa qaja tamo bei aqa ŋiri makobaiyonaq ŋeiesoqnej.

Hibru 13:4

Tamo a uŋatqajqa di kumbra bole. Uŋa a tamotqajqa di dego kumbra bole. Deqa niŋgi kumbra di ugetaib. Niŋgi kumbra di geregere taqatosib dena niŋgi Qotei aqa ŋamgalaq di jiga saiqoji sqab. Niŋgi qalie, tamo uŋgasari sambala kumbra yeqnub qaji naŋgi Qotei na awai uge enjrqas.